ਕ੍ਰਿਕਟ ਖਿਡਾਰੀ ਵਿਰਾਟ ਕੋਹਲੀ ਦੀ ਅਭਿਨੇਤਰੀ ਪਤਨੀ ਅਨੁਸ਼ਕਾ ਸ਼ਰਮਾ ਪਿਛਲੀ ਫਿਲਮ ‘ਜ਼ੀਰੋ’ ਵਿੱਚ ਨਜ਼ਰ ਆਈ ਸੀ, ਪਰ ਫਿਲਮ ਨਹੀਂ ਚੱਲੀ। ਉਸ ਦੇ ਬਾਅਦ ਤੋਂ ਫਿਲਮ ਦੇ ਮੁੱਖ ਕਲਾਕਾਰ ਸ਼ਾਹਰੁਖ ਖਾਨ ਦੀ ਤਰ੍ਹਾਂ ਅਨੁਸ਼ਕਾ ਨੇ ਵੀ ਕਿਸੇ ਫਿਲਮ ਲਈ ਹਾਂ ਨਹੀਂ ਕਹੀ। ਸ਼ਾਹਰੁਖ ਵਾਂਗ ਉਹ ਵੀ ਆਪਣੇ ਪ੍ਰੋਜੈਕਟ ਬਣਾਉਣ ਵਿੱਚ ਲੱਗੀ ਰਹੀ ਹੈ। ਪਿੱਛੇ ਜਿਹੇ ਇੱਕ ਇੰਟਰਵਿਊ ਵਿੱਚ ਉਸ ਨੇ ਕਿਹਾ, ਫਿਲਮ ‘ਜ਼ੀਰੋ’ ਕਰਨ ਦਾ ਮੇਰਾ ਫੈਸਲਾ ਕਾਫੀ ਸਾਵਧਾਨੀ ਭਰਿਆ ਸੀ।
ਵਿਆਹ ਪਿੱਛੋਂ ਅਨੁਸ਼ਕਾ ਨੇ ਤੁਰੰਤ ਆਪਣੀ ਫਿਲਮ ‘ਸੂਈ ਧਾਗਾ’ ਨੂੰ ਪੂਰਾ ਕਰਨ ਵਿਚ ਦਿਲਚਸਪੀ ਦਿਖਾਈ ਸੀ। ਉਸ ਦੇ ਬਾਅਦ ਉਸ ਨੇ ‘ਜ਼ੀਰੋ' ਨੂੰ ਪੂਰਾ ਕੀਤਾ। ਇਸ ਦੌਰਾਨ ਉਹ ਵਿਰਾਟ ਨੂੰ ਵੀ ਮਿਲਦੀ ਰਹੀ। ਉਸ ਨੇ ਆਪਣੀ ਟੀਮ ਨੂੰ ਇਹ ਵੀ ਕਿਹਾ ਕਿ ਮੈਂ ਦੋ ਮਹੀਨਿਆਂ ਤੱਕ ਕੋਈ ਸਕ੍ਰਿਪਟ ਨਹੀਂ ਪੜ੍ਹਨਾ ਚਾਹੁੰਦੀ। ਇਸ ਲਈ ਜਦ ਅਨੁਸ਼ਕਾ ਤੋਂ ਇਹ ਪੁੱਛਿਆ ਗਿਆ ਕਿ ਉਹ ਅਤੇ ਵਿਰਾਟ ਮਿਲਣ ਦਾ ਸਮਾਂ ਕਿਵੇਂ ਕੱਢਦੇ ਹੋ ਤਾਂ ਉਨ੍ਹਾਂ ਜਵਾਬ ਦਿੱਤਾ, ਸਾਡੇ ਦੋਵਾਂ ਵਿੱਚੋਂ ਕੋਈ ਵੀ ਕੰਮ ਦੇ ਨੁਕਸਾਨ ਦੀ ਕੀਮਤ ਉਤੇ ਆਪੋ ਵਿੱਚ ਮਿਲਣ ਦੀ ਕੋਸ਼ਿਸ਼ ਨਹੀਂ ਕਰਦਾ। ਵਿਆਹ ਵਿੱਚ ਕਈ ਗੱਲਾਂ ਨੂੰ ਸਨਮਾਨ ਦੇਣ ਦੀ ਜ਼ਰੂਰਤ ਹੁੰਦੀ ਹੈ ਅਤੇ ਅਸੀਂ ਇੱਕ ਦੂਸਰੇ ਦੇ ਕੰਮ ਨੂੰ ਸਨਮਾਨ ਦਿੰਦੇ ਹਾਂ।