Welcome to Canadian Punjabi Post
Follow us on

26

June 2019
ਬ੍ਰੈਕਿੰਗ ਖ਼ਬਰਾਂ :
ਮੋਦੀ ਨੇ ਅੱਜ ਬਹੁਮਤ ਹਾਸਿਲ ਕੀਤਾ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਨਾਲੋਂ ਚੌਕੀਦਾਰ ਸ਼ਬਦ ਹਟਾ ਦਿੱਤਾ ਹੈ। ਇਸ ਬਾਰੇ ਉਨ੍ਹਾਂ ਨੇ ਟਵੀਟ ਕੀਤਾ ਹੈ। ਇਕ ਵਾਰ ਫਿਰ ਆਈ ਮੋਦੀ ਸਰਕਾਰ ਮੋਦੀ ਦੀ ਜਿੱਤ ਉੱਤੇ ਪਾਕਿਸਤਾਨ ਦੇ ਪ੍ਰਧਾਨਮੰਤਰੀ ਇਮਰਾਨ ਖਾਨ ਨੇ ਕੀਤਾ ਟਵੀਟਪਟਿਆਲਾ ਹਲਕੇ ਤੋਂ ਪਰਨੀਤ ਕੌਰ ਦੀ ਜਿੱਤ, ਰੱਖੜਾ ਦੀ ਹੋਈ ਹਾਰ ਜਲੰਧਰ ਹਲਕੇ ਤੋਂ ਸੰਤੋਖ ਚੌਧਰੀ ਦੀ ਜਿੱਤ, ਅਕਾਲੀ ਦਲ ਦੇ ਉਮੀਦਵਾਰ ਚਰਨਜੀਤ ਸਿੰਘ ਅਟਵਾਲ ਦੀ ਹੋਈ ਹਾਰ ਫਿਰੋਜ਼ਪੁਰ ਹਲਕੇ ਤੋਂ ਸੁਖਬੀਰ ਸਿੰਘ ਬਾਦਲ ਦੀ 2 ਲੱਖ ਤੋਂ ਵੱਧ ਵੋਟਾਂ ਨਾਲ ਜਿੱਤ, ਘੁਬਾਇਆ ਦੀ ਹੋਈ ਹਾਰ ਬਠਿੰਡਾ ਹਲਕੇ 'ਚੋਂ ਹਰਸਿਮਰਤ ਕੌਰ ਬਾਦਲ ਦੀ ਜਿੱਤ, ਰਾਜਾ ਵੜਿੰਗ ਦੀ ਹਾਰ ਖਡੂਰ ਸਾਹਿਬ ਹਲਕੇ ਤੋਂ ਜਸਬੀਰ ਸਿੰਘ ਡਿੰਪਾ ਦੀ 5365 ਵੋਟਾਂ ਨਾਲ ਜਿੱਤ, ਬੀਬੀ ਜਗੀਰ ਕੌਰ ਦੀ ਹਾਰ
ਅੰਤਰਰਾਸ਼ਟਰੀ

ਪਾਕਿ ਦੇ ਮਿੱਠੀ ਕਸਬੇ ਵਿੱਚ ਹਾਲੇ ਕਾਇਮ ਹੈ ਮਿਲਵੀਂ ਤਹਿਜ਼ੀਬ ਦੀ ਮਿਠਾਸ

October 11, 2018 07:26 AM

ਮਿੱਠੀ (ਪਾਕਿਸਤਾਨ), 10 ਅਕਤੂਬਰ (ਪੋਸਟ ਬਿਊਰੋ)- ਇਸ ਕਸਬੇ ਦੇ ਗਲੀ ਮੁਹੱਲਿਆਂ ਵਿੱਚ ਗਊਆਂ ਘੁੰਮਦੀਆਂ ਰਹਿੰਦੀਆਂ ਹਨ। ਹਿੰਦੂਆਂ ਲਈ ਪਵਿੱਤਰ ਪਸ਼ੂ ਮੰਨੀ ਜਾਂਦੀ ਗਊ ਸਹਿਣਸ਼ੀਲਤਾ ਦਾ ਪ੍ਰਤੀਕ ਮੰਨੀ ਜਾਂਦੀ ਹੈ। 95 ਫੀਸਦੀ ਮੁਸਲਿਮ ਆਬਾਦੀ ਵਾਲੇ ਕਿਸੇ ਦੇਸ਼ ਵਿੱਚ ਇਹ ਕੋਈ ਛੋਟੀ ਮੋਟੀ ਗੱਲ ਨਹੀਂ ਹੈ।
72 ਸਾਲਾ ਪੈਨਸ਼ਨਰ ਸ਼ਾਮ ਦਾਸ ਨੇ ਦੱਸਿਆ, ‘ਇਥੇ ਮੁਸਲਮਾਨ ਹਿੰਦੂਆਂ ਦੇ ਅਕੀਦੇ ਦਾ ਸਤਿਕਾਰ ਕਰਦੇ ਹਨ। ਉਹ ਗਊ ਹੱਤਿਆ ਨਹੀਂ ਕਰਦੇ, ਆਂਢ ਗੁਆਂਢ ਵਿੱਚ ਬਿਲਕੁਲ ਵੀ ਨਹੀਂ।' ਦੇਸ਼ ਦੇ ਬਾਕੀ ਹਿੱਸਿਆਂ ਨਾਲੋਂ ਮਿੱਠੀ ਦੀਆਂ ਗਊਆਂ ਸਿਹਤਮੰਦ ਹਨ। ਉਹ ਕੁਝ ਵੀ ਖਾ ਲੈਂਦੀਆਂ ਹਨ ਤੇ ਅਕਸਰ ਕੂੜੇਦਾਨਾਂ ਵਿੱਚ ਵੀ ਮੂੰਹ ਮਾਰ ਲੈਂਦੀਆਂ ਤੇ ਰੱਜ ਕੇ ਸੜਕਾਂ ਕੰਢੇ ਬਹਿ ਜਾਂਦੀਆਂ ਹਨ। ਆਟੋ ਰਿਕਸ਼ਿਆਂ ਤੇ ਮੋਟਰ ਸਾਈਕਲ ਚਾਲਕਾਂ ਨੂੰ ਬਚ ਬਚਾਅ ਕੇ ਲੰਘਣਾ ਪੈਂਦਾ ਹੈ। ਮਿੱਠੀ ਕਸਬੇ ਦੀ ਆਬਾਦੀ 60 ਹਜ਼ਾਰ ਹੈ, ਜਿਥੇ ਹਿੰਦੂਆਂ ਦੀ ਬਹੁ ਗਿਣਤੀ ਹੈ। ਇਥੋਂ ਦੇ ਸ੍ਰੀ ਕ੍ਰਿਸ਼ਨਾ ਮੰਦਰ ਵਿੱਚ ਜਦੋਂ ਕੋਈ ਸ਼ਰਧਾਲੂ ਜਾਂਦਾ ਹੈ ਤਾਂ ਸਭ ਤੋਂ ਪਹਿਲਾਂ ਟੱਲੀ ਖੜਕਾਉਂਦਾ ਹੈ ਜਿਸ ਦੀ ਸੁਰ ਆਜ਼ਾਨ ਨਾਲ ਮੇਲ ਖਾਂਦੀ ਹੈ। ਮੰਦਰ ਦੇ ਬਾਹਰ ਨੌਜਵਾਨ ਹਿੰਦੂ ਸ਼ਰਧਾਲੂਆਂ ਦੀ ਇਕ ਟੋਲੀ ਮੰਦਰ ਦੀਆਂ ਕੰਧਾਂ 'ਤੇ ਕੀਤੀ ਰੰਗਾਂ ਦੀ ਛਹਿਬਰ ਦੀ ਗੱਲ ਕਰਦੀ ਹੈ। ਇਸ ਮੰਦਰ ਦੇ ਬਾਹਰ ਕੋਈ ਸੁਰੱਖਿਆ ਕਰਮੀ ਨਹੀਂ ਹੁੰਦਾ, ਪਰ ਇਥੋਂ ਕਰੀਬ 300 ਕਿਲੋਮੀਟਰ ਦੂਰ ਕਰਾਚੀ ਦੇ ਚੱਪੇ-ਚੱਪੇ ਉੱਤੇ ਸੁਰੱਖਿਆ ਦਸਤੇ ਮਿਲਦੇ ਹਨ। ਕਰਾਚੀ ਦੇ ਇਕ ਹਿੰਦੂ ਪੁਜਾਰੀ ਵਿਜੈ ਕੁਮਾਰ ਗਿਰ ਨੇ ਕਿਹਾ ਕਿ ਕਰਾਚੀ ਵਿੱਚ ਕਰੀਬ 360 ਮੰਦਰ ਸਨ ਜਿਨ੍ਹਾਂ 'ਚੋਂ ਦਰਜਨ ਭਰ ਮੰਦਰਾਂ ਦੇ ਕਿਵਾੜ ਖੁੱਲ੍ਹਦੇ ਹਨ। ਬਾਕੀ ਬੰਦ ਹਨ ਤੇ ਉਨ੍ਹਾਂ ਦੀਆਂ ਜ਼ਮੀਨਾਂ 'ਤੇ ਨਾਜਾਇਜ਼ ਕਬਜ਼ੇ ਕੀਤੇ ਹੋਏ ਹਨ।
ਪਾਕਿਸਤਾਨ ਮਨੁੱਖੀ ਅਧਿਕਾਰ ਕਮਿਸ਼ਨ ਦੀ ਅਫਸਰ ਮਾਰਵੀ ਸਿਰਮਦ ਨੇ ਦੱਸਿਆ ਕਿ ਦੇਸ਼ ਵਿੱਚ ਨੁਮਾਇੰਦਗੀ ਦੇ ਪੱਖ ਤੋਂ ਹਿੰਦੂਆਂ ਲਈ ਹਾਲਾਤ ਸੁਖਾਵੇਂ ਨਹੀਂ, ਜਿਥੇ ਉਨ੍ਹਾਂ ਨੂੰ ਅਕਸਰ ਉਨ੍ਹਾਂ ਦੇ ਧਰਮ ਕਰਕੇ ਆਮ ਹੀ ਭਾਰਤ ਪੱਖੀ ਕਰਾਰ ਦੇ ਦਿੱਤਾ ਜਾਂਦਾ ਹੈ। ਸਰਕਾਰੀ ਏਜੰਸੀਆਂ ਉਨ੍ਹਾਂ ਨੂੰ ਸ਼ੱਕ ਨਾਲ ਦੇਖਦੀਆਂ ਹਨ। ਕਮਿਸ਼ਨ ਦੀ ਤਾਜ਼ਾ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਜੇ ਹਿੰਦੂਆਂ ਖਿਲਾਫ ਵਿਤਕਰਾ ਜਾਰੀ ਰਿਹਾ ਤਾਂ ਉਨ੍ਹਾਂ ਦੀ ਭਾਰਤ ਨੂੰ ਹਿਜਰਤ ਤੇਜ਼ ਹੋ ਸਕਦੀ ਹੈ।
ਪੈਂਤੀ ਕੁ ਸਾਲਾਂ ਦੇ ਕਾਰੋਬਾਰੀ ਸੁਨੀਲ ਕੁਮਾਰ ਨੇ ਕਿਹਾ ਕਿ ਮਿੱਠੀ ਦੇ ਹਿੰਦੂ ਇਸ ਗੱਲੋਂ ਪੂਰੀ ਤਰ੍ਹਾਂ ਸੰਤੁਸ਼ਟ ਹਨ ਤੇ ਸਾਰੇ ਫਿਰਕੇ ਮਿਲ ਕੇ ਰਹਿੰਦੇ ਹਨ, ਪਰ ਕੁਝ ਲੋਕਾਂ ਨੂੰ ਡਰ ਹੈ ਕਿ ਕਿਤੇ ਬਾਕੀ ਦੇਸ਼ ਦੇ ਸਮੁੱਚੇ ਖਿੱਤੇ ਵਿੱਚ ਚੱਲ ਰਹੀ ਤੁਅੱਸਬ ਦੀ ਹਨੇਰੀ ਮਿੱਠੀ ਦੀ ਹਵਾ ਵਿੱਚ ਜ਼ਹਿਰ ਨਾ ਘੋਲ ਦੇਵੇ। ਇਸ ਸ਼ਹਿਰ ਦੀ ਮਿਲਵੀਂ ਤਹਿਜ਼ੀਬ ਸਦੀਆਂ ਪੁਰਾਣੀ ਹੈ ਤੇ ਇਹ ਖਿੱਤਾ ਰਾਜਸਥਾਨ ਦੇ ਥਾਰਪਰਕਾਰ ਰੇਗਿਸਤਾਨ ਦੇ ਕੰਢੇ 'ਤੇ ਸਥਿਤ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ