ਨਵੀਂ ਦਿੱਲੀ, 14 ਅਗਸਤ, (ਪੋਸਟ ਬਿਊਰੋ)-ਜੰਮੂ-ਕਸ਼ਮੀਰ ਦੇ ਵਿਸ਼ੇਸ਼ ਦਰਜੇ ਵਾਲੀ ਧਾਰਾ 370 ਹਟਾਏ ਜਾਣ ਪਿੱਛੋਂ ਜੰਮੂ-ਕਸ਼ਮੀਰ ਤੇ ਲੱਦਾਖ਼ ਦੀ ਸਥਿਤੀ ਵਿੱਚ ਨਵੇਂ ਆਏ ਬਦਲਾਵਾਂ ਨੂੰ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਉਸ ਖੇਤਰ ਦੇ ਲੋਕਾਂ ਲਈ ਫਾਇਦੇ ਵਾਲੀ ਕਿਹਾ ਹੈ। ਭਾਰਤ ਦੇ 73ਵੇਂ ਆਜ਼ਾਦੀ ਦਿਵਸ ਤੋਂ ਪਹਿਲੀ ਸ਼ਾਮਦੇਸ਼ ਦੇ ਲੋਕਾਂ ਦੇ ਨਾਂਅ ਆਪਣੇ ਸੰਦੇਸ਼ ਵਿੱਚ ਰਾਸ਼ਟਰਪਤੀ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਵਾਸਤੇ ਕੀਤੇ ਗਏ ਬਦਲਾਵਾਂ ਨਾਲ ਬਰਾਬਰੀ ਨੂੰ ਯਕੀਨੀ ਕਰਨ ਵਾਲੇ ਅੱਗੇ-ਵਧੂ ਕਾਨੂੰਨ ਓਥੇਵੀ ਲਾਗੂ ਹੋਣਗੇ, ਜਿਨ੍ਹਾਂਵਿੱਚ ਸੂਚਨਾ ਦਾ ਅਧਿਕਾਰ, ਸਿੱਖਿਆ ਦਾ ਅਧਿਕਾਰ ਅਤੇ ਤਿੰਨ ਤਲਾਕ ਵਰਗੇ ਅਹਿਮ ਕਾਨੂੰਨਾਂ ਵਿੱਚ ਤਬਦੀਲੀ ਦਾ ਫਾਇਦਾ ਵੀ ਸ਼ਾਮਲ ਹੈ।
ਰਾਸ਼ਟਰਪਤੀ ਰਾਮਨਾਥ ਕੋਵਿੰਦਨੇ ਕਿਹਾ ਕਿ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਜੰਮੂ-ਕਸ਼ਮੀਰ ਅਤੇ ਲੱਦਾਖ਼ ਦੇ ਲਈ ਬੀਤੇ ਦਿਨੀਂ ਕੀਤੇ ਬਦਲਾਵਾਂ ਨਾਲ ਓਥੋਂ ਦੇ ਨਾਗਰਿਕ ਉਨ੍ਹਾਂ ਸਾਰੇ ਅਧਿਕਾਰਾਂ ਤੇ ਸਹੂਲਤਾਂ ਦਾ ਲਾਭ ਉਠਾ ਸਕਣਗੇ, ਜਿਹੜੀਆਂ ਦੇਸ਼ ਦੇ ਦੂਸਰੇ ਖੇਤਰ ਦੇ ਨਾਗਰਿਕਾਂ ਨੂੰ ਮਿਲਦੀਆਂ ਸਨ। ਸਿੱਖਿਆ ਦਾ ਅਧਿਕਾਰ ਕਾਨੂੰਨ ਲਾਗੂ ਹੋਣ ਨਾਲ ਓਥੋਂ ਦੇ ਸਾਰੇ ਬੱਚਿਆਂ ਲਈ ਵੀ ਸਿੱਖਿਆ ਯਕੀਨੀ ਹੋ ਸਕੇਗੀ। ਸੂਚਨਾ ਅਧਿਕਾਰ ਮਿਲਣ ਨਾਲ ਜਨਤਕ ਹਿੱਤ ਦੀਆਂ ਸੂਚਨਾਵਾਂ ਮਿਲ ਸਕਣਗੀਆਂ ਅਤੇ ਰਵਾਇਤੀ ਤੌਰ ਉੱਤੇਵਾਂਝੇ ਰਹੇ ਲੋਕਾਂ ਨੂੰ ਸਿੱਖਿਆ ਤੇਨੌਕਰੀ ਵਿੱਚ ਰਾਖਵਾਂਕਰਨ ਦਾ ਲਾਭ ਮਿਲੇਗਾ। ਉਨ੍ਹਾਂ ਕਿਹਾ ਕਿ ਤਿੰਨ ਤਲਾਕ ਵਰਗਾ ਸਰਾਪਿਆ ਸਿਸਟਮ ਖਤਮ ਹੋਣ ਨਾਲ ਓਥੇ ਸਾਡੀਆਂ ਧੀਆਂ ਨੂੰ ਇਨਸਾਫ਼ ਦੇ ਨਾਲ ਡਰ ਤੋਂ ਮੁਕਤ ਜੀਵਨ ਜਿਉਣ ਦਾ ਮੌਕਾ ਮਿਲੇਗਾ।
ਭਾਰਤ ਵਿੱਚ ਪਿਛਲੇ ਦਿਨੀਂ ਵਾਪਰੀਆਂ ਕੁਝ ਘਟਨਾਵਾਂ ਤੇ ਵਿਵਾਦਿਤ ਬਿਆਨਾਂ ਦੇ ਸੰਬੰਧ ਵਿੱਚ ਰਾਸ਼ਟਰਪਤੀ ਨੇ ਦੇਸ਼ ਦੀ ਮਿਲ ਕੇ ਰਹਿਣ ਦੇ ਸੱਭਿਆਚਾਰ ਦੀ ਯਾਦ ਦਿਵਾਈ ਅਤੇ ਕਿਹਾ ਕਿ ਭਾਰਤੀ ਸਮਾਜ ਹਮੇਸ਼ਾ ‘ਜੀਓ ਅਤੇ ਜਿਉਣ ਦਿਓ` ਦੇ ਸਿਧਾਂਤਉੱਤੇ ਚੱਲਦਾ ਰਿਹਾ ਹੈ, ਭਾਸ਼ਾ, ਧਰਮ ਅਤੇ ਖੇਤਰ ਦੀਆਂ ਹੱਦਾਂਤੋਂ ਉੱਪਰ ਉੱਠ ਕੇ ਇਕ-ਦੂਜੇ ਦਾ ਸਨਮਾਨ ਕੀਤਾ ਜਾਂਦਾ ਹੈਤੇ ਇਹ ਸਾਡੇ ਇਤਿਹਾਸ ਤੇ ਵਿਰਾਸਤ ਦਾ ਬੁਨਿਆਦੀ ਹਿੱਸਾ ਹੈ। ਪਾਰਲੀਮੈਂਟ ਦੇ ਪਿਛਲੇ ਦਿਨੀਂ ਹੋਏ ਸੈਸ਼ਨ ਬਾਰੇ ਖ਼ੁਸ਼ੀ ਪ੍ਰਗਟ ਕਰਦੇ ਹੋਏ ਰਾਸ਼ਟਰਪਤੀਨੇ ਕਿਹਾ ਕਿ ਸਿਆਸੀ ਪਾਰਟੀਆਂ ਦੇ ਰਵਾਇਤੀ ਸਹਿਯੋਗ ਨਾਲ ਕਈ ਵੱਡੇ ਬਿੱਲ ਪਾਸ ਹੋੇ ਹਨ। ਪਾਰਲੀਮੈਂਟ ਦੀ ਇਹ ਸਫਲਤਾ ਅਗਲੇ ਪੰਜ ਸਾਲ ਜਾਰੀ ਰਹਿਣ ਦੀ ਆਸ ਦੇ ਨਾਲ ਹੀ ਰਾਸ਼ਟਰਪਤੀ ਕੋਵਿੰਦ ਨੇ ਰਾਜਾਂ ਦੀਆਂ ਵਿਧਾਨ ਸਭਾਵਾਂ ਨੂੰ ਵੀ ਇਹੋਸੱਭਿਆਚਾਰ ਅਪਣਾਉਣ ਦੀ ਸਲਾਹ ਦਿੱਤੀ।