ਆਪਣੀ ਪਹਿਲੀ ਕੰਨੜ ਫਿਲਮ ‘ਪਹਿਲਵਾਨ’ ਵਿੱਚ ਸੁਨੀਲ ਸ਼ੈੱਟੀ ਅਹਿਮ ਕਿਰਦਾਰ ਵਿੱਚ ਹੋਣਗੇ। ਇਹ ਫਿਲਮ ਪੰਜ ਭਾਸ਼ਾਵਾਂ ਹਿੰਦੀ, ਤਮਿਲ, ਤੇਲਗੂ, ਮਲਿਆਲਮ ਅਤੇ ਕੰਨੜ ਵਿੱਚ ਬਣੇਗੀ। ਬਾਲੀਵੁੱਡ ਫਿਲਮ ‘ਅ ਜੈਂਟਲਮੈਨ’ ਦੇ ਬਾਅਦ ਹੁਣ ਸੁਨੀਲ ਸ਼ੈੱਟੀ ਦੋਬਾਰਾ ਵੱਡੇ ਪਰਦੇ 'ਤੇ ਨਜ਼ਰ ਆਉਣਗੇ। ਖਾਸ ਗੱਲ ਇਹ ਕਿ ਲੰਬੇ ਸਮੇਂ ਬਾਅਦ ਉਹ ਡਾਂਸ ਕਰਦੇ ਦਿਖਾਈ ਦੇਣਗੇ। ਫਿਲਮ ਦੇ ਟਾਈਟਲ ਗਾਣੇ ‘ਜੈ ਹੋ ਪਹਿਲਵਾਨ’ ਵਿੱਚ ਸੁਨੀਲ ਕੰਨੜ ਐਕਟਰ ਕਿੱਚਾ ਸੁਦੀਪ ਦੇ ਨਾਲ ਥਿਰਕਣਗੇ। ਸੁਨੀਲ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸੁਕ ਹਨ।
ਉਨ੍ਹਾਂ ਦਾ ਕਹਿਣਾ ਹੈ, ‘‘ਮੈਨੂੰ ਫਿਲਮ ਵਿੱਚ ਆਪਣਾ ਲੁਕ ਪਸੰਦ ਆਇਆ ਹੈ। ਜਿਸ ਤਰ੍ਹਾਂ ਨਾਲ ਮੇਰੇ ਕਿਰਦਾਰ ਨੂੰ ਪੇਸ਼ ਕੀਤਾ ਗਿਆ ਹੈ, ਉਸ ਨੂੰ ਲੈ ਕੇ ਮੈਂ ਬਹੁਤ ਉਤਸ਼ਾਹਤ ਹਾਂ। ਡਾਂਸ ਨੂੰ ਗਣੇਸ਼ ਆਚਾਰੀਆ ਨੇ ਕੋਰੀਓਗਰਾਫ ਕੀਤਾ ਹੈ। ਲੰਬੇ ਸਮੇਂ ਬਾਅਦ ਡਾਂਸ ਕਰ ਕੇ ਚੰਗਾ ਲੱਗ ਰਿਹਾ ਹੈ।” ਇਸ ਗਾਣੇ ਨੂੰ ਪੰਜ ਸੌ ਡਾਂਸਰਾਂ ਦੇ ਨਾਲ ਸ਼ੂਟ ਕੀਤਾ ਗਿਆ ਹੈ। ‘ਪਹਿਲਵਾਨ’ 12 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ।