ਰੋਮ, 14 ਅਕਤੂਬਰ (ਪੋਸਟ ਬਿਊਰੋ)- ਇਟਲੀ `ਚ ਸਕੂਲਾਂ ਦੀ ਗਿਣਤੀ 57,000 ਹੈ, ਪਰ ਏਥੇ ਰਿਕਾਰਡ ਵਿੱਚੋਂ 16,000 ਸਕੂਲ ਗਾਇਬ ਹਨ। ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਇਟਲੀ `ਚ ਸਕੂਲਾਂ ਦੀ ਗਿਣਤੀ 41000 ਦੱਸੀ ਗਈ ਹੈ, ਪਰ ਮੇਅਰਾਂ ਦੇ ਰਿਕਾਰਡ ਅਨੁਸਾਰ ਇਟਲੀ ਵਿੱਚ 57000 ਤੋਂ ਵਧੇਰੇ ਸਕੂਲੀ ਇਮਾਰਤਾਂ ਹਨ। ਇਨ੍ਹਾਂ 100 ਵਿੱਚੋਂ 30 ਕੇਸਾਂ ਵਿੱਚ ਸਕੂਲਾਂ ਦੀਆਂ ਇਮਾਰਤਾਂ ਦਾ ਜ਼ਿਕਰ ਹੀ ਨਹੀਂ। ਇਸ ਤਰ੍ਹਾਂ ਸਿੱਖਿਆ ਵਿਭਾਗ `ਤੇ ਸਵਾਲ ਉਠਦਾ ਹੈ ਕਿ ਉਨ੍ਹਾਂ ਨੂੰ ਇਸ ਦੀ ਪੂਰੀ ਜਾਣਕਾਰੀ ਕਿਉਂ ਨਹੀਂ ਕਿ ਕਿੰਨੇ ਸਕੂਲ ਹਨ ਤੇ ਕਿੰਨੇ ਵਿਦਿਆਰਥੀ ਪੜ੍ਹਦੇ ਹਨ।
ਸਿੱਖਿਆ ਮੰਤਰਾਲੇ ਨੇ ਪਿਛਲੇ ਸਾਲ ਸਤੰਬਰ 2017 ਵਿੱਚ ਇਟਲੀ ਦੇ ਸਕੂਲਾਂ ਦੀ ਗਿਣਤੀ 41000 ਦੱਸੀ ਸੀ ਤੇ ਦੂਸਰੇ ਵਿਭਾਗ ਦੇ ਅੰਕੜਿਆਂ ਅਨੁਸਾਰ ਕੁਝ ਸਾਲ ਪਹਿਲਾਂ ਇਹ 36000 ਸੀ, ਅੱਜ ਕੱਲ੍ਹ ਇਹ ਹੈ ਕਿ ਇਟਲੀ ਵਿੱਚ ਸਕੂਲਾਂ ਦੀ 57000 ਤੋਂ ਵੱਧ ਹੈ। ਇਮਾਰਤ ਰਜਿਸਟਰੇਸ਼ਨ ਦੀ ਕੁਝ ਹਫ਼ਤੇ ਪਹਿਲਾਂ ਆਈ ਰਿਪੋਰਟ ਵੀ ਹੈਰਾਨੀ ਜਨਕ ਹੈ। ਦੇਸ਼ ਵਿੱਚ 41000 ਸਕੂਲਾਂ `ਚ ਲੱਖਾਂ ਬੱਚੇ ਪੜ੍ਹਦੇ ਹਨ। ਇਨ੍ਹਾਂ ਵਿੱਚੋਂ ਅਨੇਕਾਂ ਇਮਾਰਤਾਂ ਹਾਲਤ ਬਾਰੇ ਵਿਭਾਗ ਵੱਲੋਂ ਜਾਰੀ ਸੁਰੱਖਿਆ ਕੋਡ ਭਿੰਨ-ਭਿੰਨ ਹਨ। ਕਰੀਬ 31 ਫੀਸਦੀ ਇਮਾਰਤਾਂ ਉਹ ਹਨ, ਜਿਨ੍ਹਾਂ ਕੋਲ ਬੱਚਿਆਂ ਦੇ ਲੰਚ ਲਈ ਇੱਕੋ ਕਮਰਾ ਹੈ। ਇੱਥੇ ਬੱਚਿਆਂ ਨੂੰ ਸਵੇਰ ਅਤੇ ਦੁਪਿਹਰ ਦਾ ਖਾਣਾ ਦੇਣ ਦਾ ਹੁਕਮ ਹੈ ਪਰ ਕਈ ਸਕੂਲਾਂ `ਚ ਦੁਪਿਹਰ ਦਾ ਖਾਣਾ ਸੰਭਵ ਨਹੀਂ। ਕਈ ਸਕੂਲਾਂ ਵਿੱਚ ਸਰੀਰਕ ਸਿੱਖਿਆ ਦਾ ਪੱਕਾ ਪ੍ਰਬੰਧ ਨਹੀਂ, ਸਿਰਫ਼ 4000 ਸਕੂਲ ਹੀ ਅਜਿਹੇ ਹਨ, ਜਿੱਥੇ ਬੱਚਿਆਂ ਲਈ ਜਿੰਮ ਦਾ ਪ੍ਰਬੰਧ ਹੈ। ਇਟਲੀ ਦੇ ਸਕੂਲਾਂ ਵਿੱਚ ਸਹੂਲਤਾਂ ਸਬੰਧੀ ਜਾਂ ਇਮਾਰਤਾਂ ਸਬੰਧੀ ਊਣ-ਤਾਣ ਭਾਰਤ ਦੇ ਸਕੂਲਾਂ ਦਾ ਹੀ ਭੁਲੇਖਾ ਪਾਉਂਦੀ ਹੈ। ਇਟਲੀ ਵਿੱਚ ਕੁਝ ਮਹਿਕਮੇ ਅਜਿਹੇ ਵੀ ਹਨ ਜਿਨ੍ਹਾਂ ਦੇ ਸਟਾਫ਼ ਨੂੰ ਕੁਝ ਸੂਬਿਆਂ ਵਿੱਚ ਭਾਰਤੀ ਲੋਕਾਂ ਨੇ ਆਪਣੇ ਪੁੱਠੇ-ਸਿੱਧੇ ਕੰਮ ਕਰਵਾਉਣ ਲਈ ਭ੍ਰਿਸ਼ਟ ਕਰ ਦਿੱਤਾ ਹੈ, ਜਿਸ ਕਾਰਨ ਹੁਣ ਉਹ ਭ੍ਰਿਸ਼ਟ ਅਫ਼ਸਰ ਸਹੀ ਲੋਕਾਂ ਦਾ ਕੰਮ ਵੀ ਬਿਨਾਂ ਕੁਝ ਲੈਣ-ਦੇਣ ਦੇ ਕਰਦੇ ਹੀ ਨਹੀਂ।