Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਸੰਪਾਦਕੀ

ਟਰੂਡੋ ਸਰਕਾਰ ਨੂੰ ਅੱਤਿਵਾਦੀ ਵਾਪਸ ਲਿਆਉਣ ਬਾਰੇ ਚੁੱਪ ਤੋੜਨ ਦੀ ਲੋੜ

October 12, 2018 05:35 PM

ਪੰਜਾਬੀ ਪੋਸਟ ਸੰਪਾਦਕੀ

ਕੈਨੇਡਾ ਤੋਂ ਭੱਜ ਕੇ ਸੀਰੀਆ, ਇਰਾਕ ਜਾਂ ਹੋਰ ਮੱਧ ਪੂਰਬੀ ਮੁਲਕਾਂ ਵਿੱਚ ਬਦਨਾਮ ਅਤਿਵਾਦੀ ਜੱਥੇਬੰਦੀ ਆਈਸਿਸ (ISIS)ਦੇ ਲੜਾਕੂ ਬਣੇ ਕੈਨੇਡੀਅਨਾਂ ਨੂੰ ਵਾਪਸ ਲਿਆਉਣ ਬਾਰੇ ਸਾਡੇ ਪਬਲਿਕ ਸੇਫਟੀ ਮੰਤਰੀ ਰਾਲਫ ਗੁੱਡੇਲ ਚੁੱਪ ਹਨ ਅਤੇ ਉਹਨਾਂ ਵਾਗੂੰ ਹੀ ਚੁੱਪ ਹਨ ਪ੍ਰਧਾਨ ਮੰਤਰੀ।

 

ਇਹ ਚੁੱਪ ਉਸ ਸੰਦਰਭ ਵਿੱਚ ਹੋਰ ਵੀ ਭੇਦਭਰੀ ਹੋ ਜਾਂਦੀ ਹੈ ਜਦੋਂ ਕੈਨੇਡੀਅਨ ਡਾਲਰਾਂ ਦੀ ਸਹਾਇਤਾ ਨਾਲ ਆਈਸਿਸ ਦੇ ਖਿਲਾਫ਼ ਲੜ ਰਹੇ ਕੁਰਦਿਸ਼ ਗਰੁੱਪ ਵੱਲੋਂ ਕੈਨੇਡਾ ਤੋਂ ਇਹਨਾਂ ਕੈਨੇਡੀਅਨ ਅਤਿਵਾਦੀਆਂ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ ਜਾਂਦੀ ਹੈ। ਕੁਰਦਿਸ਼ ਅਧਿਕਾਰੀਆਂ ਨੇ ਤਕਰੀਬਨ 900 ਵਿਦੇਸ਼ੀ ਆਈਸਿਸ ਲੜਾਕੂ, ਉਹਨਾਂ ਦੀਆਂ 500 ਤੋਂ ਵੱਧ ਪਤਨੀਆਂ ਅਤੇ 1000 ਤੋਂ ਜਿ਼ਆਦਾ ਬੱਚਿਆਂ ਨੂੰ ਬੰਦੀ ਬਣਾਇਆ ਹੋਇਆ ਹੈ। ਕੁਰਦਿਸ਼ ਅਧਿਕਾਰੀ ਚਾਹੁੰਦੇ ਹਨ ਕਿ ਜਿਹਨਾਂ ਮੁਲਕਾਂ ਦੇ ਇਹ ਅਤਿਵਾਦੀ ਹਨ, ਉਹ ਆਪਣੇ ਸ਼ਹਿਰੀਆਂ ਨੂੰ ਵਾਪਸ ਲੈਣ। ਇਹਨਾਂ ਵਿੱਚੋਂ ਇੱਕ ਦਰਜਨ ਦੇ ਕਰੀਬ ਕੈਨੇਡੀਅਨ ਸਿਟੀਜ਼ਨ ਹਨ। ਗਲੋਬਲ ਨਿਊਜ਼ ਏਜੰਸੀ ਵੱਲੋਂ ਸਰਕਾਰੀ ਸ੍ਰੋਤਾਂ ਤੋਂ ਪ੍ਰਾਪਤ ਕੀਤੀ ਗਈ ਜਾਣਕਾਰੀ ਮੁਤਾਬਕ 130 ਦੇ ਕਰੀਬ ਕੈਨੇਡੀਅਨ ਆਈਸਿਸ ਦੇ ਗੈਰਮਨੁੱਖੀ ਘੋਲ ਵਿੱਚ ਸ਼ਾਮਲ ਹੋਣ ਲਈ ਭੱਜੇ ਹੋਏ ਹਨ।

 

ਫੈਡਰਲ ਸਰਕਾਰ ਨੂੰ ਕਈ ਫਰੰਟਾਂ ਉੱਤੇ ਆਈਸਿਸ ਅਤਿਵਾਦ ਨਾਲ ਜੂਝਣਾ ਪੈ ਰਿਹਾ ਹੈ। ਅਪਰੈਲ 2018 ਵਿੱਚ ਕੈਨੇਡਾ, ਅਮਰੀਕਾ ਅਤੇ ਹਾਲੈਂਡ ਦੀਆਂ ਖੁਫੀਆ ਏਜੰਸੀਆਂ ਨੇ ਇੱਕ ਸਾਂਝੀ ਮਸ਼ਕ ਕੀਤੀ ਸੀ ਜਿਸਦੀ ਬਦੌਲਤ ਕੈਨੇਡਾ ਵਿੱਚ ਆਈਸਿਸ ਦੇ ਕਈ ਇੰਟਰਨੈੱਟ ਸਰਵਰ ਫੜੇ ਗਏ ਸਨ। ਆਈਸਿਸ ਨੇ ਆਪਣੇ ਨਾਪਾਕ ਇਰਾਦਿਆਂ ਨੂੰ ਸਰਅੰਜ਼ਾਮ ਦੇਣ, ਕੈਨੇਡਾ ਵਰਗੇ ਮੁਲਕਾਂ ਵਿੱਚੋਂ ਅਤਿਵਾਦੀ ਰੰਗਰੂਟ ਕਰਨ ਲਈ ਵੱਡੇ ਪੱਧਰ ਉੱਤੇ ਸੋਸ਼ਲ ਮੀਡੀਆ ਦਾ ਇਸਤੇਮਾਲ ਕੀਤਾ ਹੈ। ਕੈਨੇਡਾ, ਇੰਗਲੈਂਡ, ਆਸਟਰੇਲੀਆ ਅਤੇ ਅਮਰੀਕਾ ਵਰਗੇ ਮੁਲਕਾਂ ਤੋਂ ਗਏ ਅਤਿਵਾਦੀਆਂ ਨੂੰ ਬੰਬਾਰੀ, ਕਤਲਾਂ ਆਦਿ ਤੋਂ ਇਲਾਵਾ ਗਏ ਅੰਗਰੇਜ਼ੀ ਭਾਸ਼ਾ ਵਿਚ ਪ੍ਰਾਪੇਗੰਡਾ ਕਰਨ ਲਈ ਵੀ ਵਰਤਿਆ ਜਾਂਦਾ ਹੈ।

 

 

ਅਮਰੀਕਾ, ਇੰਗਲੈਂਡ ਆਦਿ ਇਸ ਗੱਲ ਨੂੰ ਸਪੱਸ਼ਟ ਮੰਨਦੇ ਹਨ ਕਿ ਇਹਨਾਂ ਮੁਲਕਾਂ ਵਿੱਚੋਂ ਭੱਜੇ ਅਤਿਵਾਦੀਆਂ ਨੂੰ ਮਾਰਨ ਲਈ ਉਹਨਾਂ ਦੀਆਂ ਫੌਜਾਂ ਵੱਲੋਂ ਨਿਸ਼ਾਨੇ ਸੇਧੇ ਜਾਂਦੇ ਹਨ। ਕੈਨੇਡੀਅਨ ਫਾਈਟਰ ਜਹਾਜ਼ਾਂ ਵੱਲੋਂ ਵੀ ਕੈਨੇਡਾ ਤੋਂ ਗਏ ਅਤਿਵਾਦੀਆਂ ਨੂੰ ਬੰਬਾਰੀ ਰਾਹੀਂ ਮਾਰੇ ਜਾਣ ਦੀਆਂ ਖਬਰਾਂ ਹਨ ਪਰ ਸਰਕਾਰ ਇਹਨਾਂ ਮੌਤਾਂ ਨੂੰ ਕਬੂਲ ਨਹੀਂ ਕਰ ਰਹੀ। ਸ਼ਾਇਦ ਇਸ ਲਈ ਕਿਉਂਕਿ ਅਜਿਹਾ ਕਰਨਾ ਲਿਬਰਲ ਪਾਰਟੀ ਦੇ ਜਨਤਕ ਸਟੈਂਡ ਦੇ ਵਿਰੁੱਧ ਜਾਂਦਾ ਹੈ। ਚੇਤੇ ਰਹੇ ਕਿ ਟਰੂਡੋ ਸਰਕਾਰ ਨੇ ਬਿੱਲ ਸੀ 6 ਪਾਸ ਕਰਕੇ ਉਸ ਕਨੂੰਨ ਨੂੰ ਖਤਮ ਕਰ ਦਿੱਤਾ ਸੀ ਜਿਸ ਨਾਲ ਅਤਿਵਾਦੀ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋਣ ਵਾਲਿਆਂ ਦੀ ਕੈਨੇਡੀਅਨ ਸਿਟੀਜ਼ਨ ਰੱਦ ਕੀਤੀ ਜਾ ਸਕਦੀ ਸੀ।

 

ਬਿੱਲ ਸੀ 6 ਪਾਸ ਹੋਣ ਤੋਂ ਬਾਅਦ ਸੱਭ ਤੋਂ ਵੱਡਾ ਲਾਭ ਜ਼ਕਾਰੀਆ ਅਮਾਰਾ ਅਤਿਵਾਦੀ ਨੂੰ ਹੋਇਆ ਸੀ ਜੋ ਟੋਰਾਂਟੋ 18 ਦਾ ਮੈਂਬਰ ਸੀ। ਜ਼ਕਾਰੀਆ ਅਮਾਰਾ ਸਮੇਤ ਟੋਰਾਂਟੋ 18 ਗਰੁੱਪ ਦੇ ਮੈਂਬਰਾਂ ਉੱਤੇ ਡਾਊਨ ਟਾਊਨ ਟੋਰਾਂਟੋ ਵਿੱਚ ਬੰਬਾਂ ਨਾਲ ਭਰਿਆ ਟਰੱਕ ਫੋੜਨ, ਕੈਨੇਡਾ ਦੀ ਪਾਰਲੀਮੈਂਟ ਨੂੰ ਬੰਬਾਂ ਨਾਲ ਉਡਾਉਣ ਅਤੇ ਪ੍ਰਧਾਨ ਮੰਤਰੀ ਦਾ ਸਿਰ ਕਲਮ ਕਰਨ ਦੇ ਦੋਸ਼ ਲਾਏ ਗਏ ਸਨ। ਗਲੋਬਲ ਨਿਊਜ਼ ਏਜੰਸੀ ਵੱਲੋਂ ਪ੍ਰਾਪਤ ਸਰਕਾਰੀ ਦਸਤਾਵੇਜ਼ ਦੱਸਦੇ ਹਨ ਕਿ ਜੇ ਸੀਰੀਆ/ਇਰਾਕ ਵਿੱਚੋਂ ਫੜੇ ਗਏ ਅਤਿਵਾਦੀ ਵਾਪਸ ਆ ਗਏ ਤਾਂ ਆਰ ਸੀ ਐਮ ਪੀ ਕੋਲ ਉਹਨਾਂ ਵਿਰੁੱਧ ਦੋਸ਼ ਆਇਦ ਕਰਨ ਦੀਆਂ ਹੀ ਤਾਕਤਾਂ ਨਹੀਂ ਹਨ। ਇਹੀ ਗੱਲ ਸਰਕਾਰ ਨੂੰ ਸੱਭ ਤੋਂ ਵਧੇਰੇ ਭੈਅਭੀਤ ਕਰ ਰਹੀ ਹੈ।

 

ਕਿਸੇ ਵੇਲੇ ਇੱਕ ਓਮਰ ਖਾਦਰ ਫੜਿਆ ਗਿਆ ਸੀ ਅਤੇ ਉਸਨੂੰ ਦਿੱਤੇ ਗਏ ਡੇਢ ਮਿਲੀਅਨ ਦੇ ਕਰੀਬ ਮੁਆਵਜ਼ੇ ਦੇ ਜਖ਼ਮ ਵੱਡੀ ਗਿਣਤੀ ਵਿੱਚ ਕੈਨੇਡੀਅਨਾਂ ਨੂੰ ਹਾਲੇ ਤੱਕ ਚੁਭ ਰਹੇ ਹਨ। ਖਾਦਰ ਕਿੱਸੇ ਤੋਂ ਉਪਜੇ ਸਿੱਟਿਆਂ ਤੋਂ ਟਰੂਡੋ ਸਰਕਾਰ ਭਲੀ ਭਾਂਤ ਜਾਣੂੰ ਹੈ। ਲਿਬਰਲ ਸਰਕਾਰ ਇਸ ਗੱਲ ਤੋਂ ਵੀ ਜਾਣੂੰ ਹੈ ਕਿ ਉਸਨੇ ਅਤਿਵਾਦੀਆਂ ਅਤੇ ਕੈਨੇਡਾ ਵਿਰੁੱਧ ਦੇਸ਼ਧਰੋਹੀ ਕਮਾਉਣ ਵਾਲੇ ਲੋਕਾਂ ਨੂੰ ਮੁਆਫ਼ ਕਰਨ ਦਾ ਸਿਆਸੀ ਸਟੰਟ ਖੇਡਿਆ ਹੋਇਆ ਹੈ। 2019 ਦੀਆਂ ਚੋਣਾਂ ਦੇ ਸਨਮੁਖ ਸਰਕਾਰ ਕੁੱਝ ਵੀ ਅਜਿਹਾ ਤੋਂ ਘਬਰਾਉਂਦੀ ਹੈ ਜਿਸ ਨਾਲ ਕੈਨੇਡੀਅਨਾਂ ਦੇ ਓਮਰ ਖਾਦਰ ਵਰਗੇ ਚੇਤਿਆਂ ਦੀਆਂ ਸੁੱਤੀਆਂ ਕਲਾਵਾਂ ਜਾਗ ਪੈਣ। ਪਰ ਸੁਆਲ ਹੈ ਕਿ ਆਖਰ ਸਰਕਾਰ ਕੌੜੇ ਸੁਆਲਾਂ ਤੋਂ ਬਚਦੀ ਕਦੋਂ ਤੱਕ ਰਹੇਗੀ?

 

ਅੱਜ ਕਈ ਓਮਰ ਖਾਦਰ ਹਨ ਜੋ ਵਿਦੇਸ਼ਾਂ ਤੋਂ ਵਾਪਸ ਪਰਤਣ ਲਈ ਕਰਵਟਾਂ ਲੈ ਰਹੇ ਹਨ। ਇਹਨਾਂ ਵਿੱਚ ਮਿਸੀਸਾਗਾ ਵਾਸੀ 28 ਸਾਲਾ ਮੁਹੰਮਦ ਅਲੀ ਹੈ ਜੋ ਨਿਊਯਾਰਕ ਟਾਈਮਜ਼ ਕੋਲ ਸਿੱਧੇ ਪ੍ਰਸਾਰਣ ਵਿੱਚ ਕੀਤੇ ਕਤਲਾਂ ਆਦਿ ਨੂੰ ਕਬੂਲ ਕਰ ਚੁੱਕਾ ਹੈ। ਇੱਕ ਮਾਂਟਰੀਅਲ ਵਾਸੀ 3 ਬੱਚਿਆਂ ਦੀ 23 ਸਾਲਾ ਮਾਂ ਹੈ ਜਿਸਦੇ ਤਿੰਨੇ ਬੱਚੇ ਸੀਰੀਆ ਵਿੱਚ ਉਸਦੇ ਜਰਮਨੀ ਤੋਂ ਸੀਰੀਆ ਵਿੱਚ ਆਏ ਆਈਸਿਸ ਲੜਾਕੂ ਪਤੀ ਤੋਂ ਪੈਦਾ ਹੋਏ। ਗਲੋਬਲ ਨਿਊਜ਼ ਨੂੰ ਦਿੱਤੀ ਇੱਕ ਇੰਟਰਵਿਊ ਵਿੱਚ ਇਹ ਔਰਤ ਆਖ ਰਹੀ ਹੈ, “ਮੇਰਾ ਦੇਸ਼ (ਕੈਨੇਡਾ) ਮੇਰੇ ਲਈ ਕੁੱਝ ਨਹੀਂ ਕਰ ਰਿਹਾ। ਕਿਸੇ ਨੂੰ ਸਾਡੀ ਕੋਈ ਪਰਵਾਹ ਨਹੀਂ ਹੈ”।

 

ਪਰਵਾਹ ਤੋਂ ਇਸ ਔਰਤ ਦਾ ਮਕਸਦ ਓਮਰ ਖਾਦਰ ਵਾਗੂੰ ਮਿਲੀਅਨ ਡਾਲਰ ਮੁਆਵਜ਼ਾ ਮਿਲਣਾ ਵੀ ਹੋ ਸਕਦਾ ਹੈ। ਸਰਕਾਰ ਨੂੰ ਇਸ ਮਾਮਲੇ ਉੱਤੇ ਚੁੱਪ ਤੋੜਨ ਦਾ ਸਮਾਂ ਆ ਚੁੱਕਾ ਹੈ।

 

 
Have something to say? Post your comment
ਹੋਰ ਸੰਪਾਦਕੀ ਖ਼ਬਰਾਂ
ਮੁੱਖ ਮੰਤਰੀਆਂ ਦੀ ਮੀਟਿੰਗ ਵਿੱਚ ਪਾਣੀਆਂ ਬਾਰੇ ਪੰਜਾਬ ਦਾ ਪੱਖ ਹੋਰ ਵੀ ਮਜ਼ਬੂਤ ਹੋ ਗਿਐ ਭਾਰਤ ਵਿੱਚ ਅਧੋਗਤੀ ਵਰਤਾਰੇ ਲਈ ਧਰਮ ਨਿਰਪੱਖ ਧਿਰਾਂ ਵੀ ਘੱਟ ਜਿ਼ਮੇਵਾਰ ਨਹੀਂ ਭਾਰਤ ਲਈ ਹਨੇਰਾ ਸਮਾਂ ਹੈ, ਜਿੱਥੇ ਰਾਹ ਦਿਖਾਉਣ ਵਾਲਾ ਜੁਗਨੂੰ ਵੀ ਕੋਈ ਨਹੀਂ ਲੱਭਦਾ ਲੀਡਰਾਂ ਨੇ ਪੈਦਾ ਕੀਤੀ ਹੈ ‘ਕੋਈ ਲੀਡਰ ਭਰੋਸੇ ਦੇ ਯੋਗ ਨਹੀਂ’ ਵਾਲੀਆਮ ਲੋਕਾਂ ਦੀ ਮਾਨਸਿਕਤਾ ਆਉ ਇਸ ਦੀਵਾਲੀ ਤੇ ਇੰਨਸਾਨੀਅਤ ਦੇ ਨਾਤੇ ਪੂਰੇ ਸੰਸਾਰ ਲਈ ਅਮਨ – ਅਮਾਨ , ਸ਼ਾਤੀ ਲਈ ਅਰਦਾਸ ਕਰੀਏ ਵੱਖੋ-ਵੱਖੋ ਰਾਜਾਂ ਵਿੱਚ ਗਵਰਨਰਾਂ ਦੀ ਮੌਕੇ ਮੁਤਾਬਕ ਮਰਜ਼ੀ ਸੰਵਿਧਾਨ ਦੇ ਮੁਤਾਬਕ ਨਹੀਂ ਮੰਨੀ ਜਾ ਸਕਦੀ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸੰਘਰਸ਼ ਨੂੰ ਸ਼ਾਂਤੀਪੂਰਵਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਬੇਅਸੂਲੇ ਸਮਝੌਤਿਆਂ ਅਤੇ ਪੈਂਤੜਿਆਂ ਪਿੱਛੋਂ ਦਰਿਆਵਾਂ ਦੇ ਪਾਣੀ ਵਿੱਚ ਮਧਾਣੀ ਘੁੰਮਾਉਣ ਦੀ ਰਾਜਨੀਤੀ ਟਰੂਡੋ ਵਲੋਂ ਭਾਰਤ ਤੇ ਲਾਏ ਹਰਦੀਪ ਸਿੰਘ ਨਿੱਜਰ ਕਤਲ ਦੇ ਦੋਸ਼ ਕਿੰਨੇ ਕੁ ਸਹੀ ? ਟਰੂਡੋ ਤੇ ਟਰੰਪ ਸੁਰਖ਼ੀਆਂ ‘ਚ ਰਹਿਣ ਵਾਲੇ ਲੀਡਰ