ਆਪਣੇ ਆਪ ਨੂੰ ਬਾਲੀਵੁੱਡ ਵਿੱਚ ਸਥਾਪਤ ਕਰ ਚੁੱਕੇ ਅਭਿਨੇਤਾ ਸਿਧਾਰਥ ਮਲਹੋਤਰਾ ਆਪਣੇ ਕਰੀਅਰ ਵਿੱਚ ਕਈ ਤਰ੍ਹਾਂ ਦੇ ਕਿਰਦਾਰ ਨਿਭਾ ਰਹੇ ਹਨ। ਉਨ੍ਹਾਂ ਦੀ ਫਿਲਮ ‘ਜਬਰੀਆ ਜੋੜੀ’ ਰਿਲੀਜ਼ ਹੋ ਚੁੱਕੀ ਹੈ, ਇਸ ਪਿੱਛੋਂ ਉਨ੍ਹਾਂ ਦੀਆਂ ਆਉਣ ਵਾਲੀਆਂ ਫਿਲਮਾਂ ਵਿੱਚ ‘ਮਰਜਾਵਾਂ’ ਅਤੇ ‘ਸ਼ੇਰਸ਼ਾਹ’ ਸ਼ਾਮਲ ਹਨ। ਉਸ ਦੇ ਮਨ ਵਿੱਚ ਇੱਕ ਕਿਰਦਾਰ ਨਿਭਾਉਣ ਦੀ ਇੱਛਾ ਹੈ, ਜਿਸ ਦਾ ਇੰਤਜ਼ਾਰ ਉਹ ਬੇਸਬਰੀ ਨਾਲ ਕਰ ਰਿਹਾ ਹੈ।
ਦਰਅਸਲ ਸਿਧਾਰਥ ਸੁਪਰ ਹੀਰੋ ਵਾਲਾ ਕਿਰਦਾਰ ਕਰਨਾ ਚਾਹੁੰਦਾ ਹੈ। ਉਸ ਦਾ ਮੰਨਣਾ ਹੈ ਕਿ ਹਿੰਦੋਸਤਾਨ ਵਿੱਚ ਸੁਪਰ ਹੀਰੋ ਵਾਲੀਆਂ ਫਿਲਮਾਂ ਬਹੁਤ ਘੱਟ ਬਣੀਆਂ ਹਨ। ਉਸ ਦਾ ਕਹਿਣਾ ਹੈ ਕਿ ਜੇ ਸੁਪਰ ਹੀਰੋ ਦਾ ਚੰਗਾ ਕਿਰਦਾਰ ਅਸੀਂ ਬਣਾ ਸਕੇ ਤਾਂ ਇਹ ਵੀ ਪ੍ਰਾਪਤੀ ਹੋਵੇਗੀ। ਹਾਲੀਵੁੱਡ ਵਿੱਚ ਸੁਪਰ ਹੀਰੋ ਵਾਲੀਆਂ ਕਈ ਫਿਲਮਾਂ ਬਣੀਆਂ ਹਨ। ਅਜਿਹੇ ਵਿੱਚ ਜਦ ਸਿਧਾਰਥ ਤੋਂ ਪੁੱਛਿਆ ਗਿਆ ਕਿ ਹਾਲੀਵੁੱਡ ਦੇ ਸੁਪਰ ਹੀਰੋ ਵਿੱਚੋਂ ਉਹ ਕਿਹੜਾ ਕਿਰਦਾਰ ਨਿਭਾਉਣਾ ਪਸੰਦ ਕਰਨਗੇ ਤਾਂ ਜਵਾਬ ਵਿੱਚ ਉਸ ਨੇ ਨਾਂਅ ਲਿਆ ਕੈਪਟਨ ਅਮੈਰੀਕਾ ਅਤੇ ਥਾਰ ਦਾ। ਸਿਧਾਰਥ ਦਾ ਕਹਿਣਾ ਹੈ ਕਿ ਥਾਰ ਬਹੁਤ ਮਜ਼ਬੂਤ ਅਤੇ ਖੁਸ਼ਮਿਜਾਜ ਸੁਪਰ ਹੀਰੋ ਹੈ। ਸਿਧਾਰਥ ਦਾ ਮੰਨਣਾ ਹੈ ਕਿ ਭਾਰਤ ਵਿੱਚ ਵੀ ਇੰਨੀ ਸਮਰੱਥਾ ਹੈ ਕਿ ਉਹ ਹਾਲੀਵੁੱਡ ਦੇ ਪੱਧਰ ਦੀ ਸੁਪਰਹੀਰੋ ਫਿਲਮਾਂ ਦੇਸੀ ਅੰਦਾਜ਼ ਵਿੱਚ ਬਣਾ ਸਕਦਾ ਹੈ।