ਬੀਤੇ ਕੁਝ ਦਿਨਾਂ ਤੋਂ ਸ਼ਰਧਾ ਕਪੂਰ ਅਤੇ ਉਸ ਦੇ ਬੁਆਏ ਫ੍ਰੈਂਡ ਰੋਹਨ ਸ਼੍ਰੇਸ਼ਠਾ ਦੇ ਵਿਆਹ ਦੀਆਂ ਖਬਰਾਂ ਚਰਚਾ ਵਿੱਚ ਹਨ। ਚਰਚਾ ਸੀ ਕਿ ਦੋਵੇਂ ਅਗਲੇ ਸਾਲ ਵਿਆਹ ਕਰ ਸਕਦੇ ਹਨ, ਪਰ ਸੁਣਿਆ ਜਾ ਰਿਹਾ ਹੈ ਕਿ ਸ਼ਰਧਾ ਦੇ ਪਿਤਾ ਸ਼ਕਤੀ ਕਪੂਰ ਨਹੀਂ ਚਾਹੰੁਦੇ ਕਿ ਸ਼ਰਧਾ ਜਲਦੀ ਵਿਆਹ ਕਰੇ। ਉਹ ਚਾਹੁੰਦੇ ਹਨ ਕਿ ਸ਼ਰਧਾ ਅਜੇ ਘੱਟ ਤੋਂ ਘੱਟ ਦੋ-ਤਿੰਨ ਸਾਲ ਹੋਰ ਕੰਮ ਕਰੇ। ਸ਼ਕਤੀ ਕਹਿੰਦੇ ਹਨ ਕਿ ਜੇ ਸ਼ਰਧਾ ਦਾ ਵਿਆਹ ਹੋ ਰਿਹਾ ਹੈ ਤਾਂ ਆਸ਼ਾ ਕਰਦਾ ਹਾਂ ਕਿ ਮੈਨੂੰ ਉਸ ਦਾ ਸੱਦਾ ਜ਼ਰੂਰ ਮਿਲੇਗਾ। ਸ਼ਰਧਾ ਤੇ ਪੂਰੇ ਪਰਵਾਰ ਵਿੱਚ ਹਾਲੇ ਇਹ ਚਰਚਾ ਨਹੀਂ ਹੋਈ। ਅਸੀਂ ਕਦੇ ਉਸ ਦੇ ਵਿਆਹ ਬਾਰੇ ਕੋਈ ਗੱਲ ਹੀ ਨਹੀਂ ਕੀਤੀ। ਉਹ ਅਜੇ ਕਾਫੀ ਛੋਟੀ ਹੈ ਅਤੇ ਉਸ ਨੂੰ ਘੱਟ ਤੋਂ ਘੱਟ ਦੋ ਤਿੰਨ ਸਾਲ ਬਾਅਦ ਇਸ ਬਾਰੇ ਵਿੱਚ ਸੋਚਣਾ ਚਾਹੀਦੈ।
ਆਪਣੇ ਵਿਆਹ ਬਾਰੇ ਸ਼ਕਤੀ ਕਹਿੰਦੇ ਹਨ, ‘‘ਵਿਆਹ ਦੇ ਮਾਮਲੇ ਵਿੱਚ ਅਸੀਂ ਕਦੇ ਕੁਝ ਤੈਅ ਨਹੀਂ ਕਰ ਸਕਦੇ। ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਮੇਰਾ ਵਿਆਹ ਜਲਦੀ ਹੋਵੇਗਾ, ਪਰ ਹੋ ਗਿਆ। ਸ਼ਰਧਾ ਦੀ ਗੱਲ ਕਰੀਏ ਤਾਂ ਉਸ ਦਾ ਇਹ ਸਾਲ ਤੇ ਅਗਲਾ ਸਾਲ ਵੀ ਰੁਝੇਵਿਆਂ ਭਰਿਆ ਹੋਵੇਗਾ, ਇਸ ਲਈ ਉਸ ਕੋਲ ਸਮਾਂ ਵੀ ਨਹੀਂ ਹੈ, ਅਸੀਂ ਸਭ ਘਰ ਵਾਲੇ ਉਸ ਦੇ ਵਿਆਹ ਦੀਆਂ ਖਬਰਾਂ ਨੂੰ ਇੰਜੁਆਏ ਕਰਦੇ ਹਾਂ। ਫਿਲਹਾਲ ਤਾਂ ਉਹ ਕਰੀਅਰ 'ਤੇ ਫੋਕਸ ਕਰ ਰਹੀ ਹੈ।” ਸ਼ਰਧਾ ਅਤ ਫੋਟੋਗਰਾਫਰ ਰੋਹਨ ਦੇ ਅਫੇਅਰ ਦੀਆਂ ਖਬਰਾਂ ਪਿਛਲੇ ਸਾਲ ਤੋਂ ਚੱਲ ਰਹੀਆਂ ਹਨ। ਕੁਝ ਹਫਤੇ ਪਹਿਲਾਂ ਦੋਵਾਂ ਦੀ ਇੱਕ ਦੂਸਰੇ ਦੇ ਨਾਲ ਵਿਦੇਸ਼ ਵਿੱਚ ਸਮੇਂ ਬਿਤਾਉਂਦੇ ਹੋਏ ਤਸਵੀਰਾਂ ਵੀ ਵਾਇਰਲ ਹੋਈਆਂ ਸਨ।