ਲੰਡਨ, 10 ਅਕਤੂਬਰ (ਪੋਸਟ ਬਿਊਰੋ)- ਵਿਗਿਆਨੀਆਂ ਨੇ ਇਕ ਨਵੀਂ ਖੋਜ `ਚ ਪਤਾ ਲਾਇਆ ਹੈ ਕਿ ਲੋਕ ਔਸਤਨ 5000 ਚਿਹਰੇ ਹੀ ਯਾਦ ਰੱਖ ਸਕਦੇ ਹਨ। ਬ੍ਰਿਟੇਨ ਦੀ ਯਾਰਕ ਯੂਨੀਵਰਸਿਟੀ ਦੇ ਖੋਜਕਾਰਾਂ ਨੇ ਆਪਣੇ ਪ੍ਰਯੋਗ ਨਾਲ ਇਹ ਜਾਨਣਾ ਚਾਹਿਆ ਕਿ ਕੋਈ ਵਿਅਕਤੀ ਆਪਣੇ ਜ਼ਿੰਦਗੀ ਵਿੱਚ ਮੀਡੀਆ ਵਿੱਚ ਦੇਖੇ ਗਏ ਚਿਹਰਿਆਂ ਦੇ ਨਾਲ ਹੀ ਮਸ਼ਹੂਰ ਚਿਹਰਿਆਂ ਵਿੱਚੋਂ ਕਿੰਨੇ ਚਿਹਰਿਆਂ ਨੂੰ ਯਾਦ ਰੱਖ ਸਕਦਾ ਹੈ।
‘ਪ੍ਰੋਸੀਡਿੰਗਸ ਆਫ ਦ ਰੀਅਲ ਸੋਸਾਈਟੀ ਬੀ` ਮੈਗਜ਼ੀਨ ਵਿੱਚ ਛਪੀ ਖੋਜ ਵਿੱਚ ਇਕ ਆਧਾਰ ਪੇਸ਼ ਕਰਾਇਆ ਗਿਆ ਹੈ, ਜਿਸ ਵਿੱਚ ਮਨੁੱਖ ਦੇ ਚਿਹਰੇ ਦੀ ਤੁਲਨਾ ਚਿਹਰੇ ਪਛਾਨਣ ਵਾਲੇ ਸਾਫਟਵੇਅਰ ਨਾਲ ਕੀਤੀ ਗਈ ਹੈ। ਇਨ੍ਹਾਂ ਤਕਨੀਕਾਂ ਦੀ ਵਰਤੋਂ ਏਅਰਪੋਰਟ ਉੱਤੇ ਪੁਲਸ ਜਾਂਚ `ਚ ਕੀਤੀ ਜਾਂਦੀ ਹੈ। ਯਾਰਕ ਯੂਨੀਵਰਸਿਟੀ ਦੇ ਰੋਬ ਜੇਨਕਿਨਸ ਦੇ ਮੁਤਾਬਕ ਸਾਡਾ ਅਧਿਐਨ ਇਸ ਗੱਲ `ਤੇ ਕੇਂਦ੍ਰਿਤ ਸੀ ਕਿ ਲੋਕ ਅਸਲ ਵਿੱਚ ਕਿੰਨੇ ਚਿਹਰੇ ਪਛਾਣ ਸਕਦੇ ਹਨ। ਸਾਨੂੰ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਕਿ ਮਨੁੱਖ ਕਿੰਨੇ ਚਿਹਰੇ ਪਛਾਣ ਸਕਦਾ ਹੈ। ਰਿਸਰਚ `ਚ ਭਾਗੀਦਾਰਾਂ ਨੂੰ ਇਕ ਘੰਟੇ `ਚ ਉਨ੍ਹਾਂ ਲੋਕਾਂ ਨੇ ਨਾਮ ਲਿਖਣ ਦੇ ਲਈ ਕਿਹਾ ਗਿਆ, ਜੋ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੇ ਹਨ। ਇਨ੍ਹਾਂ `ਚ ਸਕੂਲ, ਕਾਲਜ, ਸਹਿਯੋਗੀ ਤੇ ਪਰਿਵਾਰ ਵਾਲੇ ਸ਼ਾਮਲ ਹਨ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਮਸ਼ਹੂਰ ਹਸਤੀਆਂ ਜਿਵੇਂ ਅਦਾਕਾਰ, ਨੇਤਾ ਆਦੀ ਦੇ ਨਾਮ ਲਿਖਣ ਨੂੰ ਕਿਹਾ ਗਿਆ। ਭਾਗੀਦਾਰਾਂ ਨੂੰ ਪਹਿਲਾਂ ਤਾਂ ਕਾਫੀ ਚਿਹਰੇ ਯਾਦ ਆਏ ਪਰ ਘੰਟੇ ਦੇ ਅਖੀਰ `ਚ ਉਨ੍ਹਾਂ ਨੂੰ ਚਿਹਰੇ ਯਾਦ ਕਰਨ `ਚ ਮੁਸ਼ਕਲ ਆਈ। ਉਨ੍ਹਾਂ ਨੇ ਕਿਹਾ ਕਿ ਨਤੀਜੇ ਦੱਸਦੇ ਹਨ ਕਿ ਭਾਗੀਦਾਰ 1 ਹਜ਼ਾਰ ਤੋਂ 10 ਹਜ਼ਾਰ ਦੇ ਵਿਚਾਲੇ ਚਿਹਰੇ ਪਛਾਣ ਸਕਦੇ ਹਨ।