ਨੋਰਾ ਫਤੇਹੀ ਨੇ ਬਾਲੀਵੁੱਡ ਵਿੱਚ ਕਈ ਹਿੱਟ ਆਈਟਮ ਗੀਤ ਦਿੱਤੇ ਹਨ। ਪਿੱਛੇ ਜਿਹੇ ਉਸ ਦਾ ਗਾਣਾ ‘ਓ ਸਾਕੀ ਸਾਕੀ’ ਵੀ ਦਰਸ਼ਕਾਂ ਨੂੰ ਕਾਫੀ ਪਸੰਦ ਆਇਆ। ਜਾਨ ਅਬਰਾਹਮ ਦੀ ਫਿਲਮ ‘ਬਾਟਲਾ ਹਾਊਸ’ ਵਿੱਚ ਇਸ ਗਾਣੇ ਨੂੰ ਫਿਲਮਾਇਆ ਗਿਆ ਹੈ। ਇਸ ਤੋਂ ਪਹਿਲਾਂ ਫਿਲਮ ‘ਸਤਯਮੇਵ ਜਯਤੇ' ਵਿੱਚ ਵੀ ਨੋਰਾ ਦਾ ਗਾਣਾ ‘ਦਿਲਬਰ ਦਿਲਬਰ’ ਸੁਪਰ ਹਿੱਟ ਹੋਇਆ ਸੀ। ਕੁਝ ਦਿਨ ਪਹਿਲਾਂ ਨੋਰਾ ਨੇ ਆਪਣੇ ਸਟ੍ਰਗਲ ਦੇ ਦਿਨਾਂ ਨੂੰ ਯਾਦ ਕਰਦੇ ਹੋ ਕਿਹਾ, ‘‘ਮੈਂ ਅੱਠ ਲੜਕੀਆਂ ਦੇ ਨਾਲ ਇੱਕ ਅਪਾਰਟਮੈਂਟ ਸ਼ੇਅਰ ਕਰਦੀ ਸੀ। ਮੈਨੂੰ ਉਹ ਅਪਾਰਟਮੈਂਟ ਛੱਡਣਾ ਪਿਆ। ਤਦ ਉਨ੍ਹਾਂ ਨੇ ਮੇਰਾ ਪਾਸਪੋਰਟ ਚੋਰੀ ਕਰ ਲਿਆ। ਇਸ ਦੇ ਬਾਅਦ ਮੈਂ ਕੁਝ ਸਮੇਂ ਲਈ ਵਾਪਸ ਕੈਨੇਡਾ ਆ ਗਈ। ਮੈਂ ਹਿੰਦੀ ਬੋਲਣਾ ਸਿੱਖ ਰਹੀ ਸੀ ਤੇ ਜਦ ਆਡੀਸ਼ਨ ਦੇਣ ਜਾਂਦੀ ਤਾਂ ਸਭ ਮੇਰਾ ਮਜ਼ਾਕ ਉਡਾਉਂਦੇ ਸਨ। ਉਹ ਮੇਰੇ ਮੂੰਹ ਉੱਤੇ ਹੱਸਦੇ ਸਨ। ਘਰ ਜਾਂਦੇ ਸਮੇਂ ਸਾਰੇ ਰਸਤੇ ਰੋਂਦੀ ਜਾਂਦੀ ਸੀ। ਇੱਕ ਕਾਸਟਿੰਗ ਏਜੰਟ ਨੇ ਮੈਨੂੰ ਕਿਹਾ, ਸਾਨੂੰ ਤੇਰੀ ਜ਼ਰੂਰਤ ਨਹੀਂ ਹੈ। ਜਾਓ ਇਥੋਂ। ਮੈਂ ਇਹ ਸਭ ਕਦੇ ਨਹੀਂ ਭੁੱਲ ਸਕਦੀ।”
ਦੱਸਣਾ ਬਣਦਾ ਹੈ ਕਿ ਨੇਰਾ ਇੱਕ ਰੂੜੀਵਾਦੀ ਅਰਬ ਪਰਵਾਰ ਤੋਂ ਹੈ। ਮੀਡੀਆ ਨਾਲ ਗੱਲਬਾਤ ਦੌਰਾਨ ਨੋਰਾ ਨੇ ਕਿਹਾ ਸੀ, ‘‘ਮੈਂ ਇੱਕ ਰੂੜੀਵਾਦੀ ਪਰਵਾਰ ਤੋਂ ਆਈ ਹਾਂ। ਮੈਂ ਆਪਣੇ ਕਮਰੇ ਵਿੱਚ ਡਾਂਸ ਕੲਦੀ ਸੀ ਤੇ ਉਸ ਦੇ ਵੀਡੀਓ ਲੋਕਾਂ ਨੂੰ ਦਿਖਾਉਂਦੀ ਸੀ। ਲੋਕ ਮੇਰੇ ਡਾਂਸ ਨੂੰ ਪਸੰਦ ਕਰਦੇ ਸਨ।” ਨੋਰਾ ਦੀ ਅਗਲੀ ਫਿਲਮ ‘ਸਟਰੀਟ ਡਾਂਸਰ 3ਡੀ’ ਹੈ। ਇਸ ਵਿੱਚ ਨੋਰਾ, ਵਰੁਣ ਧਵਨ ਅਤੇ ਸ਼ਰਧਾ ਕਪੂਰ ਦੇ ਨਾਲ ਨਜ਼ਰ ਆਏਗੀ। ਇਸ ਫਿਲਮ ਨੂੰ ਲੈ ਕੇ ਨੋਰਾ ਨੇ ਕਿਹਾ, ਸੀ, ‘‘ਸੈੱਟ 'ਤੇ ਮੈਨੂੰ ਕਾਫੀ ਕੁਝ ਸਿੱਖਣ ਨੂੰ ਮਿਲਿਆ ਹੈ। ਮੈਂ ਡਾਂਸ ਦੇ ਅਲੱਗ ਅਲੱਗ ਸਟਾਈਲ ਸਿੱਖੇ। ਮੇਰੇ ਲਈ ਸੁਫਨੇ ਦੇ ਸੱਚ ਹੋਣ ਵਾਂਗ ਹੈ।” ਨੋਰਾ ਦੀ ਇਹ ਫਿਲਮ 24 ਜਨਵਰੀ 2020 ਨੂੰ ਰਿਲੀਜ਼ ਹੋਵੇਗੀ।