Welcome to Canadian Punjabi Post
Follow us on

11

December 2019
ਅੰਤਰਰਾਸ਼ਟਰੀ

ਪੋਰਨ ਸਟਾਰ ਸਟਾਰਮੀ ਨੂੰ ਮੋਟੀ ਰਕਮ ਦੇਣ ਵਿੱਚ ਟਰੰਪ ਖੁਦ ਵੀ ਸ਼ਾਮਲ ਸੀ

July 19, 2019 10:38 PM

ਵਾਸ਼ਿੰਗਟਨ, 19 ਜੁਲਾਈ (ਪੋਸਟ ਬਿਊਰੋ)- ਪੋਰਨ ਸਟਾਰ ਸਟਾਰਮੀ ਡੇਨੀਅਲਜ਼ ਦੇ ਕੇਸ ਵਿੱਚ ਨਵੇਂ ਖ਼ੁਲਾਸੇ ਹੋਣ ਨਾਲ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਇੱਕ ਨਵੇਂ ਸਿਆਸੀ ਪੁਆੜੇ ਵਿੱਚ ਫਸ ਸਕਦੇ ਹਨ। ਅਦਾਲਤ ਵਿੱਚ ਪੇਸ਼ ਕੀਤੇ ਦਸਤਾਵੇਜ਼ਾਂ ਤੋਂ ਜ਼ਾਹਰ ਹੁੰਦਾ ਹੈ ਕਿ ਸਾਲ 2016 ਦੀ ਰਾਸ਼ਟਰਪਤੀ ਚੋਣ ਦੇ ਪ੍ਰਚਾਰ ਵੇਲੇ ਸਟਾਰਮੀ ਡੇਨੀਅਲਜ਼ ਨੂੰ ਮੂੰਹ ਬੰਦ ਰੱਖਣ ਦੇ ਬਦਲੇ ਮੋਟੀ ਰਕਮ ਦੇਣ ਵਿੱਚ ਡੋਨਾਲਡ ਟਰੰਪ ਖੁਦ ਵੀ ਸਿੱਧੇ ਤੌਰ ਉੱਤੇ ਸ਼ਾਮਲ ਸਨ।
ਵਰਨਣ ਯੋਗ ਹੈ ਕਿ ਸਟਾਰਮੀ ਡੇਨੀਅਲਜ਼ ਨੇ ਦਾਅਵਾ ਕੀਤਾ ਸੀ ਕਿ 2006 ਵਿੱਚ ਉਸ ਦੇ ਡੋਨਾਲਡ ਟਰੰਪ ਦੇ ਨਾਲ ਨਿੱਜੀ ਸਬੰਧ ਸਨ। ਇਸ ਕੇਸ ਵਿੱਚ ਡੋਨਾਲਡ ਟਰੰਪ ਦੇ ਸਾਬਕਾ ਵਕੀਲ ਮਾਈਕਲ ਕੋਹੇਨ ਨੇ ਪਿਛਲੇ ਸਾਲ ਅਗਸਤ ਵਿੱਚ ਆਪਣਾ ਜੁਰਮ ਮੰਨਦੇ ਹੋਏ ਕਿਹਾ ਸੀ ਕਿ ਉਨ੍ਹਾਂ ਨੇ ਟਰੰਪ ਦੇ ਕਹਿਣ ਉੱਤੇ ਸਟਾਰਮੀ ਨੂੰ ਭੁਗਤਾਨ ਕੀਤਾ ਸੀ, ਪਰ ਉਦੋਂ ਸਾਫ ਨਹੀਂ ਸੀ ਹੋਇਆ ਕਿ ਇਸ ਵਿੱਚ ਟਰੰਪ ਦੀ ਵੀ ਸਿੱਧੀ ਭੂਮਿਕਾ ਸੀ ਜਾਂ ਨਹੀਂ। ਮੈਨਹਟਨ ਦੇ ਜੱਜ ਵਿਲੀਅਮ ਪਾਉਲੇ ਦੇ ਆਦੇਸ਼ ਉੱਤੇ ਵੀਰਵਾਰ ਨੂੰ ਇਸ ਕੇਸ ਨਾਲ ਜੁੜੇ ਦਸਤਾਵੇਜ਼ ਜਾਰੀ ਕੀਤੇ ਗਏ। ਇਸ ਤੋਂ ਜ਼ਾਹਰ ਹੋਇਆ ਕਿ ਸਟਾਰਮੀ ਡੇਨੀਅਲਜ਼ ਨੂੰ ਭਾਰੀ ਰਕਮ ਦੇ ਭੁਗਤਾਨ ਵਿੱਚ ਡੋਨਾਲਡ ਟਰੰਪ ਵੀ ਕੋਹੇਨ ਦੇ ਸੰਪਰਕ ਵਿੱਚ ਸਨ। ਅਕਤੂਬਰ 2016 ਵਿੱਚ ਸਟਾਰਮੀ ਨੂੰ ਇਕ ਲੱਖ 30 ਹਜ਼ਾਰ ਡਾਲਰ ਦਿੱਤੇ ਗਏ ਸਨ। ਵਕੀਲ ਮਾਈਕਲ ਕੋਹੇਨ ਨੇ ਸਟਾਰਮੀ ਨੂੰ ਇਹ ਰਕਮ ਦੇਣ ਤੋਂ ਪਹਿਲਾਂ ਫੋਨ ਉੱਤੇ ਦੋ ਵਾਰ ਟਰੰਪ ਨਾਲ ਗੱਲ ਕੀਤੀ ਸੀ। ਇਸ ਤੋਂ ਕਰੀਬ 30 ਮਿੰਟ ਬਾਅਦ ਕੋਹੇਨ ਨੇ ਸਟਾਰਮੀ ਡੇਨੀਅਲਜ਼ ਨੂੰ ਰਕਮ ਦੇਣ ਵਾਸਤੇ ਬੈਂਕ ਖਾਤਾ ਖੁੱਲ੍ਹਵਾਇਆ ਸੀ। ਭੁਗਤਾਨ ਤੋਂ ਪਿੱਛੋਂ ਕੋਹੇਨ ਨੇ ਟਰੰਪ ਨਾਲ ਫਿਰ ਗੱਲ ਕੀਤੀ ਸੀ। ਇਨ੍ਹਾਂ ਦਸਤਾਵੇਜ਼ਾਂ ਤੋਂ ਇਹ ਪਤਾ ਨਹੀਂ ਲੱਗਦਾ ਕਿ ਉਨ੍ਹਾਂ ਨੇ ਫੋਨ ਉੱਤੇ ਕੀ ਕਿਹਾ ਸੀ? ਇਸ ਨਵੇਂ ਖ਼ੁਲਾਸੇ ਦੇ ਉਲਟ ਟਰੰਪ ਕਈ ਵਾਰ ਕਹਿ ਚੁੱਕੇ ਹਨ ਕਿ ਉਨ੍ਹਾਂ ਨੂੰ ਕੋਹੇਨ ਵੱਲੋਂ ਕੀਤੇ ਕਿਸੇ ਭੁਗਤਾਨ ਦੀ ਜਾਣਕਾਰੀ ਨਹੀਂ। ਦਸਤਾਵੇਜ਼ਾਂ ਵਿੱਚ ਵਕੀਲਾਂ ਨੇ ਕਿਹਾ ਕਿ ਇਹ ਜਾਂਚ ਰਾਸ਼ਟਰਪਤੀ ਚੋਣ ਦੌਰਾਨ ਮੂੰਹ ਬੰਦ ਰੱਖਣ ਲਈ ਦੋ ਔਰਤਾਂ ਨੂੰ ਕੀਤੇ ਗਏ ਰਕਮ ਦੇ ਭੁਗਤਾਨ ਉੱਤੇ ਕੇਂਦਰਤ ਸੀ। ਇਨ੍ਹਾਂ ਔਰਤਾਂ ਨੇ ਡੋਨਾਲਡ ਟਰੰਪ ਨਾਲ ਅਫੇਅਰ ਦਾ ਦਾਅਵਾ ਕੀਤਾ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਹਾਂਗਕਾਂਗ 'ਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੇ ਛੇ ਮਹੀਨੇ ਪੂਰੇ ਹੋਣ 'ਤੇ ਲੋਕਾਂ ਵੱਲੋਂ ਮਾਰਚ
ਮੈਕਸੀਕੋ ਦੇ ਰਾਸ਼ਟਰਪਤੀ ਪੈਲੇਸ ਨੇੜੇ ਗੋਲ਼ੀਬਾਰੀ, ਚਾਰ ਦੀ ਮੌਤ
ਰਾਸ਼ਟਰਪਤੀ ਉਮੀਦਵਾਰੀ ਦੀ ਦੌੜ 'ਚ ਬਿਡੇਨ ਸਭ ਤੋਂ ਅੱਗੇ
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਨੇ ਕਿਹਾ: ਮੈਂ ਭਾਰਤ ਨਾਲ ਹਾਂ, ਭਾਰਤ ਤੇ ਹਿੰਦੂ ਵਿਰੋਧੀ ਭਾਵਨਾਵਾਂ ਬਰਦਾਸ਼ਤ ਨਹੀਂ ਕਰਾਂਗੇ
ਕਸ਼ਮੀਰ ਮਾਮਲਾ ਭਾਰਤੀ ਮੂਲ ਦੀ ਅਮਰੀਕੀ ਐੱਮ ਪੀ ਵੱਲੋਂ ਭਾਰਤ ਸਰਕਾਰ ਦੀਆਂ ਪਾਬੰਦੀਆਂ ਵਿਰੁੱਧ ਮਤਾ ਪੇਸ਼
ਚੀਨ ਨੇ ਅਮਰੀਕੀ ਡਿਪਲੋਮੈਟਾਂ ਉੱਤੇ ਜਵਾਬੀ ਪਾਬੰਦੀਆਂ ਲਾਈਆਂ
ਸੁਰੱਖਿਆ ਦੇ ਸਾਂਝੇ ਖਤਰੇ ਨਾਲ ਨਜਿੱਠਣ ਲਈ ਡੋਨਾਲਡ ਟਰੰਪ ਦੀ ਅਪੀਲ
ਸੁਡਾਨ ਵਿੱਚ ਫੈਕਟਰੀ ਵਿੱਚ ਅੱਗ, 18 ਭਾਰਤੀਆਂ ਸਣੇ 23 ਮੌਤਾਂ
ਚੀਨੀ ਮਰਦਾਂ ਨੂੰ ਵਿਆਹ ਦੇ ਬਹਾਨੇ 629 ਪਾਕਿ ਕੁੜੀਆਂ ਵੇਚੀਆਂ ਗਈਆਂ
ਡੋਨਾਲਡ ਟਰੰਪ ਦਾ ਸਹੀ ਸਵਾਗਤ ਨਾ ਕਰਨ ਉੱਤੇ ਮਹਾਰਾਣੀ ਨੇ ਧੀ ਨੂੰ ਝਿੜਕਿਆ