ਵਾਸ਼ਿੰਗਟਨ, 11 ਅਗਸਤ, (ਪੋਸਟ ਬਿਊਰੋ)- ਅਮਰੀਕਾ ਵਿੱਚਬਲਾਤਕਾਰ ਦੇ ਦੋਸ਼ ਵਾਲੇਇੱਕ ਅਰਬਪਤੀ ਫਾਈਨਾਂਸਰ ਜੈਫਰੀ ਐਪਸਟੀਨ (66) ਵੱਲੋਂ ਖ਼ੁਦਕੁਸ਼ੀ ਕਰਨ ਬਾਰੇ ਨਵਾਂ ਵਿਵਾਦ ਛਿੜ ਗਿਆ ਹੈ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਬਾਰੇ ਇਕ ਟਵੀਟ ਨੂੰ ਰੀ-ਟਵੀਟ ਕੀਤਾ ਹੈ, ਜੋ ਐਪਸਟੀਨ ਦੀ ਮੌਤ ਨੂੰ ਸਾਬਕਾ ਰਾਸ਼ਟਰਪਤੀ ਬਿਲ ਕਲਿੰਟਨ ਨਾਲ ਜੋੜਦਾ ਹੈ ਅਤੇ ਰੀ-ਟਵੀਟ ਤੋਂ ਬਾਅਦ ਤੋਂ ਇਸ ਮਸਲੇ ਉੱਤੇ ਵਿਵਾਦ ਛਿੜ ਗਿਆ ਹੈ।
ਵਰਨਣ ਯੋਗ ਹੈ ਕਿ ਬਲਾਤਕਾਰ ਦੇ ਦੋਸ਼ ਵਿੱਚ ਫਸੇ ਹੋਏ ਅਰਬਪਤੀ ਜੈਫਰੀ ਐਪਸਟੀਨ ਨੇ ਬੀਤੇ ਸ਼ਨਿਚਰਵਾਰ ਜੇਲ੍ਹ ਦੇ ਆਪਣੇ ਸੈੱਲ ਵਿੱਚ ਖ਼ੁਦਕੁਸ਼ੀ ਕਰ ਲਈ ਸੀ। ਉਸ ਉੱਤੇ ਦਰਜਨਾਂ ਘੱਟ ਉਮਰ ਦੀਆਂ ਲੜਕੀਆਂ ਦੇ ਬਲਾਤਕਾਰਦੇ ਦੋਸ਼ ਸਨ ਤੇ ਕਈ ਸੈਕਸ ਅਪਰਾਧਾਂ ਦਾ ਦੋਸ਼ ਉਸ ਉੱਤੇ ਸਿੱਧ ਹੋ ਚੁੱਕਾ ਸੀ। ਉਸ ਦੀ ਖ਼ੁਦਕੁਸ਼ੀ ਤੋਂ ਬਾਅਦ ਟਰੰਪ ਦੇ ਪ੍ਰਸ਼ੰਸਕ ਤੇ ਕਾਮੇਡੀਅਨ ਟੈਰੈਂਸ ਵਿਲੀਅਮਸ ਨੇ ਇਕ ਟਵੀਟ ਕੀਤਾ, ‘ਉਸ (ਐਪਸਟੀਨ) ਦੇ ਕੋਲ ਬਿਲ ਕਲਿੰਟਨ ਨਾਲ ਜੁੜੀਆਂ ਕੁਝ ਜਾਣਕਾਰੀਆਂ ਸਨ ਤੇ ਉਹ ਮਰ ਗਿਆ। ਕੁਝ ਅਜੀਬ ਜਿਹਾ ਹੈ ਕਿ ਜਿਸ ਨੂੰ ਕਲਿੰਟਨ ਪਰਿਵਾਰ ਬਾਰੇ ਕੁਝ ਪਤਾ ਹੁੰਦਾ ਹੈ, ਉਸ ਦੀ ਮੌਤ ਹੋ ਜਾਂਦੀ ਹੈ।` ਇਸ ਟਵੀਟ ਵਿੱਚ ਐਪਸਟੀਨ ਦੀ ਖ਼ੁਦਕੁਸ਼ੀ ਨੂੰ ਸਾਜ਼ਿਸ਼ ਵਾਂਗ ਵਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਅਤੇ ਏਦਾਂ ਦੀਆਂ ਗੱਲਾਂ ਲੰਬੇ ਸਮੇਂ ਤੋਂ ਚੱਲ ਰਹੀਆਂ ਹਨ। ਬਤੌਰ ਰਾਸ਼ਟਰਪਤੀ ਬਿਲ ਕਲਿੰਟਨ ਦੇ ਰਾਜਦੌਰਾਨ ਵੀ ਵੱਖ-ਵੱਖ ਮੌਤਾਂ ਨੂੰ ਕਲਿੰਟਨ ਨਾਲ ਜੋੜਨ ਦੀ ਕੋਸ਼ਿਸ਼ ਹੋਈ ਸੀ।
ਡੋਨਾਲਡ ਟਰੰਪ ਵੱਲੋਂ ਇਸ ਟਵੀਟ ਨੂੰ ਰੀ-ਟਵੀਟ ਕਰਨ ਨਾਲਵਿਵਾਦ ਛਿੜ ਗਿਆ ਹੈ। ਕਲਿੰਟਨ ਦੇ ਬੁਲਾਰੇ ਨੇ ਇਸ ਦਾਅਵੇ ਨੂੰ ਝੂਠਕਿਹਾ ਹੈ। ਫਿਰ ਟਰੰਪ ਨੇ ਇਕ ਹੋਰ ਟਵੀਟ ਨੂੰ ਰੀ-ਟਵੀਟ ਕੀਤਾ, ਜਿਸ ਵਿੱਚ ਕਿਹਾ ਗਿਆਹੈ ਕਿ ਐਪਸਟੀਨ ਵਾਲੇ ਦਸਤਾਵੇਜ਼ਾਂਤੋਂ ਪਤਾ ਲੱਗਾ ਹੈ ਕਿ ਐਪਸਟੀਨ ਦੇ ਉਸ ਟਾਪੂ ਉੱਤੇਕਲਿੰਟਨਜਾਂਦੇ ਰਹੇ ਸਨ, ਜਿੱਥੇ ਘੱਟ ਉਮਰ ਦੀਆਂ ਕੁੜੀਆਂ ਦਾ ਸੈਕਸ ਸ਼ੋਸ਼ਣ ਹੁੰਦਾ ਸੀ। ਕਲਿੰਟਨ ਦੇ ਬੁਲਾਰੇ ਨੇ ਇਨ੍ਹਾਂ ਗੱਲਾਂ ਨੂੰ ਨਿਰਾਧਾਰ ਕਿਹਾ ਹੈ।
ਅਸਲ ਵਿੱਚ ਅਰਬਪਤੀ ਜੈਫਟੀ ਐਪਸਟੀਨ ਦੇ ਕਈ ਅਮਰੀਕੀ ਆਗੂਆਂ ਅਤੇ ਸੈਲੀਬ੍ਰਿਟੀਜ਼ ਨਾਲ ਨੇੜਲੇ ਰਿਸ਼ਤੇ ਸਨ। ਇਨ੍ਹਾਂ ਵਿੱਚ ਅਮਰੀਕਾ ਦੇ ਮੌਜੂਦਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਤੇ ਸਾਬਕਾ ਰਾਸ਼ਟਰਪਤੀ ਬਿਲ ਕਲਿੰਟਨਸ਼ਾਮਲ ਸਨ। ਐਪਸਟੀਨ ਨੇ ਜ਼ਿਆਦਾਤਰ ਨਾਬਾਲਿਗ ਤੇ ਘੱਟ ਉਮਰ ਦੀਆਂ ਕੁੜੀਆਂ ਨੂੰ ਲਾਲਚ ਦੇ ਕੇ ਜਾਂ ਡਰਾ ਧਮਕਾ ਕੇ ਉਨ੍ਹਾਂ ਨਾਲ ਸੈਕਸ ਸਬੰਧ ਬਣਾਏ ਸਨ। ਜਿਨ੍ਹਾਂ ਕੇਸਾਂ ਵਿੱਚ ਉਸ ਦਾ ਦੋਸ਼ ਸਿੱਧ ਹੋਇਆ ਤੇ ਜਿਨ੍ਹਾਂ ਦੀ ਸੁਣਵਾਈ ਚੱਲ ਰਹੀ ਸੀ, ਉਨ੍ਹਾਂ ਵਿੱਚ ਉਸ ਨੂੰ ਘੱਟੋ ਘੱਟ 45 ਸਾਲ ਦੀ ਸਜ਼ਾ ਹੋਣੀ ਤੈਅ ਸੀ। ਅਮਰੀਕਾ ਦੀ ਸਭ ਤੋਂ ਸੁਰੱਖਿਅਤ ਕਹੀ ਜਾਂਦੀ ਜੇਲ੍ਹ ਵਿੱਚਉਸ ਦੀ ਖ਼ੁਦਕੁਸ਼ੀ ਦਾ ਮਾਮਲਾ ਸਾਹਮਣੇ ਆਉਣ ਨਾਲ ਜੇਲ੍ਹ ਪ੍ਰਸ਼ਾਸਨ ਉੱਤੇ ਵੀ ਸਵਾਲ ਉੱਠਣ ਲੱਗੇ ਹਨ।