ਸੈਫ ਅਲੀ ਖਾਨ ਦੀ ਬੇਟੀ ਸਾਰਾ ਅਲੀ ਖਾਨ ਸ਼ੁਰੂਆਤੀ ਦੌਰ ਵਿੱਚ ਮਿਲੀ ਕਾਮਯਾਬੀ ਤੋਂ ਕਾਫੀ ਖੁਸ਼ ਹੈ। ਉਸ ਦੇ ਕੋਲ ਕਈ ਵੱਡੀਆਂ ਫਿਲਮਾਂ ਦੇ ਆਫਰ ਹਨ। ਸਾਰਾ ਹਰ ਜਾਨਰ ਦੀਆਂ ਫਿਲਮਾਂ ਕਰਨਾ ਚਾਹੰੁਦੀ ਹੈ, ਜਿਸ ਨਾਲ ਬਤੌਰ ਅਭਿਨੇਤਰੀ ਖੁਦ ਨੂੰ ਐਕਸਪਲੋਰ ਕਰ ਸਕੇ। ਕਰੀਅਰ ਦੀ ਸ਼ੁਰੂਆਤੀ ਦੋ ਫਿਲਮਾਂ ‘ਕੇਦਾਰਨਾਥ’ ਅਤੇ ‘ਸਿੰਬਾ’ ਵਿੱਚ ਉਸ ਦੀ ਐਕਟਿੰਗ ਨੂੰ ਪਸੰਦ ਕੀਤਾ ਗਿਆ। ਇਸ ਦੇ ਬਾਅਦ ਤੋਂ ਉਸ ਦੀ ਫੈਨ ਫਾਲੋਇੰਗ ਕਾਫੀ ਵਧ ਗਈ ਹੈ। ਪੇਸ਼ ਹਨ ਸਾਰਾ ਅਲੀ ਖਾਨ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਖੁਦ ਨੂੰ ਪਾਪੂਲਰ ਹੁੰਦੇ ਹੋਏ ਦੇਖ ਕੇ ਕਿਹੋ ਜਿਹਾ ਲੱਗ ਰਿਹਾ ਹੈ?
-ਪਾਪੂਲਰ ਹੋਣ ਦੇ ਬਾਅਦ ਲੱਗ ਰਿਹਾ ਹੈ ਕਿ ਮੈਂ ਆਮ ਲੜਕੀ ਨਹੀਂ ਰਹੀ, ਖਾਸ ਹੋ ਗਈ ਹਾਂ। ਇਹ ਸਭ ਦੇਖ ਕੇ ਚੰਗਾ ਲੱਗਦਾ ਹੈ, ਪ੍ਰੰਤੂ ਨਿੱਜੀ ਤੌਰ 'ਤੇ ਪਾਪੂਲੈਰਿਟੀ ਨਾਲ ਬਿਲਕੁਲ ਨਹੀਂ ਬਦਲੀ ਹਾਂ, ਮੇਰਾ ਨੇਚਰ ਪਹਿਲਾਂ ਵਾਂਗ ਹੀ ਹੈ। ਅੱਗੇ ਵੀ ਅਜਿਹਾ ਹੀ ਰਹੇਗਾ।
* ਸੁਣਿਆ ਹੈ ਕਿ ਤੁਹਾਨੂੰ ਅਣਜਾਣ ਲੋਕਾਂ ਨਾਲ ਗੱਲ ਕਰਨ ਵਿੱਚ ਝਿਜਕ ਹੁੰਦੀ ਹੈ, ਪ੍ਰੰਤੂ ਅੱਜ ਕੱਲ੍ਹ ਕਈ ਫੈਂਸ ਤੁਹਾਡੇ ਨਾਲ ਗੱਲ ਕਰਨ ਲਈ ਤਿਆਰ ਰਹਿੰਦੇ ਹਨ, ਅਜਿਹੇ ਵਿੱਚ ਕੀ ਕਰੋਗੇ?
- ਅਜਿਹਾ ਕੁਝ ਨਹੀਂ ਹੈ। ਮੈਨੂੰ ਤਾਂ ਲੋਕਾਂ ਨਾਲ ਗੱਲ ਕਰਨਾ ਚੰਗਾ ਲੱਗਦਾ ਹੈ। ਜਦ ਮੈਂ ਛੋਟੀ ਸੀ, ਪਾਪਾ-ਮੰਮੀ ਦੇ ਨਾਲ ਘੁੰਮਣ ਜਾਂਦੀ ਸੀ ਤਾਂ ਉਥੇ ਵੀ ਅਣਜਾਣ ਲੋਕਾਂ ਨਾਲ ਦੋਸਤੀ ਕਰ ਲੈਂਦੀ ਸੀ। ਅੱਜ ਪਾਪੂਲਰ ਹੋ ਗਈ ਹਾਂ ਤਾਂ ਫੈਂਸ ਨੂੰ ਮਿਲਣ ਵਾਲੇ ਪਿਆਰ ਨੂੰ ਵੀ ਐਕਸੈਪਟ ਕਰਾਂਗੀ।
* ਤੁਹਾਨੂੰ ਕਿਸ ਤਰ੍ਹਾਂ ਦੇ ਕਿਰਦਾਰ ਨਿਭਾਉਣ ਵਿੱਚ ਜ਼ਿਆਦਾ ਮਜ਼ਾ ਆਉਂਦਾ ਹੈ?
- ਮੈਨੂੰ ਕਾਮੇਡੀ ਅਤੇ ਗਲੈਮਰ ਵਾਲੇ ਕਰੈਕਟਰ ਨਿਭਾਉਣ ਵਿੱਚ ਜ਼ਿਆਦਾ ਮਜ਼ਾ ਆਉਂਦਾ ਹੈ, ਪਰ ਮੈਂ ਹਰ ਜਾਨਰ ਦੀ ਫਿਲਮ ਕਰਨਾ ਚਾਹੰੁਦੀ ਹਾਂ। ਅਜਿਹਾ ਕਰਨ 'ਤੇ ਮੈਂ ਅਭਿਨੇਤਰੀ ਦੇ ਤੌਰ 'ਤੇ ਖੁਦ ਨੂੰ ਐਕਸਪਲੋਰ ਕਰ ਸਕਾਂਗੀ। ਮੇਰੀ ਤਾਂ ਖੁਵਾਹਿਸ਼ ਅਜਿਹੇ ਕਿਰਦਾਰ ਨਿਭਾਉਣ ਦੀ ਹੈ, ਜੋ ਦਰਸ਼ਕਾਂ ਨੂੰ ਹਮੇਸ਼ਾ ਯਾਦ ਰਹਿਣ।
* ਤੁਹਾਡੇ ਐਕਟਿੰਗ ਕਰੀਅਰ ਵਿੱਚ ਮੰਮੀ ਦਾ ਕਿੰਨਾ ਸਪੋਰਟ ਰਿਹਾ ਹੈ?
-ਬਹੁਤ ਜ਼ਿਆਦਾ ਰਿਹਾ ਹੈ। ਮੈਂ ਆਪਣੀ ਜ਼ਿੰਦਗੀ ਵਿੱਚ ਜੋ ਕੁਝ ਵੀ ਸਿਖਿਆ ਹੈ, ਆਪਣੀ ਮਾਂ ਤੋਂ ਸਿੱਖਿਆ ਹੈ। ਉਨ੍ਹਾਂ ਦੀ ਐਕਟਿੰਗ ਦੀ ਮੈਂ ਫੈਨ ਹਾਂ। ਉਨ੍ਹਾਂ ਦਾ ਡ੍ਰੈਸਿੰਗ ਸੈਂਸ ਤਾਂ ਬਹੁਤ ਵਧੀਆ ਹੈ। ਮੈਨੂੰ ਜਦ ਕਿਸੇ ਪਾਰਟੀ ਵਿੱਚ ਜਾਣਾ ਹੰੁਦਾ ਹੈ ਤਾਂ ਮੈਂ ਆਪਣੀ ਮਾਂ ਤੋਂ ਸਲਾਹ ਲੈ ਕੇ ਡ੍ਰੈੱਸਅਪ ਹੁੰਦੀ ਹਾਂ।
* ਤੁਹਾਡੀ ਨਜ਼ਰ ਵਿੱਚ ਐਕਟਿੰਗ ਦੀ ਡੈਫੀਨੇਸ਼ਨ ਕੀ ਹੈ? ਇਸ ਵਿੱਚ ਕਿਸ ਤਰ੍ਹਾਂ ਨਾਲ ਸਫਲ ਹੋਇਆ ਜਾ ਸਕਦਾ ਹੈ?
- ਐਕਟਿੰਗ ਅਜਿਹਾ ਆਰਟ ਹੈ, ਜਿਸ ਦੇ ਜ਼ਰੀਏ ਤੁਹਾਨੂੰ ਦੂਸਰੇ ਇਨਸਾਨ ਦੀ ਫੀਲਿੰਗਸ, ਲਾਈਫ ਨੂੰ ਆਪਣੇ ਜ਼ਰੀਏ ਪੇਸ਼ ਕਰਨਾ ਹੁੰਦਾ ਹੈ। ਜੋ ਕਲਾਕਾਰ ਅਜਿਹਾ ਕਰ ਵਿੱਚ ਪੂਰੀ ਤਰ੍ਹਾਂ ਸਫਲ ਹੁੰਦੇ ਹਨ, ਉਨ੍ਹਾਂ ਨੂੰ ਸਫਲ ਹੋਣ ਵਿੱਚ ਕੋਈ ਨਹੀਂ ਰੋਕ ਸਕਦਾ ਹੈ।
* ਇਨ੍ਹੀਂ ਦਿਨੀਂ ਤੁਹਾਡਾ ਨਾਂਅ ਐਕਟਰ ਕਾਰਤਿਕ ਆਰੀਅਨ ਨਾਲ ਜੋੜਿਆ ਜਾ ਰਿਹਾ ਹੈ, ਇਸ ਵਿੱਚ ਕਿੰਨੀ ਸੱਚਾਈ ਹੈ?
- ਮੈਨੂੰ ਕਾਰਤਿਕ ਬਹੁਤ ਚੰਗਾ ਲੱਗਦਾ ਹੈ। ਉਹ ਬਹੁਤ ਕਿਊਟ ਹੈ, ਪਰ ਜਿਹੋ ਜਿਹਾ ਮੀਡੀਆ ਸਾਡੇ ਬਾਰੇ ਬੋਲ ਰਿਹਾ ਹੈ, ਉਹੋ ਜਿਹਾ ਕੁਝ ਨਹੀਂ। ਮੇਰਾ ਪੂਰਾ ਫੋਕਸ ਐਕਟਿੰਗ 'ਤੇ ਹੈ। ਇਸ਼ਕ ਵਿੱਚ ਹੋਵਾਂਗੀ ਤਾਂ ਖੁਦ ਦੱਸ ਦਿਆਂਗੀ। ਫਿਲਹਾਲ ਅਜਿਹਾ ਕੁਝ ਨਹੀਂ ਹੈ।