ਮੋਰੱਕਨ ਬਿਊਟੀ ਨੋਰਾ ਫਤੇਹੀ ਰੀਕ੍ਰਿਏਟਿਡ ਉਤੇ ਆਈਟਮ ਡਾਂਸ ਦੀ ਪੋਸਟਰ ਗਰਲ ਬਣ ਕੇ ਕਾਫੀ ਖੁਸ਼ ਹੈ, ਹਾਲਾਂਕਿ ਉਸ ਦਾ ਐਕਟਿੰਗ ਡੈਬਿਊ ਫਿਲਮ ‘ਬਾਟਲਾ ਹਾਊਸ’ ਨਾਲ ਹੋ ਰਿਹਾ। ਇਸ ਮੁਲਾਕਾਤ ਵਿਚ ਉਸ ਨਾਲ ਐਕਟੰਗ ਡੈਬਿਊ ਅਤੇ ਡਾਂਸ ਦੇ ਲਈ ਪੈਸ਼ਨ ਨੂੰ ਲੈ ਕੇ ਗੱਲਬਾਤ ਹੋਈ। ਪੇਸ਼ ਹਨ ਉਸੇ ਗੱਲਬਾਤ ਦੇ ਕੁਝ ਅੰਸ਼ :
* ‘ਬਾਟਲਾ ਹਾਊਸ’ ਫਿਲਮ ਵਿੱਚ ਤੁਹਾਡਾ ਕੀ ਰੋਲ ਹੈ?
- ਇਸ ਫਿਲਮ ਵਿੱਚ ਮੇਰਾ ਰੋਲ ਬਹੁਤ ਖਾਸ ਹੈ। ਇਸ 'ਤੇ ਮੈਂ ਅੱਗੇ ਦੀਆਂ ਮੁਲਾਕਾਤਾਂ ਵਿੱਚ ਸ਼ੇਅਰ ਕਰਾਂਗੀ। ਅਜੇ ਇੰਨਾ ਕਹਾਂਗੀ ਕਿ ਮੈਂ ਆਪਣੇ ਰੋਲ ਬਾਰੇ ਬਹੁਤ ਐਕਸਾਈਟਿਡ ਹਾਂ ਕਿਉਂਕਿ ਇਸ ਵਿਚ ਡਿਫਰੈਂਟ ਕਰੈਕਟਰ ਪਲੇਅ ਕਰ ਰਹੀ ਹਾਂ, ਇੰਨਾ ਡਿਫਰੈਂਟ ਕਿ ਬਿਆਨ ਨਹੀਂ ਕਰ ਸਕਦੇ। ਫਿਲਮ ਵਿੱਚ ਮੇਰੇ 'ਤੇ ਇੱਕ ਗਾਣਾ ਵੀ ਹੈ।
* ਜਾਨ ਅਬਰਾਹਮ ਅਤੇ ਨਿਖਿਲ ਅਡਵਾਨੀ ਦੇ ਨਾਲ ਕੰਮ ਕਰਨ ਦਾ ਤਜਰਬਾ ਕਿਹੋ ਜਿਹਾ ਰਿਹਾ?
- ਜਾਹਿਰਾ ਤੌਰ 'ਤੇ ਜਦ ਜਾਨ ਸਰ ਦੇ ਨਾਲ ਕੰਮ ਕਰਦੀ ਹਾਂ ਤਾਂ ਤਜਰਬਾ ਹਮੇਸ਼ਾ ਚੰਗਾ ਹੀ ਹੁੰਦਾ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨਾਲ ‘ਦਿਲਬਰ ਦਿਲਬਰ’ ਗਾਣਾ ਵੀ ਕੀਤਾ। ਉਸ ਵਿੱਚ ਸਾਡੀ ਜੋੜੀ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ ਸੀ। ਉਮੀਦ ਕਰਦੀ ਹਾਂ ਕਿ ਇਸ ਬਾਰੇ ਲੋਕਾਂ ਨੂੰ ਅਸੀਂ ਪਸੰਦ ਆਵਾਂਗੇ। ਡਾਇਰੈਕਟਰ ਨਿਖਿਲ ਅਡਵਾਨੀ ਸਰ ਦੀ ਮੈਂ ਧੰਨਵਾਦੀ ਹਾਂ। ਉਨ੍ਹਾਂ ਨੇ ਮੈਨੂੰ ਮੌਕਾ ਪ੍ਰਦਾਨ ਕੀਤਾ।
* ਤੁਹਾਨੂੰ ਇੰਡੀਆ ਵਿੱਚ ਬਹੁਤ ਪਿਆਰ ਮਿਲਿਆ। ਇਥੇ ਆਪਣੇ ਫਿਊਚਰ ਨੂੰ ਕਿਸ ਤਰ੍ਹਾਂ ਦੇਖਦੇ ਹੋ?
- ਬਿਲਕੁਲ, ਮੈਂ ਦਰਸ਼ਕਾਂ ਤੇ ਪ੍ਰਸ਼ੰਸਕਾਂ ਨੂੰ ਧੰਨਵਾਦ ਕਰਨਾ ਚਾਹਾਂਗੀ, ਜਿਨ੍ਹਾਂ ਨੇ ਮੈਨੂੰ ਇੰਨਾ ਪਿਆਰ ਤੇ ਸਪੋਰਟ ਦਿੱਤਾ। ਰਹੀ ਗੱਲ ਫਿਊਚਰ ਦੀ, ਉਹ ਉਜਲ ਦੇਖਦੀ ਹਾਂ। ਮੈਨੂੁੰ ਯਕੀਨ ਨਹੀਂ ਆਉਂਦਾ ਕਿ ਲੋਕਾਂ ਨੇ ਮੈਨੂੰ ਇੰਨਾ ਪਿਆਰ ਦਿੱਤਾ ਅਤੇ ਪਸੰਦ ਕੀਤਾ ਹੈ। ਲੋਕਾਂ ਦੇ ਪਿਆਰ ਦੇ ਸਾਹਮਣੇ ਨਤਮਸਤਕ ਹਾਂ।
* ਕੀ ਲੱਗਦਾ ਹੈ ਕਿ ‘ਬਾਟਲਾ ਹਾਊਸ’ ਦਾ ਗੀਤ ‘ਦਿਲਬਰ ਦਿਲਬਰ' ਦੀ ਪਾਪੂੂਲੈਰਿਟੀ ਨੂੰ ਪਾਰ ਕਰ ਸਕੇਗਾ?
-ਅੱਜਕੱਲ੍ਹ ਸਾਰੇ ਇਹੀ ਸਵਾਲ ਪੁੱਛਦੇ ਹਨ। ਮੈਨੂੰ ਨਹੀਂ ਪਤਾ, ਪਰ ਦੇਖੋ ਕੀ ਹੁੰਦਾ ਹੈ? ‘ਦਿਲਬਰ...’ ਅਤੇ ‘ਓ ਸਾਕੀ.’ ਸੇਮ ਨਹੀਂ ਹਨ। ਦੋਵਾਂ ਦਾ ਸਟਾਈਲ ਅਤੇ ਵਾਈਬ ਅਲੱਗ ਹੈ।
* ਅਜਿਹੇ ਮਿਊਜ਼ਿਕ ਨੰਬਰਾਂ ਦੀ ਮੇਕਿੰਗ 'ਤੇ ਕਿੰਨੇ ਦਿਨ ਜਾਂਦੇ ਹਨ?
- ‘ਦਿਲਬਰ ਦਿਲਬਰ’ 'ਤੇ ਦੋ ਦਿਨ ਲੱਗੇ ਸਨ ਅਤੇ ਤਿੰਨ ਕਾਸਟਿਊਮ ਬਦਲੇ ਸਨ। ‘ਬਾਟਲਾ ਹਾਊਸ’ ਵਾਲੇ ਗੀਤ ਵਿੱਚ ਵੀ ਓਨਾ ਹੀ ਸਮਾਂ ਲੱਗਾ। ਇਹ ਬਿਹਤਰੀਨ ਗਾਣਾ ਹੈ।
* ਸਲਮਾਨ ਦੇ ਇਲਾਵਾ ਕਿਨ੍ਹਾਂ ਖਾਨ ਕਲਾਕਾਰਾਂ ਦੇ ਨਾਲ ਕੰਮ ਕਰਨਾ ਹੈ?
- ਮੈਂ ਸਾਰੇ ਖਾਨਸ ਨਾਲ ਕੰਮ ਕਰਨਾ ਚਾਹੁੰਦੀ ਹਾਂ। ਸਭ ਦੇ ਨਾਲ ਆਨਸਕਰੀਨ ਰੋਮਾਂਸ ਵੀ ਕਰਨਾ ਚਾਹਾਂਗੀ। ਉਨ੍ਹਾਂ ਸਭ ਦੇ ਨਾਲ ਕੰਮ ਕਰਨਾ ਬਹੁਤ ਮਾਣ ਦੀ ਗੱਲ ਹੈ।