Welcome to Canadian Punjabi Post
Follow us on

11

December 2019
ਟੋਰਾਂਟੋ/ਜੀਟੀਏ

ਮੈਂਟਲ ਹੈਲਥ ਤੇ ਹੋਮ ਕੇਅਰ ਲਈ ਫੰਡਾਂ ਵਾਸਤੇ ਐਂਡਰਿਊ ਸ਼ੀਅਰ ਤੇ ਕੰਜ਼ਰਵੇਟਿਵਾਂ ਨੇ ਦਿੱਤੀ ਗਾਰੰਟੀ

August 12, 2019 09:37 AM

ਓਟਵਾ, 11 ਅਗਸਤ (ਪੋਸਟ ਬਿਊਰੋ) : ਇਹ ਬੜੀ ਹੀ ਮੰਦਭਾਗੀ ਗੱਲ ਹੈ ਕਿ ਜਸਟਿਨ ਟਰੂਡੋ ਦੀ ਅਗਵਾਈ ਵਾਲੇ ਲਿਬਰਲਾਂ ਨੇ ਕੰਜ਼ਰਵੇਟਿਵ ਆਗੂ ਐਂਡਰਿਊ ਸ਼ੀਅਰ ਦੀ ਹੈਲਥ ਕੇਅਰ ਸਰਵਿਸਿਜ਼ ਲਈ ਫੰਡਿੰਗ ਵਿੱਚ ਵਾਧਾ ਕਰਨ ਤੇ ਇਸ ਦੀ ਹਿਫਾਜ਼ਤ ਦੀ ਯੋਜਨਾ ਬਾਰੇ ਕੈਨੇਡੀਅਨ ਪੰਜਾਬੀ ਪੋਸਟ ਅਦਾਰੇ ਦੇ ਮੈਂਬਰਾਂ ਨੂੰ ਜਾਣਬੁੱਝ ਕੇ ਗੁੰਮਰਾਹ ਕਰਨ ਦੀ ਕੋਸਿ਼ਸ਼ ਕੀਤੀ।
ਕੈਨੇਡੀਅਨ-ਖਾਸਤੌਰ ਉੱਤੇ ਬਰੈਂਪਟਨ ਵਾਸੀਆਂ ਨੂੰ ਸਥਿਰ ਤੇ ਉਮੀਦ ਮੁਤਾਬਕ ਹੈਲਥ ਕੇਅਰ ਫੰਡਿੰਗ ਉੱਤੇ ਨਿਰਭਰ ਕਰਨ ਦੀ ਲੋੜ ਹੈ। ਇਸੇ ਲਈ ਐਂਡਰਿਊ ਸ਼ੀਅਰ ਵੱਲੋਂ ਹਰੇਕ ਪ੍ਰੋਵਿੰਸ ਦੇ ਪ੍ਰੀਮੀਅਰ ਨੂੰ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਚਿੱਠੀ ਭੇਜ ਕੇ ਇਹ ਗਾਰੰਟੀ ਦਿੱਤੀ ਗਈ ਕਿ ਨਵੀਂ ਕੰਜ਼ਰਵੇਟਿਵ ਸਰਕਾਰ ਮੌਜੂਦਾ ਹੈਲਥ ਕੇਅਰ ਫੰਡਿੰਗ ਫਾਰਮੂਲਾ ਬਰਕਰਾਰ ਰੱਖੇਗੀ ਤੇ ਹਰ ਸਾਲ ਹੈਲਥ ਕੇਅਰ ਫੰਡਿੰਗ ਵਿੱਚ ਘੱਟੋ ਘੱਟ ਤਿੰਨ ਫੀ ਸਦੀ ਦਾ ਵਾਧਾ ਕਰੇਗੀ। ਐਂਡਰਿਊ ਸ਼ੀਅਰ ਤੇ ਕੈਨੇਡਾ ਦੇ ਕੰਜ਼ਰਵੇਟਿਵਾਂ ਵੱਲੋਂ ਇਹ ਗਾਰੰਟੀ ਵੀ ਦਿੱਤੀ ਜਾ ਰਹੀ ਹੈ ਕਿ ਉਨ੍ਹਾਂ ਦੀ ਲੀਡਰਸਿ਼ਪ ਤਹਿਤ ਮੈਂਟਲ ਹੈਲਥ ਤੇ ਹੋਮ ਕੇਅਰ ਲਈ ਫੰਡ ਵੀ ਜਾਰੀ ਰਹਿਣਗੇ।
ਪਰ ਲਿਬਰਲ ਐਮਪੀ ਸੋਨੀਆ ਸਿੱਧੂ ਤੇ ਟਰੂਡੋ ਦੇ ਦੂਜੇ ਲਿਬਰਲ ਸਿਆਸਤਦਾਨਾਂ ਲਈ ਇਹ ਬਿਆਨਬਾਜ਼ੀ ਗੁੰਮਰਾਹਕੁੰਨ ਹੈ ਤੇ ਇਸ ਉੱਤੇ ਯਕੀਨ ਨਹੀਂ ਕੀਤਾ ਜਾ ਸਕਦਾ। 2015 ਵਿੱਚ ਜਸਟਿਨ ਟਰੂਡੋ ਤੇ ਲਿਬਰਲਾਂ ਵੱਲੋਂ ਇਹ ਵਾਅਦਾ ਕੀਤਾ ਗਿਆ ਸੀ ਕਿ ਉਹ ਵੱਖਰੀ ਤਰ੍ਹਾਂ ਨਾਲ ਸਿਆਸਤ ਕਰਨਗੇ। ਪਰ ਜਿਸ ਤਰ੍ਹਾਂ ਦੇ ਦਾਅਵੇ ਕੀਤੇ ਗਏ ਸੀ ਉਹੋ ਜਿਹਾ ਕੁੱਝ ਵੀ ਨਹੀਂ ਹੋਇਆ। ਪਿਛਲੀ ਚੋਣ ਮੁਹਿੰਮ ਤੋਂ ਲੈ ਕੇ ਹੁਣ ਤੱਕ ਟਰੂਡੋ ਵੱਲੋਂ ਆਪਣੇ ਕਈ ਵਾਅਦੇ ਤੋੜੇ ਗਏ ਹਨ।
ਟਰੂਡੋ ਨੇ ਆਖਿਆ ਸੀ ਕਿ ਉਹ ਮੱਧ ਵਰਗ ਦੇ ਪਰਿਵਾਰਾਂ ਦੀ ਮਦਦ ਕਰਨਗੇ ਪਰ ਉਨ੍ਹਾਂ 80 ਫੀ ਸਦੀ ਮੱਧ ਵਰਗ ਪਰਿਵਾਰਾਂ ਲਈ ਟੈਕਸ ਵਿੱਚ ਹੋਰ ਵਾਧਾ ਕਰ ਦਿੱਤਾ। ਉਹ ਕਾਰਬਨ ਟੈਕਸ ਲੈ ਕੇ ਆਏ, ਜਿਸ ਨਾਲ ਗੈਸ, ਗ੍ਰੌਸਰੀ ਤੇ ਘਰਾਂ ਦੀ ਹੀਟਿੰਗ ਹੋਰ ਮਹਿੰਗੀ ਹੋ ਗਈ। ਉਨ੍ਹਾਂ ਆਖਿਆ ਸੀ ਕਿ ਉਹ ਬਜਟ ਸੰਤੁਲਿਤ ਕਰਨਗੇ ਪਰ ਉਹ ਕਦੇ ਨਾ ਖ਼ਤਮ ਹੋਣ ਵਾਲੇ ਘਾਟੇ ਨਾਲ ਦਿਨ ਟਪਾ ਰਹੇ ਹਨ ਜਿਸ ਨਾਲ ਸਾਡੀਆਂ ਪਬਲਿਕ ਸਰਵਿਸਿਜ਼ ਨੂੰ ਹੀ ਖਤਰਾ ਖੜ੍ਹਾ ਹੋਵੇਗਾ ਅਤੇ ਜੇ ਲਿਬਰਲ ਮੁੜ ਚੁਣੇ ਜਾਂਦੇ ਹਨ ਤਾਂ ਇਹ ਟੈਕਸ ਹੋਰ ਜਿ਼ਆਦਾ ਛੂਟ ਵੱਟ ਸਕਦੇ ਹਨ।
ਹੁਣ ਜਿਵੇਂ ਕਿ ਅਸੀਂ ਵੇਖ ਰਹੇ ਹਾਂ ਟਰੂਡੋ ਦੀ ਅਗਵਾਈ ਵਿੱਚ ਲਿਬਰਲਾਂ ਦੇ ਮਨਾਂ ਵਿੱਚ ਡਰ ਘਰ ਕਰ ਗਿਆ ਹੈ ਤੇ ਉਹ ਸੱਤਾ ਨਾਲ ਜੁੜੇ ਰਹਿਣ ਲਈ ਝੂਠ ਬੋਲ ਰਹੇ ਹਨ। ਸਿੱਧੀ ਜਿਹੀ ਗੱਲ ਇਹ ਹੈ ਕਿ ਉਨ੍ਹਾਂ ਉੱਤੇ ਭਰੋਸਾ ਨਹੀਂ ਕੀਤਾ ਜਾ ਸਕਦਾ। ਟਰੂਡੋ ਦੇ ਲਿਬਰਲ ਸਾਨੂੰ ਪਹਿਲਾਂ ਵੀ ਨਿਰਾਸ਼ ਕਰ ਚੁੱਕੇ ਹਨ ਤੇ ਅਸੀਂ ਦੁਬਾਰਾ ਉਨ੍ਹਾਂ ਨੂੰ ਅਜਿਹਾ ਮੌਕਾ ਨਹੀਂ ਦੇ ਸਕਦੇ। ਦੂਜੇ ਪਾਸੇ ਇਹ ਆਖਿਆ ਜਾ ਸਕਦਾ ਹੈ ਕਿ ਐਂਡਰਿਊ ਸ਼ੀਅਰ ਤੇ ਕੰਜ਼ਰਵੇਟਿਵ ਸਾਡੀ ਪਬਲਿਕ ਸਰਵਿਸਿਜ਼ ਦੀ ਹਿਫਾਜ਼ਤ ਕਰਨਗੇ ਤੇ ਤੁਹਾਡੀ ਜੇਬ੍ਹ ਵਿੱਚ ਹੋਰ ਪੈਸੇ ਰਹਿਣ ਦੇਣਗੇ ਤਾਂ ਕਿ ਤੁਹਾਡਾ ਪਰਿਵਾਰ ਅੱਗੇ ਵੱਧ ਸਕੇ।

 

Have something to say? Post your comment
ਹੋਰ ਟੋਰਾਂਟੋ/ਜੀਟੀਏ ਖ਼ਬਰਾਂ
ਸਸਕੈਚਵਨ ਵਿੱਚ ਕੈਨੇਡੀਅਨ ਪੈਸੇਫਿਕ ਗੱਡੀ ਲੀਹ ਤੋਂ ਉਤਰੀ, ਅੱਗ ਲੱਗਣ ਕਾਰਨ ਹਾਈਵੇਅ ਠੱਪ
ਲਿਬਰਲਾਂ ਵੱਲੋਂ ਮੱਧ ਵਰਗ ਲਈ ਟੈਕਸਾਂ ਵਿੱਚ ਕਟੌਤੀ ਸਬੰਧੀ ਮਤਾ ਪੇਸ਼
ਨਵੀਂ ਨਾਫਟਾ ਡੀਲ ਨੂੰ ਅੰਤਿਮ ਛੋਹਾਂ ਦੇਣ ਲਈ ਫਰੀਲੈਂਡ ਮੈਕਸਿਕੋ ਰਵਾਨਾ
ਟਾਈਗਰਜ਼ ਵਲੋਂ ਮੈਰੀਕਲ ਆਨ ਮੇਨ ਅੱਜ ਮਿਲਟਨ ’ਚ, 11 ਨੂੰ ਬਰੈਂਪਟਨ `ਚ
ਜਗਮੀਤ ਸਿੰਘ ਵੱਲੋਂ ਫਰੈਡਰਿਕਟਨ ਦੇ ਅਬਾਰਸ਼ਨ ਕਲੀਨਿਕ ਨੂੰ ਖੁੱਲ੍ਹਾ ਰੱਖਣ ਲਈ ਜਾਰੀ ਸੰਘਰਸ਼ ਵਿੱਚ ਸਾਥ ਦੇਣ ਦਾ ਵਾਅਦਾ
ਕੰਜ਼ਰਵੇਟਿਵਾਂ ਨੇ ਇਕਨੌਮਿਕ ਅਪਡੇਟ ਮੁਹੱਈਆ ਕਰਵਾਉਣ ਲਈ ਮੌਰਨਿਊ ਨੂੰ ਕੀਤੀ ਅਪੀਲ
ਓਨਟਾਰੀਓ ਹੈਲਥ ਟੀਮਜ਼ ਜਲਦ ਸ਼ੁਰੂ ਕਰਨਗੀਆਂ ਆਪਣਾ ਕੰਮ : ਪ੍ਰਭਮੀਤ ਸਰਕਾਰੀਆ
ਰਾਜ ਭਾਸ਼ਣ ਵਿੱਚ ਘੱਟ ਗਿਣਤੀ ਲਿਬਰਲ ਸਰਕਾਰ ਵੱਲੋਂ ਸਾਂਝਾ ਆਧਾਰ ਲੱਭ ਕੇ ਕੰਮ ਕਰਨ ਦਾ ਵਾਅਦਾ
ਰੀਗਨ ਦੀ ਥਾਂ ਰੋਟਾ ਬਣੇ ਹਾਊਸ ਆਫ ਕਾਮਨਜ਼ ਦੇ ਸਪੀਕਰ
ਹੁਣ ਓਨਟਾਰੀਓ ਦੇ ਕੈਥੋਲਿਕ ਅਧਿਆਪਕ ਹੜਤਾਲ ਦੇ ਰਾਹ ਪਏ!