ਬੀਤੇ ਦਿਨੀਂ ਆਪਣੀ ਮੋਬਾਈਲ ਐਪਲੀਕੇਸ਼ਨ ਲਾਂਚ ਕਰਨ ਵਾਲੀ ਸ਼ਰਧਾ ਦਾਸ ਨੂੰ ਉਮੀਦ ਹੈ ਕਿ ਇਸ ਦੀ ਮਦਦ ਨਾਲ ਉਸ ਨੂੰ ਆਪਣੇ ਫੈਂਸ ਦੇ ਨੇੜੇ ਆਉਣ 'ਚ ਮਦਦ ਮਿਲੇਗੀ। ਉਸ ਨੇ ਨਿਊ ਯਾਰਕ ਦੇ ਟੈਕ ਫਾਰਮ ਇਸਕੇਪਐਕਸ ਦੇ ਸਹਿਯੋਗ ਨਾਲ ਆਪਣੀ ਆਫੀਸ਼ੀਅਲ ਐਪ ਲਾਂਚ ਕਰਦੇ ਹੋਏ ਕਿਹਾ, ‘‘ਮੇਰਾ ਐਪ ਲਾਂਚ ਕਰਨਾ, ਮੇਰੇ ਕਰੀਅਰ ਦੇ ਸਭ ਤੋਂ ਰੋਮਾਂਚਕ ਅਤੇ ਜ਼ਬਰਦਸਤ ਪਲਾਂ 'ਚੋਂ ਇੱਕ ਹੈ। ਇਸ ਵਿੱਚ ਮੇਰੇ ਬਾਰੇ ਸਭ ਕੁਝ ਇੱਕ ਹੀ ਜਗ੍ਹਾ ਮਿਲੇਗਾ। ਇਸ ਦੇ ਰੰਗ ਵੀ ਮੈਂ ਨਿੱਜੀ ਤੌਰ 'ਤੇ ਆਪਣੀ ਪਸੰਦ ਦੇ ਚੁਣੇ ਹਨ। ਇਹ ਅਜਿਹਾ ਹੈ ਕਿ ਜੋ ਹਮੇਸ਼ਾ ਮੇਰੇ ਦਿਲ ਨੇੜੇ ਰਹੇਗਾ।”
ਉਹ ਕਹਿੰਦੀ ਹੈ, ‘‘ਮੈਂ ਹਮੇਸ਼ਾ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਲੋਕਾਂ ਨਾਲ ਜੁੜੇ ਰਹਿਣ ਦੀ ਕੋਸ਼ਿਸ਼ ਕੀਤੀ, ਪਰ ਇਹ ਐਪ ਮੈਨੂੰ ਅੱਗੇ ਵਧਣ ਤੇ ਉਨ੍ਹਾਂ ਲੋਕਾਂ ਨੂੰ ਸਪੈਸ਼ਲ ਮਹਿਸੂਸ ਕਰਵਾਉਣ ਦਾ ਮੌਕਾ ਦੇਵੇਗੀ, ਜੋ ਮੈਨੂੰ ਪਿਆਰ ਕਰਦੇ ਹਨ। ਮੈਨੂੰ ਇਸ ਨਵੇਂ ਸੰਬੰਧ ਤੇ ਅਨੁਭਵਾਂ ਤੋਂ ਬਹੁਤ ਉਮੀਦਾਂ ਹਨ।”