Welcome to Canadian Punjabi Post
Follow us on

16

October 2018
ਅੰਤਰਰਾਸ਼ਟਰੀ

ਐਮਰਜੰਸੀ ਲੈਂਡਿੰਗ ਮਗਰੋਂ ਸੁਰੱਖਿਅਤ ਹਨ ਅਮਰੀਕਾ ਤੇ ਰੂਸ ਦੇ ਐਸਟਰੋਨਾਟਸ

October 11, 2018 11:00 PM

ਬਾਇਕੋਨੂਰ, ਕਜ਼ਾਕਿਸਤਾਨ, 11 ਅਕਤੂਬਰ (ਪੋਸਟ ਬਿਊਰੋ) : ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ ਵਿਖੇ ਅਮਰੀਕਾ ਤੇ ਰੂਸ ਤੋਂ ਦੋ ਐਸਟਰੋਨਾਟਸ ਨੂੰ ਲਿਜਾ ਰਹੇ ਰੂਸ ਦੇ ਬੂਸਟਰ ਰਾਕੇਟ ਵਿੱਚ ਖਰਾਬੀ ਆ ਜਾਣ ਕਾਰਨ ਉਸ ਨੂੰ ਅਚਾਨਕ ਕਜ਼ਾਕਿਸਤਾਨ ਉਤਾਰਿਆ ਗਿਆ। ਵੀਰਵਾਰ ਨੂੰ ਜਹਾਜ਼ ਦੀ ਐਮਰਜੰਸੀ ਲੈਂਡਿੰਗ ਤੋਂ ਬਾਅਦ ਦੋਵੇਂ ਐਸਟਰੋਨਾਟਸ ਸਹੀ ਸਲਾਮਤ ਹਨ।
ਵੀਰਵਾਰ ਨੂੰ ਰੂਸ ਦੀ ਅਗਵਾਈ ਵਾਲੇ ਬਾਇਕੋਨੂਰ ਸਟੇਸ਼ਨ ਤੋਂ ਸੋਊਜ਼ ਬੂਸਟਰ ਰਾਕੇਟ ਵਿੱਚ ਦੁਪਹਿਰੇ 2:40 ਉੱਤੇ ਨਾਸਾ ਦੇ ਐਸਟਰੋਨਾਟ ਨਿੱਕ ਹੇਗ ਤੇ ਰੌਸਕੌਸਮੌਸ ਅਲੈਗਜ਼ੇਈ ਓਵਚਿਨਿਨ ਨੂੰ ਲਿਜਾਇਆ ਜਾ ਰਿਹਾ ਸੀ ਤਾਂ ਕੁੱਝ ਗੜਬੜੀ ਹੋ ਗਈ। ਰੌਸਕੌਸਮੌਸ ਤੇ ਨਾਸਾ ਨੇ ਦੱਸਿਆ ਕਿ ਦੂਜੇ ਪੜਾਅ ਉੱਤੇ ਹੀ ਸੋਊਜ਼ ਐਮਰਜੰਸੀ ਤਰੀਕੇ ਨਾਲ ਬੰਦ ਹੋ ਗਿਆ ਜਦਕਿ ਇਸ ਦੇ ਤਿੰਨ ਪੜਾਅ ਹੁੰਦੇ ਹਨ। ਕੈਪਸੂਲ ਬਹੁਤ ਹੀ ਤੇਜ਼ੀ ਨਾਲ ਬੂਸਟਰ ਵਿੱਚੋਂ ਨਿਕਲਿਆ ਤੇ ਤੇਜ਼ ਰਫਤਾਰ ਨਾਲ ਨੌਰਮਲ ਐਂਗਲ ਤੋਂ ਤਿੱਖੇ ਐਂਗਲ ਉੱਤੇ ਲੈਂਡ ਕਰਨ ਲੱਗਿਆ। ਇਸ ਨਾਲ ਅਮਲੇ ਨੂੰ ਕਾਫੀ ਸਖਤ ਮਾਹੌਲ ਵਿੱਚੋਂ ਨਿਕਲਣਾ ਪਿਆ।
ਨਾਸਾ ਨੇ ਆਖਿਆ ਕਿ ਰੈਸਕਿਊ ਟੀਮਾਂ ਹੇਗ ਤੇ ਓਵਚਿਨਿਨ ਪਹੁੰਚ ਗਈਆਂ ਹਨ ਤੇ ਉਨ੍ਹਾਂ ਵੱਲੋਂ ਕੈਪਸੂਲ ਬਾਹਰ ਕੱਢ ਲਿਆ ਗਿਆ ਹੈ ਤੇ ਉਹ ਚੰਗੀ ਹਾਲਤ ਵਿੱਚ ਹੈ। ਇਹ ਕੈਪਸੂਲ ਕਜ਼ਾਕਿਸਤਾਨ ਵਿੱਚ ਜੇਜ਼ਕਾਜ਼ਗਾਨ ਸ਼ਹਿਰ ਤੋਂ 20 ਕਿਲੋਮੀਟਰ ਪੂਰਬ ਵੱਲ ਡਿੱਗਿਆ। ਰੂਸੀ ਸਪੇਸ ਪ੍ਰੋਗਰਾਮ ਲਈ ਇਹ ਵੱਡਾ ਝਟਕਾ ਹੈ। ਪਿਛਲੇ ਕਈ ਸਾਲਾਂ ਤੋਂ ਲਾਂਚ ਅਸਫਲਤਾਵਾਂ ਤੇ ਕੁੱਝ ਹੋਰਨਾਂ ਘਟਨਾਵਾਂ ਕਾਰਨ ਵੱਡੇ ਝਟਕੇ ਲੱਗਦੇ ਰਹੇ ਹਨ। ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਬੁਲਾਰੇ ਦਮਿੱਤਰੀ ਪੈਸਕੋਵ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਆਖਿਆ ਕਿ ਸ਼ੁਕਰ ਇਸ ਗੱਲ ਦਾ ਹੈ ਕਿ ਅਮਲੇ ਦੇ ਮੈਂਬਰ ਸਹੀ ਸਲਾਮਤ ਹਨ। ਉਨ੍ਹਾਂ ਦੱਸਿਆ ਕਿ ਰਾਸ਼ਟਰਪਤੀ ਲਗਾਤਾਰ ਹਾਲਾਤ ਦਾ ਜਾਇਜ਼ਾ ਲੈ ਰਹੇ ਹਨ।

 

Have something to say? Post your comment