* ਮਕਬੂਜ਼ਾ ਕਸ਼ਮੀਰ ਵਿੱਚ ਜਾ ਕੇ ਇੱਕਮੁੱਠਤਾ ਦਾ ਵਿਖਾਵਾ ਕੀਤਾ
ਇਸਲਾਮਾਬਾਦ, 14 ਅਗਸਤ, (ਪੋਸਟ ਬਿਊਰੋ)- ਪਾਕਿਸਤਾਨ ਦਾ ਆਜ਼ਾਦੀ ਦਿਵਸ ਮਨਾਉਣ ਦੇ ਲਈ ਓਥੋਂ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਅੱਜ ਬੁੱਧਵਾਰ ਪਾਕਿਸਤਾਨੀ ਕਬਜ਼ੇ ਵਾਲੇ ਕਸ਼ਮੀਰ (ਪੀ ਓ ਕੇ) ਦੀ ਵਿਧਾਨ ਸਭਾ ਵਿਚ ਉਚੇਚੇ ਪਹੁੰਚੇ ਅਤੇ ਓਥੇ ਉਨ੍ਹਾਂ ਨੇ ਇਕ ਵਾਰ ਫਿਰ ਕਸ਼ਮੀਰ ਦਾ ਮੁੱਦਾ ਚੁੱਕਿਆ। ਇਸ ਮੌਕੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਵੱਲੋਂ ਕੀਤੀ ਤਕਰੀਰ ਵਿੱਚੋਂ ਭਾਰਤ ਦੀ ਕਿਸੇ ਕਾਰਵਾਈ ਦਾ ਡਰ ਵਾਰ-ਵਾਰ ਝਲਕਦਾ ਰਿਹਾ।
ਇਮਰਾਨ ਖਾਨ ਨੇ ਅੱਜ ਪਾਕਿਸਤਾਨੀ ਕਬਜ਼ੇ ਵਾਲੇ ਕਸ਼ਮੀਰ ਦੀ ਅਸੈਂਬਲੀ ਵਿੱਚ ਬੋਲਦਿਆਂ ਕਿਹਾ, ‘ਮੈਂ ਕਸ਼ਮੀਰ ਮਾਮਲੇਉੱਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਰਤੀ ਜਨਤਾ ਪਾਰਟੀਦਾ ਸੱਚ ਦੁਨੀਆ ਸਾਹਮਣੇ ਰੱਖਿਆ। ਇਹ ਕਸ਼ਮੀਰਉੱਤੇ ਰੁਕਣ ਵਾਲੇ ਨਹੀਂ, ਸਾਨੂੰ ਸੂਚਨਾ ਮਿਲੀ ਹੈ ਕਿ ਉਹ ਪੀ ਓ ਕੇ ਵਿਚ ਆ ਸਕਦੇ ਹਨ।` ਇਮਰਾਨ ਨੇ ਕਿਹਾ,‘ਸਾਡੀ ਫੌਜ ਤਿਆਰ ਹੈ। ਜੇ ਕੁਝ ਹੋਇਆ ਤਾਂ ਅਸੀਂ ਜਵਾਬ ਦੇਵਾਂਗੇ। ਜਿਵੇਂ ਭਾਰਤ ਸਰਕਾਰ ਨੇ ਪੁਲਵਾਮਾ ਪਿੱਛੋਂ ਬਾਲਾਕੋਟ ਵਿਚ ਹਮਲਾ ਕੀਤਾ ਸੀ, ਓਦਾਂ ਉਹ ਪੀ ਓ ਕੇ ਵੱਲਆ ਸਕਦੇ ਹਨ।’ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਕਿਹਾ ਕਿ ਜੇ ਭਾਰਤ ਅਤੇ ਪਾਕਿਸਤਾਨ ਵਿਚ ਯੁੱਧ ਦੇ ਹਾਲਾਤ ਬਣਦੇ ਹਨ ਤਾਂ ਇਸ ਦੇ ਲਈ ਦੁਨੀਆ ਜ਼ਿੰਮੇਵਾਰ ਹੋਵੇਗੀ ਅਤੇ ਯੂ ਐੱਨ ਓ ਜ਼ਿੰਮੇਵਾਰ ਹੋਵੇਗਾ। ਉਨ੍ਹਾਂ ਕਿਹਾ, ‘ਪਾਕਿਸਤਾਨ ਕਸ਼ਮੀਰ ਮੁੱਦੇ ਨੂੰ ਦੁਨੀਆ ਦੇ ਹਰ ਫੋਰਮ ਵਿਚ ਲਿਜਾਏਗਾ। ਜੇ ਲੋੜ ਪਈ ਤਾਂ ਅੰਤਰਰਾਸ਼ਟਰੀ ਅਦਾਲਤ ਵਿਚ ਵੀ ਜਾਵਾਂਗੇ। ਆਉਂਦੇ ਸਮੇਂ ਵਿਚ ਲੰਡਨ ਵਿਚ ਇਸ ਬਾਰੇ ਵੱਡੀ ਰੈਲੀ ਵੀ ਨਿਕਲੇਗੀ। ਜਦੋਂਯੂ ਐੱਨ ਓ ਦੀ ਜਨਰਲ ਅਸੈਂਬਲੀ ਚੱਲੇਗੀ ਤਾਂ ਓਥੇ ਵੀ ਪਾਕਿਸਤਾਨ ਵੱਲੋਂਭਾਰਤ ਦੇ ਇਸ ਇਰਾਦੇ ਦਾ ਵਿਰੋਧ ਕੀਤਾ ਜਾਵੇਗਾ।`ਉਨ੍ਹਾਂ ਦੀ ਸਾਰੀ ਤਕਰੀਰ ਭਾਰਤ ਵਿਰੁੱਧ ਸੇਧਤ ਰਹੀ।
ਵਰਨਣ ਯੋਗ ਹੈ ਕਿ ਜੰਮੂ-ਕਸ਼ਮੀਰ ਬਾਰੇ ਭਾਰਤ ਸਰਕਾਰ ਦੇ ਫੈਸਲੇ ਤੋਂਪਾਕਿਸਤਾਨ ਭੜਕਿਆ ਪਿਆ ਹੈ। ਅੱਜ ਦੇ ਇਮਰਾਨ ਖਾਨ ਦੇ ਭਾਸ਼ਣ ਵਿਚ ਵੀ ਇਹਭੜਕਾਹਟ ਫਿਰ ਨਜ਼ਰ ਆਈ। ਉਨ੍ਹਾਂ ਕਿਹਾ, ‘ਭਾਜਪਾ ਤੇ ਸੰਘ ਪਰਵਾਰ ਦੀ ਵਿਚਾਰਧਾਰਾ ਮੁਸਲਮਾਨਾਂ ਦੇ ਵਿਰੁੱਧ ਹੈ ਅਤੇ ਉਹ ਹਿੰਦੁਸਤਾਨ ਵਿਚ ਰਾਜ ਕਰ ਰਹੇ ਹਨ।`ਇਮਰਾਨ ਖਾਨ ਨੇ ਕਿਹਾ ਕਿ ਅਸੀਂ ਦੁਨੀਆ ਦੇ ਹਰ ਮੰਚ ਉੱਤੇ ਕਸ਼ਮੀਰ ਦੀ ਗੱਲ ਰੱਖ ਰਹੇ ਹਾਂ। ਮੈਂ ਟਵੀਟ ਰਾਹੀਂ ਦੁਨੀਆ ਨੂੰ ਇਸ ਬਾਰੇ ਦੱਸਦਾ ਹਾਂ। ਉਨ੍ਹਾ ਕਿਹਾ, ‘ਨਰਿੰਦਰ ਮੋਦੀ ਨੂੰ ਕਸ਼ਮੀਰ ਬਾਰੇ ਫੈਸਲਾ ਕਾਫੀ ਭਾਰੀ ਪੈਣ ਵਾਲਾ ਹੈ। ਮੈਂ ਦੁਨੀਆ ਭਰ ਵਿੱਚ ਕਸ਼ਮੀਰ ਦੀ ਆਵਾਜ਼ ਬਣਾਂਗਾ ਅਤੇ ਹਰ ਕਿਸੇ ਨੂੰ ਆਰ ਐੱਸ ਐੱਸ ਦੀ ਵਿਚਾਰਧਾਰਾ ਬਾਰੇ ਦੱਸਾਂਗਾ।`