ਮਨਮੋਹਨ ਦੇਸਾਈ ਦੀ ਫਿਲਮ ‘ਅਮਰ ਅਕਬਰ ਐਂਥੋਨੀ’ ਬਾਲੀਵੁੱਡ ਦੀ ਸਭ ਤੋਂ ਲੋਕਪ੍ਰਿਯ ਫਿਲਮਾਂ ਵਿੱਚੋਂ ਇੱਕ ਹੈ। ਇਸ ਫਿਲਮ ਦੇ ਰੀਮੇਕ ਬਾਰੇ ਹਾਲੇ ਤੱਕ ਕਿਸੇ ਨੇ ਨਹੀਂ ਸੋਚਿਆ ਸੀ, ਪਰ ਨਵੀਂ ਖਬਰ ਹੈ ਕਿ ਸਲਮਾਨ ਖਾਨ ਇੱਕ ਸਮੇਂ ਇਸ ਦਾ ਰੀਮੇਕ ਬਣਾਉਣਾ ਚਾਹੁੰਦੇ ਸਨ। ਇਸ ਫਿਲਮ ਦੇ ਰਾਈਟਸ ਟਿਪਸ ਇੰਡਸਟਰੀਜ਼ ਦੇ ਕੋਲ ਹਨ ਤੇ ਟਿਪਸ ਦੇ ਮਾਲਕ ਰਮੇਸ਼ ਤੌਰਾਨੀ ਸਲਮਾਨ ਦੇ ਖਾਸ ਦੋਸਤ ਹਨ। ਸਲਮਾਨ ਨੂੰ ਲੈ ਕੇ ਉਹ ਫਿਲਮ ਬਣਾਉਣਾ ਚਾਹੁੰਦੇ ਹਨ। ਰਮੇਸ਼ ਨੇ ਇਹ ਆਈਡੀਆ ਸਲਮਾਨ ਨਾਲ ਡਿਸਕਸ ਵੀ ਕੀਤਾ ਸੀ। ਸਲਮਾਨ ਇਸ ਵਿੱਚ ਆਪਣੇ ਭਰਾਵਾਂ ਅਰਬਾਜ ਨੂੰ ਅਮਰ ਦੇ ਰੋਲ ਵਿੱਚ ਅਤੇ ਸੋਹੇਲ ਨੂੰ ਅਕਬਰ ਦੇ ਰੋਲ ਵਿੱਚ ਦੇਖਣਾ ਚਾਹੁੰਦੇ ਸਨ। ਉਹ ਖੁਦ ਅਮਿਤਾਭ ਬੱਚਨ ਦਾ ਰੋਲ ਐਂਥਨੀ ਨਿਭਾਉਣਾ ਚਾਹੁੰਦੇ ਸਨ।