Welcome to Canadian Punjabi Post
Follow us on

12

December 2019
ਭਾਰਤ

ਏਅਰ ਇੰਡੀਆ ਦਾ ਭੋਗ ਪਾਉਣ ਦਾ ਕੰਮ ਤੇਜ਼ ਹੋਣ ਲੱਗਾ

July 19, 2019 10:32 AM

* ਵਿਕਰੀ ਕਮੇਟੀ ਵਿੱਚ ਅਮਿਤ ਸ਼ਾਹ ਸ਼ਾਮਲ, ਗਡਕਰੀ ਪਾਸੇ

ਨਵੀਂ ਦਿੱਲੀ, 18 ਜੁਲਾਈ, (ਪੋਸਟ ਬਿਊਰੋ)- ਭਾਰਤ ਦੀ ਕੇਂਦਰ ਸਰਕਾਰ ਦੇ ਇੱਕ ਨਵੇਂ ਫੈਸਲੇ ਮੁਤਾਬਕਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅੱਗੇ ਤੋਂ ਏਅਰ ਇੰਡੀਆ ਦੇ ਪ੍ਰਾਈਵੇਟਾਈਜ਼ੇਸ਼ਨ ਵਾਸਤੇ ਬਣਾਏ ਗਰੁੱਪ ਦੀ ਅਗਵਾਈ ਕਰਨਗੇ। ਸੜਕੀ ਆਵਾਜਾਈ ਮੰਤਰੀ ਨਿਤਿਨ ਗਡਕਰੀ ਨੂੰ ਇਸ ਗਰੁੱਪ ਤੋਂ ਕੱਢ ਦਿੱਤਾ ਗਿਆ ਹੈ।
ਜਾਣਕਾਰ ਸੂਤਰਾਂ ਨੇ ਅੱਜ ਵੀਰਵਾਰ ਨੂੰ ਦੱਸਿਆ ਕਿ ਨਵਾਂ ਗਰੁੱਪ ਏਅਰ ਇੰਡੀਆ ਦੀ ਵਿਕਰੀ ਦੇ ਤੌਰ-ਤਰੀਕੇ ਤੈਅ ਕਰੇਗਾ, ਜਿਸ ਵਿਚ 4 ਕੇਂਦਰੀ ਮੰਤਰੀ ਅਮਿਤ ਸ਼ਾਹ, ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ, ਵਪਾਰ ਤੇ ਰੇਲ ਮੰਤਰੀ ਪਿਊਸ਼ ਗੋਇਲ ਤੇ ਸਿਵਲ ਐਵੀਏਸ਼ਨ ਮੰਤਰੀ ਹਰਦੀਪ ਪੁਰੀ ਹੋਣਗੇ। ਏਅਰ ਇੰਡੀਆ ਦੀ ਵਿਕਰੀ ਲਈ ਮੰਤਰੀਆਂ ਦਾ ਗਰੁੱਪ ਪਹਿਲੀ ਵਾਰ ਜੂਨ 2017 ਵਿਚ ਬਣਾਇਆ ਸੀ। ਇਸ ਨੂੰ ਸਰਕਾਰ ਨੇ ਏਅਰ ਇੰਡੀਆ ਲਈ ਵਿਸ਼ੇਸ਼ ਬਦਲਵੇਂ ਪ੍ਰਬੰਧ ਵਾਲੇ ਗਰੁੱਪ ਦਾ ਨਾਮ ਦਿੱਤਾ ਹੈ। ਮੁੱਢ ਵਿੱਚ ਇਸ ਗਰੁੱਪ ਦੀ ਅਗਵਾਈ ਸਾਬਕਾ ਵਿੱਤ ਮੰਤਰੀ ਅਰੁਣ ਜੇਤਲੀ ਕਰ ਰਹੇ ਸਨ ਤੇ ਇਸ ਵਿਚ ਪੰਜ ਮੈਂਬਰ ਸਨ। ਭਾਜਪਾ ਦੇ ਦੋਬਾਰਾਸੱਤਾ ਸਾਂਭੁਣ ਪਿੱਛੋਂ ਇਸ ਗਰੁੱਪ ਵਿੱਚ ਅਦਲਾ-ਬਦਲੀ ਕੀਤੀ ਗਈ ਤੇ ਨਿਤਿਨ ਗਡਕਰੀ ਇਸ ਦਾ ਹਿੱਸਾ ਨਹੀਂਰਹੇ। ਨਵੇਂ ਗਰੁੱਪ ਵਿਚ ਪੰਜਾਂ ਦੀ ਥਾਂ 4 ਮੈਂਬਰ ਹਨ।
ਆਪਣੇ ਪਹਿਲੇ ਰਾਜ ਵੇਲੇ ਨਰਿੰਦਰ ਮੋਦੀ ਸਰਕਾਰ ਨੇ 2018 ਵਿਚ ਏਅਰ ਇੰਡੀਆ ਵਿਚਲਾ 76 ਫੀਸਦੀ ਹਿੱਸਾ ਵੇਚਣ ਲਈ ਨਿਵੇਸ਼ਕਾਂ ਕੋਲੋਂਪੇਸ਼ਕਸ਼ਾਂ ਦੀ ਮੰਗ ਕੀਤੀ ਸੀ, ਪਰ ਇਹ ਪ੍ਰਕਿਰਿਆ ਅਜੇ ਤੱਕ ਸਫਲ ਨਹੀਂ ਹੋਈ, ਕਿਉਂਕਿ ਕਿਸੇ ਨੇ ਸੌਦੇ ਲਈ ਬੋਲੀਨਹੀਂ ਦਿੱਤੀ। ਇਸ ਤੋਂ ਬਾਅਦ ਸੌਦੇ ਲਈ ਰੱਖੇ ਸਲਾਹਕਾਰ ਈਵਾਈ ਨੇ ਇਸ ਬਾਰੇ ਰਿਪੋਰਟ ਬਣਾਈ ਕਿ ਵਿਕਰੀ ਦੀ ਪ੍ਰਕਿਰਿਆ ਅਸਫਲ ਕਿਉਂ ਰਹੀ ਹੈ। ਉਸ ਨੇ ਰਿਪੋਰਟ ਵਿਚ ਜਿਹੜੇ ਕਾਰਨ ਦੱਸੇ, ਉਹ ਸਰਕਾਰ ਵਲੋਂ 24 ਫੀਸਦੀ ਹਿੱਸਾ ਆਪਣੇ ਕੋਲ ਰੱਖਣਾ, ਉੱਚਾ ਕਰਜ਼ਾ, ਕੱਚੇ ਤੇਲ ਕੀਮਤਾਂ ਵਿਚ ਅਸਥਿਰਤਾ ਤੇ ਕਰੰਸੀ ਵਟਾਂਦਰਾ ਦਰਾਂ ਵਿੱਚ ਉਤਾਰ-ਚੜ੍ਹਾਅਦੇ ਸਨ। ਇਸ ਵਾਰ ਸਰਕਾਰ ਏਅਰ ਇੰਡੀਆ ਦਾ 100 ਫੀਸਦੀ ਹਿੱਸਾ ਵੇਚਣ ਦੀ ਪੇਸ਼ਕਸ਼ ਕਰ ਸਕਦੀ ਹੈ ਤੇ ਉਸ ਦਾ ਇਰਾਦਾ ਵਿਕਰੀ ਦੀ ਪ੍ਰਕਿਰਿਆ ਦਸੰਬਰ 2019 ਤੱਕ ਪੂਰੀ ਕਰਨ ਦਾ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਹਨੀਪ੍ਰੀਤ ਸਵਾ ਦੋ ਸਾਲਾਂ ਬਾਅਦ ਗੁਰਮੀਤ ਰਾਮ ਰਹੀਮ ਨੂੰ ਮਿਲੀ
ਵਿਰੋਧੀਆਂ ਦੇ ਇਤਰਾਜ਼ ਅਤੇ ਪ੍ਰਦਰਸ਼ਨਾਂ ਵਿਚਾਲੇ ਨਾਗਰਿਕਤਾ ਸੋਧ ਬਿੱਲ ਪੇਸ਼ ਅਤੇ ਪਾਸ
ਦਿੱਲੀ ਵਿੱਚ ਭਿਆਨਕ ਅਗਨੀਕਾਂਡ, 43 ਮੌਤਾਂ, ਫੈਕਟਰੀ ਮਾਲਕ ਗ੍ਰਿਫਤਾਰ
ਸਵਾਮੀ ਨਿਤਿਆਨੰਦ ਦਾ ਪਾਸਪੋਰਟ ਭਾਰਤ ਸਰਕਾਰ ਵੱਲੋਂ ਰੱਦ
ਉਨਾਵ ਦੀ ਸਮੂਹਕ ਬਲਾਤਕਾਰ ਪੀੜਤਾ ਨੇ ਦਿੱਲੀ ਹਸਪਤਾਲ ਵਿੱਚ ਦਮ ਤੋੜਿਆ
ਅਦਾਲਤਾਂ ਤੋਂ ਬਾਹਰ ਜਾ ਕੇ ਨਿਆਂ ਕਰਨਾ ਗਲਤ, ਪਰ ਪੁਲਸ ਨੂੰ ਆਪਣੇ ਉਤੇ ਹਮਲੇ ਤੋਂ ਬਚਾਅ ਕਰਨ ਦਾ ਪੂਰਾ ਅਧਿਕਾਰ: ਕੈਪਟਨ
ਊਧਵ ਠਾਕਰੇ ਸਰਕਾਰ ਵੱਲੋਂ ਭਾਜਪਾ ਅਤੇ ਆਰ ਐੱਸ ਐੱਸ ਉੱਤੇ ਹਮਲਾ ਸ਼ੁਰੂ
ਦਿੱਲੀ ਕਤਲੇਆਮ ਬਾਰੇ ਮਨਮੋਹਨ ਸਿੰਘ ਦੇ ਖੁਲਾਸੇ ਨਾਲ ਸਨਸਨੀ
ਕੇਜਰੀਵਾਲ ਦਾ ਐਲਾਨ ਦਿੱਲੀ ਵਾਸੀਆਂ ਨੂੰ ਵਾਈ-ਫਾਈ ਮੁਫ਼ਤ ਮਿਲੇਗਾ
ਸਾਬਕਾ ਖਜ਼ਾਨਾ ਮੰਤਰੀ ਚਿਦਾਂਬਰਮ 106 ਦਿਨ ਪਿੱਛੋਂ ਤਿਹਾੜ ਜੇਲ ਤੋਂ ਨਿਕਲਿਆ