ਅੰਮ੍ਰਿਤਸਰ, 18 ਜੁਲਾਈ (ਪੋਸਟ ਬਿਊਰੋ)- ਪਾਕਿਸਤਾਨ ਸਰਕਾਰ ਵੱਲੋਂ ਆਪਣਾ ਅਸਮਾਨੀ ਰੂਟ ਖੋਲ੍ਹ ਦੇਣ ਨਾਲ ਜਿੱਥੇ ਏਅਰ ਇੰਡੀਆ ਅਤੇ ਹੋਰ ਏਅਰਲਾਈਨਾਂ ਨੂੰ ਵੀ ਭਾਰੀ ਆਰਥਿਕ ਲਾਭ ਹੋ ਸਕਦਾ ਹੈ ਅਤੇ ਅੰਮ੍ਰਿਤਸਰ ਤੋਂ ਬੰਦ ਹੋ ਚੁੱਕੀ ਅੰਮ੍ਰਿਤਸਰ-ਦਿੱਲੀ-ਬਰਮਿੰਘਮ ਸਿੱਧੀ ਉਡਾਣ ਫਿਰ ਸ਼ੁਰੂ ਹੋਣ ਲੱਗੀ ਹੈ, ਉਥੇ ਗੁਰੂ ਰਾਮਦਾਸ ਅੰਤਰਰਾਸ਼ਟਰੀ ਹਵਾਈ ਅੱਡਾ ਅੰਮ੍ਰਿਤਸਰ ਤੋਂ ਉਡਾਣ ਲੈਣ ਵਾਲੀਆਂ ਕਈ ਏਅਰਲਾਈਨਸ ਨੂੰ ਇਸ ਦਾ ਸਿੱਧਾ ਲਾਭ ਹੋਵੇਗਾ।
ਨਵੀਂ ਦਿੱਲੀ ਦੇ ਉੱਚ ਪੱਧਰੀ ਸੂਤਰਾਂ ਤੋਂ ਪਤਾ ਲੱਗਾ ਹੈ ਕਿ ਤਿੰਨ ਮਹੀਨੇ ਪਹਿਲਾਂ ਬੰਦ ਹੋ ਚੁੱਕੀ ਏਅਰ ਇੰਡੀਆ ਦੀ ਸਿੱਧੀ ਬਰਮਿੰਘਮ ਦੀ ਉਡਾਣ 15 ਅਗਸਤ ਤੋਂ ਬਾਅਦ ਫਿਰ ਸ਼ੁਰੂ ਹੋ ਜਾਵੇਗੀ ਕਿਉਂਕਿ ਏਅਰਸਪੇਸ ਖੁੱਲ੍ਹਣ ਦੇ ਨਾਲ ਇਸ ਉਡਾਣ ਦਾ ਰੂਟ ਸਿੱਧਾ ਹੋ ਜਾਵੇਗਾ, ਜਿਸ ਨਾਲ ਸਮੇਂ ਦੀ ਬੱਚਤ ਹੋਵੇਗੀ ਅਤੇ ਹੋਰ ਖਰਚੇ ਅਤੇ ਫਿਊਲ ਦੀ ਲਾਗਤ ਵੀ ਘੱਟ ਹੋਵੇਗੀ। ਦੂਜੇ ਪਾਸੇ ਅੰਮ੍ਰਿਤਸਰ ਦੇ ਹਵਾਈ ਯਾਤਰੀਆਂ ਨੂੰ ਵੀ ਲਾਭ ਹੋਵੇਗਾ। ਅੰਮ੍ਰਿਤਸਰ ਏਅਰਪੋਰਟ ਵੱਲੋਂ ਤੁਰਕਮੇਨਿਸਤਾਨ ਦੀ ਅਸ਼ਗਾਬਾਤ ਦੀ ਉਡਾਣ, ਉਜ਼ੇਬਿਕਸਤਾਨ ਏਅਰਲਾਈਨਸ ਦੀ ਤਾਸ਼ਕੰਦ ਦੀ ਉਡਾਣ ਦੇ ਨਾਲ ਹ ਿਦੁਬਈ ਦੀ ਏਅਰ ਇੰਡੀਆ ਐਕਸਪ੍ਰੈਸ, ਸਪਾਈਸ ਜੈੱਟ ਏਅਰਲਾਈਨਸ ਅਤੇ ਇੰਡੀਗੋ ਏਅਰਲਾਈਨਸ ਦੀਆਂ ਸਾਰੀਆਂ ਉਡਾਣਾਂ ਨੂੰ ਵੀ ਇਸ ਦਾ ਆਰਥਿਕ ਰੂਪ ਨਾਲ ਲਾਭ ਮਿਲੇਗਾ ਅਤੇ ਸਮਾਂ ਵੀ ਬਚੇਗਾ।