ਕੁਝ ਦਿਨ ਪਹਿਲਾਂ ਖਬਰ ਆਈ ਸੀ ਕਿ ਦਬੰਗ ਸੀਰੀਜ਼ ਦੀ ਤੀਸਰੀ ਫਿਲਮ ‘ਦਬੰਗ 3’ ਸੋਨਾਕਸ਼ੀ ਸਿਨਹਾ ਦੇ ਇਲਾਵਾ ਇੱਕ ਹੋਰ ਅਭਿਨੇਤਰੀ ਹੋਵੇਗੀ, ਪਰ ਉਸ ਸਮੇਂ ਨਾ ਉਸ ਅਭਿਨੇਤਰੀ ਦਾ ਨਾਂਅ ਸਾਹਮਣੇ ਆਇਆ ਤੇ ਨਾ ਕੋਈ ਹੋਰ ਜਾਣਕਾਰੀ ਬਾਹਰ ਆਈ, ਪਰ ਆਖਰ ਵਿੱਚ ਇਹ ਸਾਫ ਹੋ ਗਿਆ ਕਿ ‘ਦਬੰਗ 3’ ਵਿੱਚ ਜਿਸ ਅਭਿਨੇਤਰੀ ਦੇ ਨਾਲ ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਰੋਮਾਂਸ ਕਰਨਗੇ, ਉਹ ਕੋਈ ਹੋਰ ਨਹੀਂ, ਡਾਇਰੈਕਟਰ ਅਤੇ ਕਲਾਕਾਰ ਮਹੇਸ਼ ਮਾਂਜਰੇਕਰ ਦੀ ਬੇਟੀ ਸਈ ਮਾਂਜਰੇਕਰ ਹੋਵੇਗੀ।
ਇਸ ਤੋਂ ਪਹਿਲਾਂ ਇਹ ਵੀ ਖਬਰ ਆਈ ਸੀ ਕਿ ਸਲਮਾਨ ਦੀ ਫਿਲਮ ਵਿੱਚ ਮਹੇਸ਼ ਮਾਂਜਰੇਕਰ ਦੀ ਵੱਡੀ ਬੇਟੀ ਅਸ਼ਵਾਮੀ ਮਾਂਜਰੇਕਰ ਨੂੰ ਮੌਕਾ ਮਿਲੇਗਾ, ਪਰ ਬਾਅਦ ਵਿੱਚ ਉਨ੍ਹਾਂ ਦੀ ਛੋਟੀ ਬੇਟੀ ਸਈ ਵਿੱਚ ਸਲਮਾਨ ਨੇ ਐਕਟਿੰਗ ਸਕਿੱਲ ਦੇਖੀ ਅਤੇ ਉਸ ਨੂੰ ਫਾਈਨਲ ਕਰ ਲਿਆ ਯਾਨੀ ਸਲਮਾਨ ਖਾਨ ਇੱਕ ਵਾਰ ਫਿਰ ਇੱਕ ਨਵੀਂ ਹੀਰੋਇਨ ਨੂੰ ਲਾਂਚ ਕਰਨ ਦਾ ਜਿੰਮਾ ਲੈ ਰਹੇ ਹਨ ਅਤੇ ‘ਦਬੰਗ 3’ ਤੋਂ ਹੀ ਅਜਿਹਾ ਸੰਭਵ ਹੋਵੇਗਾ।
ਇੱਕ ਸੂਤਰ ਨੇ ਦੱਸਿਆ ਕਿ ਸਈ ਮਾਂਜਰੇਕਰ ਸਲਮਾਨ ਨਾਲ ਰੋਮਾਂਟਿਕ ਜੋੜੀ ਵਿੱਚ ਨਜ਼ਰ ਆਏਗੀ। ਇਹ ਹੀ ਨਹੀਂ, ਸੂਤਰਾਂ ਨੇ ਇਹ ਵੀ ਦੱਸਿਆ ਕਿ ਸਲਮਾਨ ਅਤੇ ਸਈ 'ਤੇ ਇੱਕ ਗਾਣਾ ਫਿਲਮਾਇਆ ਜਾਏਗਾ। ਬਹਰਹਾਲ ‘ਦਬੰਗ 3’ ਦੇ ਨਾਲ ਜੁੜਨ ਵਾਲਾ ਨਵਾਂ ਨਾਂਅ ਕੇਵਲ ਸਈ ਦਾ ਨਹੀਂ, ਬਲਕਿ ਦੱਖਣ ਦੀ ਫਿਲਮਾਂ ਦੇ ਸੁਪਰਸਟਾਰ ਕਹੇ ਜਾਣ ਵਾਲੇ ਐਕਟਰ ਸੁਦੀਪ ਵੀ ਇਸ ਫਿਲਮ ਵਿੱਚ ਬਾਲੀਵੁੱਡ ਡੈਬਿਊ ਕਰਨਗੇ। ਉਨ੍ਹਾਂ ਦਾ ਕਿਰਦਾਰ ਸਟੀਰੀਓ ਟਾਈਪ ਵਿਲੇਨ ਦਾ ਹੋਵੇਗਾ, ਪਰ ਇਹ ਕਿਰਦਾਰ ਸਲਮਾਨ ਦੇ ਬਰਾਬਰ ਨਜ਼ਰ ਆਏਗਾ। ਸ਼ੁਰੂ ਵਿੱਚ ਉਹ ਸਕਾਰਾਤਮਕ ਭੂਮਿਕਾ ਵਿੱਚ ਨਜ਼ਰ ਆਉਣਗੇ, ਪਰ ਹਾਲਾਤ ਕੁਝ ਅਜਿਹੇ ਬਣਦੇ ਹਨ ਕਿ ਉਹ ਨਕਾਰਾਤਮਕ ਕਿਰਦਾਰ ਵਿੱਚ ਹੋ ਜਾਂਦੇ ਹਨ। ਇਹ ਫਿਲਮ ਅਗਲੇ ਸਾਲ 20 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ।