ਨਵੀਂ ਦਿੱਲੀ, 16 ਜੁਲਾਈ, (ਪੋਸਟ ਬਿਊਰੋ)- ਸਟਿਵਜ਼ਰਲੈਂਡ ਦੀ ਇੱਕ ਕੰਪਨੀ ਪਿਲਾਟਸ ਏਅਰਕ੍ਰਾਫਟ ਲਿਮਟਡ ਨਾਲ ਸਭ ਤਰ੍ਹਾਂ ਦੇ ਕਾਰੋਬਾਰ ਨੂੰ ਭਾਰਤ ਦੇ ਰੱਖਿਆ ਮੰਤਰਾਲੇ ਨੇ ਇਕ ਸਾਲ ਲਈ ਰੋਕ ਦਿੱਤਾ ਹੈ। ਕੰਪਨੀ ਉੱਤੇ ਭਾਰਤੀ ਏਅਰਫੋਰਸ ਲਈ 75 ਬੇਸਿਕ ਸਿਖਲਾਈ ਜਹਾਜ਼ਾਂ ਦੇ ਸੌਦੇ ਵਿੱਚ 339 ਕਰੋੜ ਰੁਪਏ ਦੀ ਦਲਾਲੀ ਦਾ ਦੋਸ਼ ਹੈ।
ਰੱਖਿਆ ਮੰਤਰਾਲੇ ਦੇ ਵਿਜੀਲੈਂਸ ਵਿਭਾਗ ਨੇ 12 ਜੁਲਾਈ ਨੂੰ ਜਾਰੀ ਕੀਤੇ ਹੁਕਮ ਵਿੱਚ ਕਿਹਾ ਹੈ ਕਿ ਪੀਸੀਆਈਪੀ ਦੀ ਉਲੰਘਣਾ ਕਰਨ ਲਈ ਪਿਲਾਟਸ ਨਾਲ ਸਭ ਤਰ੍ਹਾਂ ਦਾ ਕਾਰੋਬਾਰ ਇਕ ਸਾਲ ਜਾਂ ਅਗਲੇ ਹੁਕਮ ਤੱਕ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਇਸ ਹੁਕਮ ਵਿੱਚ ਕੰਪਨੀ ਵੱਲੋਂ‘ਭ੍ਰਿਸ਼ਟ ਵਿਹਾਰ, ਅਯੋਗ ਸਾਧਨ ਤੇ ਗ਼ੈਰ ਕਾਨੂੰਨੀ ਸਰਗਰਮੀਆਂ` ਅਪਣਾਉਣ ਦੇ ਦੋਸ਼ਾਂ ਵਿੱਚ ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ), ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ), ਦਿੱਲੀ ਪੁਲਿਸਅਤੇ ਆਮਦਨ ਟੈਕਸ ਵਿਭਾਗ ਦੀ ਜਾਂਚ ਦਾ ਜ਼ਿਕਰ ਵੀ ਕੀਤਾ ਗਿਆ ਹੈ।
ਵਰਨਣ ਯੋਗ ਹੈ ਕਿ 12 ਨਵੰਬਰ 2010 ਦੇ ਪੀਸੀਆਈ ਪੀ ਫਾਰਮੂਲੇ ਹੇਠ ਪਿਲਾਟਸ ਕੰਪਨੀ ਇਸ ਗੱਲ ਨਾਲ ਸਹਿਮਤ ਹੋਈ ਸੀ ਕਿ ਜੇ ਉਹ ਸੌਦੇ ਲਈ ਬੋਲੀ ਲਾਉਣ ਜਾਂ ਸਮਝੌਤੇ ਤੋਂ ਪਹਿਲਾਂ ਦੀ ਗੱਲਬਾਤ ਜਾਂ ਸਮਝੌਤਾ ਕਰਨ ਤੋਂ ਪਹਿਲਾਂ ਉਸ ਖ਼ਰੀਦਦਾਰ ਕੰਪਨੀ ਦੇ ਅਧਿਕਾਰੀਆਂ, ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ, ਏਜੰਟ, ਦਲਾਲ ਜਾਂ ਹੋਰ ਦਲਾਲਾਂਨੂੰ ਭੁਗਤਾਨ ਕਰਦੀ ਜਾਂ ਭੁਗਤਾਨ ਕਰਨ ਦਾ ਵਾਅਦਾ ਕਰਦੀ ਹੈ ਜਾਂ ਏਦਾਂ ਕਰਨ ਦਾ ਇਰਾਦਾ ਰੱਖਦੀ ਹੈ ਤਾਂ ਉਸਦੇ ਬਦਲੇ ਵਿੱਚ ਲਈ ਗਈ ਸੇਵਾ ਦੇ ਬਾਰੇ ਸਾਰੀ ਸੂਚਨਾਹਾਸਲ ਕਰਾਏਗੀ।ਬਾਅਦ ਵਿੱਚ ਰੱਖਿਆ ਮੰਤਰਾਲੇ ਨੂੰ ਰਿਪੋਰਟ ਮਿਲੀ ਕਿ ਇਸ ਕੰਪਨੀ ਨੇ ਸੌਦਾ ਕਾਮਯਾਬ ਬਣਾਉਣ ਲਈ ਇਕ ਕੰਪਨੀ ਤੋਂ ਜਵਾਬ ਮੰਗਿਆ ਸੀ। ਕੰਪਨੀ ਨੇ ਮੰਨਿਆ ਸੀ ਕਿ ਸੌਦੇ ਨੂੰ ਨਾਕਾਮ ਕਰਨ ਲਈ ਉਸ ਨੇ ਆਫਸੈਟ ਇੰਡੀਆ ਸਾਲਿਊਸ਼ਨਸ ਦੀ ਮਦਦ ਲਈ ਸੀ। ਇਹ ਭਗੌੜੇ ਹਥਿਆਰ ਦਲਾਲ ਸੰਜੇ ਭੰਡਾਰੀ ਦੀਕੰਪਨੀ ਹੈ। ਇਸ ਬਾਰੇ ਸਵਿਟਜ਼ਰਲੈਂਡ ਦੀ ਕੰਪਨੀ ਨੇ ਸਪਸ਼ਟੀਕਰਨ ਦਿੱਤਾ, ਪਰ ਰੱਖਿਆ ਮੰਤਰਾਲੇ ਨੇ ਕੰਪਨੀ ਦੇ ਜਵਾਬ ਨੂੰ ਤਸੱਲੀਬਖ਼ਸ਼ ਨਹੀਂ ਮੰਨਿਆ। ਸੀਬੀਆਈ ਨੇ ਇਸ ਸਾਲ 19 ਜੂਨ ਨੂੰ ਹਵਾਈ ਫ਼ੌਜ ਅਤੇ ਰੱਖਿਆ ਮੰਤਰਾਲੇ ਦੇ ਕੁਝ ਅਧਿਕਾਰੀਆਂ, ਸੰਜੇ ਭੰਡਾਰੀ ਤੇ ਪਿਲਾਟਸ ਕੰਪਨੀ ਦੇਖ਼ਿਲਾਫ਼ ਅਪਰਾਧਿਕ ਸਾਜ਼ਿਸ਼ਅਤੇ ਧੋਖਾਧੜੀ ਦਾਕੇਸ ਦਰਜ ਕੀਤਾ ਅਤੇ ਕਿਹਾ ਕਿ 2012 ਵਿੱਚ ਹੋਏ ਸੌਦੇ ਲਈ 339 ਕਰੋੜ ਰੁਪਏ ਦੀ ਰਿਸ਼ਵਤ ਦਿੱਤੀ ਗਈ ਸੀ।