ਹਾਲ ਹੀ ਵਿੱਚ ਸੋਨਾਕਸ਼ੀ ਸਿਨਹਾ ਦੀ ਫਿਲਮ ‘ਖਾਨਦਾਨੀ ਸ਼ਫਾਖਾਨਾ’ ਦੇ ਇੱਕ ਸਪੈਸ਼ਲ ਗੀਤ ਵਿੱਚ ਨਜ਼ਰ ਆਈ ਡਾਇਨਾ ਪੇਂਟੀ ਦੀ ਅਗਲੀ ਫਿਲਮ ‘ਸ਼ਿੱਦਤ’ ਜਿਸ ਵਿੱਚ ਉਹ ਮੋਹਿਤ ਰੈਨਾ, ਸਨੀ ਕੌਸ਼ਲ ਅਤੇ ਰਾਧਿਕਾ ਮਦਾਨ ਦੇ ਨਾਲ ਨਜ਼ਰ ਆੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਧਰਮਾ ਪ੍ਰੋਡਕਸ਼ਨ ਦੀ ਇਹ ਫਿਲਮ ਇੱਕ ਜ਼ਬਰਦਸਤ ਲਵ ਸਟੋਰੀ ਹੋਵੇਗੀ। ਪਿਛਲੇ ਸਤੱ ਸਾਲਾਂ ਵਿੱਚ ਉਸ ਦੇ ਖਾਤੇ ਵਿੱਚ ਸਿਰਫ ਪੰਜ ਹੀ ਫਿਲਮਾਂ ਆਈਆਂ ਹਨ।
ਹਾਲਾਂਕਿ ਡਾਇਨਾ ਦਾ ਕਹਿਣਾ ਹੈ ਕਿ ਉਸ ਨੇ ਬਾਲੀਵੁੱਡ 'ਚ ਧੜਾਧੜ ਫਿਲਮਾਂ ਕਰਨ ਦੀ ਕੋਸ਼ਿਸ਼ ਇਸ ਲਈ ਨਹੀਂਕੀਤੀ ਕਿਉਂਕਿ ਉਹ ਸਿਰਫ ਅਤੇ ਸਿਰਫ ਚੰਗੀ ਕਹਾਣੀ ਵਾਲੀ ਫਿਲਮ ਨੂੰ ਹੀ ਸਵੀਕਾਰ ਕਰਨਾ ਚਾਹੁੰਦੀ ਸੀ। ਉਸ ਨੇ ਕਿਹਾ, ‘‘ਮੈਂ ਸਿਰਫ ਚੰਗਾ ਕੰਮ ਕਰਨਾ ਚਾਹੁੰਦੀ ਹਾਂ। ਫਿਲਮ ‘ਕਾਕਟੇਲ’ ਮੇਰੇ ਕਰੀਅਰ ਦੀ ਡੈਬਿਊ ਫਿਲਮ ਸੀ, ਇਸ ਵਿੱਚ ਮੇਰਾ ਕਿਰਦਾਰ ਬਹੁਤ ਚੰਗਾ ਸੀ। ਇਸ ਦੇ ਚਾਰ ਸਾਲ ਬਾਅਦ ਮੈਂ ‘ਹੈਪੀ ਭਾਗ ਜਾਏਗੀ’ ਕੀਤੀ। ਜਦ ਐਕਟਰ ਬਾਲੀਵੁੱਡ ਵਿੱਚ ਨਵਾਂ ਹੁੰਦਾ ਹੈ ਤਾਂ ਫਿਲਮ ਅਤੇ ਕਹਾਣੀ ਦੀ ਚੋਣ ਬਾਰੇ ਅਲਰਟ ਰਹਿੰਦਾ ਹੈ ਕਿਉਂਕਿ ਇੱਕ ਗਲਤ ਚੋਣ ਕਰੀਅਰ 'ਤੇ ਅਸਰ ਪਾ ਸਕਦੀ ਹੈ। ‘ਹੈਪੀ ਭਾਗ ਜਾਏਗੀ’ ਜਦੋਂ ਆਫਰ ਹੋਈ ਤਾਂ ਸਹੀ ਫਿਲਮ ਲੱਗੀ, ਇਸ ਤੋਂ ਬਾਅਦ ਮੈਂ ਆਪਣੀਆਂ ਮਨਪਸੰਦ ਫਿਲਮਾਂ ਚੁਣ ਰਹੀ ਹਾਂ। ਜਿਵੇਂ ‘ਲਖਨਊ ਸੈਂਟਰਲ’ ਅਤੇ ‘ਪਰਮਾਣੂ’ ਕੀਤੀ। ਉਸ ਤੋਂ ਬਾਅਦ ‘ਹੈਪੀ ਭਾਗ ਜਾਏਗੀ’ ਨੂੰ ਖੂਬ ਇੰਜੁਆਏ ਕੀਤਾ। ਹੁਣ ਮੇਰੀ ਅਗਲੀ ਫਿਲਮ ਧਰਮਾ ਪ੍ਰੋਡਕਸ਼ਨ ਦੀ ‘ਸ਼ਿੱਦਤ’ ਹੈ, ਜੋ ਇੱਕ ਮਲਟੀਸਟਾਰਰ ਫਿਲਮ ਹੈ।