ਕਈ ਵਿਵਾਦਾਂ ਦੇ ਬਾਵਜੂਦ ਕੰਗਨਾ ਰਣੋਤ ਦੀ ਝੋਲੀ ਮੇਗਾ ਬਜਟ ਫਿਲਮਾਂ ਨਾਲ ਭਰੀ ਹੋਈ ਹੈ। ‘ਮਣੀਕਰਣਿਕਾ’ ਦੇ ਬਾਅਦ ਉਹ ਇੱਕ ਹੋਰ ਮੇਗਾ ਬਜਟ ਫਿਲਮ ‘ਜੈਲਲਿਤਾ ਬਾਇਓਪਿਕ’ ਸ਼ੁਰੂ ਕਰ ਰਹੀ ਹੈ। ਇਨ੍ਹੀਂ ਦਿਨੀਂ ਉਹ ਮਨਾਲੀ ਵਿੱਚ ਹੈ ਜਿੱਥੇ ਉਹ ਇਸ ਫਿਲਮ ਦੀ ਰੀਡਿੰਗ ਕਰ ਰਹੀ ਹੈ। 9 ਅਗਸਤ ਨੂੰ ਉਹ ਮੁੰਬਈ ਆ ਕੇ ਫਿਲਮ ਨਾਲ ਜੁੜੀਆਂ ਬਾਕੀ ਤਿਆਰੀਆਂ 'ਤੇ ਕੰਮ ਸ਼ੁਰੂ ਕਰੇਗੀ। ਫਿਲਮ ਦਾ ਬਜਟ ਅੱਸੀ ਕਰੋੜ ਤੋਂ ਉਪਰ ਦਾ ਦੱਸਿਆ ਜਾ ਰਿਹਾ ਹੈ। ਇਸ ਨੂੰ ‘ਜਜਮੈਂਟਲ ਹੈ ਕਯਾ' ਦੇ ਸਹਿ ਪ੍ਰੋਡਿਊਸਰ ਰਹੇ ਸ਼ੈਲੇਸ਼ ਆਰ ਸਿੰਘ ਪ੍ਰੋਡਿਊਸ ਕਰ ਰਹੇ ਹਨ।
ਕਿਉਂਕਿ ਇਹ ਕਹਾਣੀ ਜੈਲਲਿਤਾ ਦੀ ਹੈ ਜੋ ਸਾਊਥ ਦੀ ਸੁਪਰਹਿੱਟ ਅਭਿਨੇਤਰੀ ਅਤੇ ਉਥੋਂ ਦੀ ਪਸੰਦੀਦਾ ਮੁੱਖ ਮੰਤਰੀ ਵੀ ਰਹਿ ਚੁੱਕੀ ਹੈ, ਅਜਿਹੇ ਵਿੱਚ ਮੇਕਰਸ ਫਿਲਮ ਨੂੰ ਉਥੋਂ ਦਾ ਟਚ ਦੇਣ ਲਈ ਟਾਲੀਵੁੱਡ ਦੇ ਕਲਾਕਾਰਾਂ ਦਾ ਕਾਸਟਿੰਗ ਕਰਨਗੇ। ਇਹ ਫਿਲਮ ਦੋ ਲੈਂਗਵੇਜਸ (ਤਮਿਲ ਤੇ ਹਿੰਦੀ) ਵਿੱਚ ਬਣ ਰਹੀ ਹੈ। ਇਹ ਵੀ ਕਾਰਨ ਹੈ ਕਿ ਦੋਵਾਂ ਇੰਡਸਟਰੀਜ਼ ਤੋਂ ਕਲਾਕਾਰ ਕਾਸਟ ਕੀਤੇ ਜਾ ਰਹੇ ਹਨ। ਸਾਊਥ ਦੇ ਨਾਮੀ ਸਟਾਰਾਂ ਨੂੰ ਆਨਬੋਰਡ ਲਿਆਂਦਾ ਜਾ ਰਿਹਾ ਹੈ।