Welcome to Canadian Punjabi Post
Follow us on

11

December 2019
ਭਾਰਤ

ਕਰੂਅ ਮੈਂਬਰ ਬਿਨਾਂ ਡਿਊਟੀ ਜਹਾਜ਼ ਦੇ ਕਾਕਪਿਟ ਵਿੱਚ ਯਾਤਰਾ ਨਹੀਂ ਕਰ ਸਕਣਗੇ

July 17, 2019 09:44 AM

ਨਵੀਂ ਦਿੱਲੀ, 16 ਜੁਲਾਈ (ਪੋਸਟ ਬਿਊਰੋ)- ਡੀ ਜੀ ਸੀ ਏ ਨੇ ਡਿਊਟੀ ਖਤਮ ਕਰ ਚੁੱਕੇ ਚਾਲਕ ਦਲ (ਕਰੂਅ) ਵੱਲੋਂ ਮੈਂਬਰਾਂ ਦੇ ਜਹਾਜ਼ ਦੇ ਕਾਕਪਿਟ ਵਿੱਚ ਯਾਤਰਾ ਕਰਨ 'ਤੇ ਪਾਬੰਦੀ ਲਾ ਦਿੱਤੀ ਹੈ। ਡਿਊਟੀ ਖਤਮ ਕਰ ਚੁੱਕੇ ਪਾਇਲਟ ਤੇ ਜਹਾਜ਼ ਮੇਨਟੇਨੈਂਸ ਇੰਜੀਨੀਅਰਾਂ ਨੂੰ ਵੀ ਯਾਤਰਾ ਦੌਰਾਨ ਕਾਕਪਿਟ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਡੀ ਜੀ ਸੀ ਏ ਨੇ ਇਹ ਹੁਕਮ ਉਸ ਘਟਨਾ ਦੇ ਬਾਅਦ ਦਿੱਤਾ ਹੈ, ਜਿਸ ਵਿੱਚ ਉਡਾਣ ਤੋਂ ਪਹਿਲਾਂ ਜਾਂਚ ਦੇ ਦੌਰਾਨ ਏਅਰ ਇੰਡੀਆ ਦੇ ਇੱਕ ਪਾਇਲਟ ਦੇ ਸ਼ਰਾਬ ਪੀਣ ਦੀ ਪੁਸ਼ਟੀ ਹੋਈ ਸੀ। ਡਿਊਟੀ ਖਤਮ ਕਰ ਚੁੱਕੇ ਇਸ ਪਾਇਲਟ ਨੇ ਜਹਾਜ਼ ਦੇ ਕਾਕਪਿਟ ਵਿੱਚ ਦਿੱਲੀ ਤੋਂ ਬੰਗਲੌਰ ਦੀ ਯਾਤਰਾ ਕਰਨੀ ਸੀ।
ਡਾਇਰੈਕਟਰ ਜਨਰਲ ਸਿਵਲ ਐਵੀਏਸ਼ਨ (ਡੀ ਜੀ ਸੀ ਏ) ਨੇ ਇਸ ਕੇਸ ਵਿੱਚ ਏਅਰ ਇੰਡੀਆ ਨੂੰ ਪਾਇਲਟ ਦੇ ਖਿਲਾਫ ਕਠੋਰ ਕਾਰਵਾਈ ਲਈ ਕਿਹਾ ਹੈ। ਉਸ ਨੇ ਕਿਹਾ ਕਿ ਡਿਊਟੀ ਖਤਮ ਕਰ ਚੁੱਕੇ ਜਾਂ ਛੁੱਟੀ ਗਏ ਅਧਿਕਾਰੀਆਂ ਦਾ ਇਹ ਕਾਰਾ 1997 ਦੇ ਐਰੋਨਾਟੀਕਲ ਇਨਫਰਮੇਸ਼ਨ ਸਰਕੂਲਰ (ਏ ਆਈ ਸੀ)-3 ਦੀ ਉਲੰਘਣਾ ਹੈ। ਆਪਣੇ ਹੁਕਮ ਵਿੱਚ ਡੀ ਜੀ ਸੀ ਏ ਨੇ ਕਿਹਾ, ਪਤਾ ਲੱਗਾ ਹੈ ਕਿ 1997 ਦੇ ਏ ਆਈ ਸੀ-3 ਦੇ ਆਪਰੇਸ਼ਨ ਮੈਨੂਅਲ ਪਾਰਟ-ਏ ਦੇ ਤਹਿਤ ਪਾਇਲਟ ਅਤੇ ਜਾਹਜ਼ ਮੇਨਟੇਨੈਂਸ ਇੰਜੀਨੀਅਰ ਡਿਊਟੀ ਦੇ ਬਾਅਦ ਜਾਂ ਛੁੱਟੀ 'ਤੇ ਹੋਣ ਦੀ ਸਥਿਤੀ ਵਿੱਚ ਜਹਾਜ਼ ਦੇ ਕਾਕਪਿਟ ਵਿੱਚ ਯਾਤਰਾ ਕਰਨ ਲਈ ਪ੍ਰਵਾਨਤ ਹਨ। 1997 ਦੇ ਏ ਆਈ ਸੀ-3 ਦੇ ਨਿਯਮਾਂ ਦੀ ਉਲੰਘਣਾ ਹੋਣ ਵਿੱਚ ਆਪਰੇਸ਼ਨ ਮੈਨੂਅਲ ਪਾਰਟ-ਏ ਨੂੰ ਤੁਰੰਤ ਪ੍ਰਭਾਵ ਨਾਲ ਰੱਦ ਕੀਤਾ ਜਾਂਦਾ ਹੈ। ਨਾਲ ਸਾਰੀਆਂ ਏਅਰਲਾਈਨ ਸੰਚਾਲਕਾਂ ਨੂੰ ਹੁਕਮ ਦਿੱਤਾ ਜਾਂਦਾ ਹੈ ਕਿ ਉਹ ਆਪਣੇ ਆਪਰੇਸ਼ਨ ਮੈਨੂਅਲ ਵਿੱਚ ਸੋਧ ਕਰਦੇ ਹੋਏ ਸ਼ਾਮਲ ਹੋਣ ਦੇ ਲਈ ਡੀ ਜੀ ਸੀ ਏ ਦੇ ਕੋਲ ਭੇਜਣ। ਡੀ ਜੀ ਸੀ ਏ ਨੇ ਬੀਤੇ ਦਿਨ ਏਅਰ ਇੰਡੀਆ ਨੂੰ ਉਸ ਪਾਇਲਟ ਦੇ ਖਿਲਾਫ ਸਖਤ ਤੋਂ ਸਖਤ ਕਾਰਵਾਈ ਦਾ ਨਿਰਦੇਸ਼ ਦਿੱਤਾ ਹੈ, ਜੋ ਸ਼ਰਾਬ ਜਾਂਚ ਵਿੱਚ ਦੋ ਵਾਰ ਫੇਲ੍ਹ ਪਾਇਆ ਜਾ ਚੁੱਕਾ ਹੈ। ਹਵਾਬਾਜ਼ੀ ਅਥਾਰਟੀ ਨੇ ਕਿਹਾ ਹੈ ਕਿ ਦੋਸ਼ੀ ਪਾਇਲਟ ਨੂੰ ਬਰਖਾਸਤ ਵੀ ਕੀਤਾ ਜਾ ਸਕਦਾ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਹਨੀਪ੍ਰੀਤ ਸਵਾ ਦੋ ਸਾਲਾਂ ਬਾਅਦ ਗੁਰਮੀਤ ਰਾਮ ਰਹੀਮ ਨੂੰ ਮਿਲੀ
ਵਿਰੋਧੀਆਂ ਦੇ ਇਤਰਾਜ਼ ਅਤੇ ਪ੍ਰਦਰਸ਼ਨਾਂ ਵਿਚਾਲੇ ਨਾਗਰਿਕਤਾ ਸੋਧ ਬਿੱਲ ਪੇਸ਼ ਅਤੇ ਪਾਸ
ਦਿੱਲੀ ਵਿੱਚ ਭਿਆਨਕ ਅਗਨੀਕਾਂਡ, 43 ਮੌਤਾਂ, ਫੈਕਟਰੀ ਮਾਲਕ ਗ੍ਰਿਫਤਾਰ
ਸਵਾਮੀ ਨਿਤਿਆਨੰਦ ਦਾ ਪਾਸਪੋਰਟ ਭਾਰਤ ਸਰਕਾਰ ਵੱਲੋਂ ਰੱਦ
ਉਨਾਵ ਦੀ ਸਮੂਹਕ ਬਲਾਤਕਾਰ ਪੀੜਤਾ ਨੇ ਦਿੱਲੀ ਹਸਪਤਾਲ ਵਿੱਚ ਦਮ ਤੋੜਿਆ
ਅਦਾਲਤਾਂ ਤੋਂ ਬਾਹਰ ਜਾ ਕੇ ਨਿਆਂ ਕਰਨਾ ਗਲਤ, ਪਰ ਪੁਲਸ ਨੂੰ ਆਪਣੇ ਉਤੇ ਹਮਲੇ ਤੋਂ ਬਚਾਅ ਕਰਨ ਦਾ ਪੂਰਾ ਅਧਿਕਾਰ: ਕੈਪਟਨ
ਊਧਵ ਠਾਕਰੇ ਸਰਕਾਰ ਵੱਲੋਂ ਭਾਜਪਾ ਅਤੇ ਆਰ ਐੱਸ ਐੱਸ ਉੱਤੇ ਹਮਲਾ ਸ਼ੁਰੂ
ਦਿੱਲੀ ਕਤਲੇਆਮ ਬਾਰੇ ਮਨਮੋਹਨ ਸਿੰਘ ਦੇ ਖੁਲਾਸੇ ਨਾਲ ਸਨਸਨੀ
ਕੇਜਰੀਵਾਲ ਦਾ ਐਲਾਨ ਦਿੱਲੀ ਵਾਸੀਆਂ ਨੂੰ ਵਾਈ-ਫਾਈ ਮੁਫ਼ਤ ਮਿਲੇਗਾ
ਸਾਬਕਾ ਖਜ਼ਾਨਾ ਮੰਤਰੀ ਚਿਦਾਂਬਰਮ 106 ਦਿਨ ਪਿੱਛੋਂ ਤਿਹਾੜ ਜੇਲ ਤੋਂ ਨਿਕਲਿਆ