ਬ੍ਰੇਸਟ, 7 ਅਗਸਤ (ਪੋਸਟ ਬਿਊਰੋ)- ਜਰਮਨੀ ਦੀ 24 ਸਾਲ ਦੀ ਫਿਓਨਾ ਕੋਲਬਿੰਗਰ ਨੇ ਦੁਨੀਆ ਦੀ ਸਭ ਤੋਂ ਕਠਿਨ ਸਾਈਕਲ ਰੇਸ ਵਿੱਚੋਂ ਇੱਕ ਟ੍ਰਾਂਸਕਾਨਟਿਨੈਂਟਲ ਰੇਸ ਜਿੱਤ ਲਈ ਹੈ। ਰੇਸ ਵਿੱਚ ਸ਼ਾਮਲ ਹੋਣ ਵਾਲਿਆਂ ਨੂੰ 10 ਦਿਨ ਵਿੱਚ ਕਰੀਬ ਚਾਰ ਹਜ਼ਾਰ ਕਿਲੋਮੀਟਰ ਸਾਈਕਲ ਚਲਾਉਣੀ ਹੁੰਦੀ ਹੈ। ਖਾਸ ਗੱਲ ਇਹ ਕਿ ਇਹ ਕੋਈ ਸਟੇਜ ਰੇਸ ਨਹੀਂ, ਰੇਸ ਸ਼ੁਰੂ ਹੋਣ ਤੋਂ ਬਾਅਦ ਘੜੀ ਰੁਕਦੀ ਨਹੀਂ ਹੈ। ਰੇਸਰ ਬੀਚ ਵਿੱਚ ਜੋ ਵੀ ਰੈਸਟ ਲਵੇਗਾ, ਉਸਦਾ ਵਕਤ ਕਾਊਂਟ ਹੁੰਦਾ ਹੈ। ਇਸ ਮੁਸ਼ਕਲ ਰੇਸ ਨੂੰ ਜਿੱਤਣ ਵਾਲੀ ਫਿਓਨਾ ਦੁਨੀਆ ਦੀ ਪਹਿਲਾ ਮਹਿਲਾ ਸਾਈਕਲਿਸਟ ਹੈ।
ਸਾਲ 2013 ਤੋਂ ਹੋ ਰਹੀ ਇਸ ਰੇਸ ਵਿੱਚ ਹਾਲੇ ਤੱਕ ਪੁਰਸ਼ ਸਾਈਕਲਿਸਟ ਜਿੱਤਦੇ ਰਹੇ ਸਨ। ਫਿਓਨਾ ਨੇ ਇਸ ਵਾਰ 225 ਪੁਰਸ ਸਾਈਕਲਿਸਟ ਨੂੰ ਪਛਾੜ ਕੇ ਰੇਸ ਜਿੱਤੀ ਹੈ। ਰੇਸ ਵਿੱਚ ਕੁੱਲ 265 ਸਾਈਕਲਿਸਟ ਨੇ ਹਿੱਸਾ ਲਿਆ ਸੀ। ਇਨ੍ਹਾਂ ਵਿੱਚ ਚਾਲੀ ਔਰਤਾਂ ਸਨ। ਰੇਸ ਦਸ ਦੇਸ਼ਾਂ ਤੋਂ ਹੋ ਕੇ ਗੁਜਰਦੀ ਹੈ। ਫਿਓਨਾ ਨੇ 10 ਦਿਨ, ਦੋ ਘੰਟੇ, 48 ਮਿੰਟ ਵਿੱਚ ਰੇਸ ਪੂਰੀ ਕੀਤੀ। ਬ੍ਰਿਟੇਨ ਦੀ ਬੇਨ ਡੇਵਿਨ ਦੂਸਰੇ ਥਾਂ ਰਹੀ। ਫਿਓਨਾ ਦੀ ਰਫਤਾਰ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲੱਗਾ ਹੈ ਕਿ ਜਦ ਉਨ੍ਹਾਂ ਨੇ ਰੇਸ ਪੂਰੀ ਕੀਤੀ, ਤਦ ਵੀ ਬੇਨ ਡੇਵਿਸ ਉਨ੍ਹਾਂ ਤੋਂ ਤਕਰੀਬਨ 200 ਕਿਲੋਮੀਟਰ ਪਿੱਛੇ ਸੀ। ਜਿੱਤ ਦੇ ਬਾਅਦ ਫਿਓਨਾ ਕੋਲਬਿੰਗਰ ਨੇ ਕਿਹਾ, ਮੈਂ ਹੈਰਾਨ ਹਾਂ, ਜਿਸ ਲਈ ਪਿਛਲੇ ਪੰਜ-ਸੱਤ ਸਾਲ ਤੋਂ ਤਿਆਰੀ ਕਰ ਰਹੀ ਸੀ, ਉਹ ਕੰਮ ਅੱਜ ਪੂਰਾ ਹੋ ਗਿਆ। ਰੇਸ ਸ਼ੁਰੂ ਕਰਦੇ ਸਮੇਂ ਮੈਂ ਸੋਚਿਆ ਸੀ ਕਿ ਔਰਤਾਂ ਵਿੱਚ ਪਹਿਲਾ ਸਥਾਨ ਹਾਸਲ ਕਰ ਸਕਦੀ ਹਾਂ, ਪਰ ਇਹ ਬਿਲਕੁਲ ਨਹੀਂ ਸੋਚਿਆ ਸੀ ਕਿ ਸਾਰੇ ਰੇਸਰ ਨੂੰ ਪਛਾੜ ਸਕਾਂਗੀ। ਇੱਕ ਗੱਲ ਦਾ ਮਲਾਲ ਹੈ ਕਿ ਮੈਂ ਥੋੜ੍ਹਾ ਵੱਧ ਸਮਾਂ ਲੈ ਲਿਆ। ਰੇਸ 10 ਦਿਨ ਦੇ ਅੰਦਰ ਪੂਰੀ ਕਰਦੀ ਤਾਂ ਜ਼ਿਆਦਾ ਖੁਸ਼ੀ ਹੁੰਦੀ। ਹੁਣ ਕੋਸ਼ਿਸ਼ ਕਰਾਂਗੀ ਕਿ ਨੀਂਦ ਘੱਟ ਲਵਾਂ ਅਤੇ ਅਭਿਆਸ ਜ਼ਿਆਦਾ ਕਰਾਂ।