* ਵਿਗਿਆਨੀਆਂ ਨੇ ਸਹੀ ਫ਼ੈਸਲਾ ਕਿਹਾ, ਨਵੀਂ ਤਰੀਕ ਦਾ ਐਲਾਨ ਛੇਤੀ
ਨਵੀਂ ਦਿੱਲੀ, 15 ਜੁਲਾਈ, (ਪੋਸਟ ਬਿਊਰੋ)- ਚੰਦ ਉੱਤੇ ਪਹੁੰਚਣ ਵਾਸਤੇ ਭਾਰਤ ਦੇ ਮਿਸ਼ਨ ਚੰਦਰਯਾਨ-2 ਦੀ ਲਾਂਚਿੰਗ ਨੂੰ ਇੱਕ ਅਣ-ਦੱਸੀ ਤਕਨੀਕੀ ਖ਼ਰਾਬੀ ਕਾਰਨ ਅੱਜ ਸੋਮਵਾਰ ਤੜਕੇ ਰੋਕ ਦਿੱਤਾ ਗਿਆ। ਇਹ ਸੋਮਵਾਰ ਤੜਕੇ 2:51 ਮਿੰਟ ਉੱਤੇ ਉਡਾਨ ਭਰਨ ਵਾਲਾ ਸੀ, ਪਰ ਤੈਅ ਸਮੇਂਤੋਂ 56 ਮਿੰਟ 24 ਸੈਕਿੰਡ ਪਹਿਲਾਂ ਤਕਨੀਕੀ ਖ਼ਰਾਬੀ ਕਾਰਨ ਇਸ ਦੀ ਲਾਂਚਿੰਗ ਟਾਲ ਦਿੱਤੀ ਗਈ। ਇਸ ਦੀ ਨਵੀਂ ਤਰੀਕ ਦਾ ਐਲਾਨ ਬਾਅਦ ਵਿੱਚ ਕੀਤਾ ਜਾਵੇਗਾ।
ਸਪੇਸ ਕੇਂਦਰ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਸੋਮਵਾਰ ਤੜਕੇ 1:54 ਮਿੰਟ ਤੇ 36 ਸੈਕਿੰਡ ਉੱਤੇ ਚੰਦਰਯਾਨ-2 ਮਿਸ਼ਨ ਦਾ ਕਾਊਂਟ ਡਾਊਨ ਜਦੋਂ ਰੋਕਿਆ ਗਿਆ,ਓਦੋਂ ਮਿਸ਼ਨ ਵਿੱਚ ਸਿਰਫ਼ 56 ਮਿੰਟ 24 ਸੈਕੰਡ ਬਾਕੀ ਸਨ। ਭਾਰਤ ਦੀ ਸਪੇਸ ਖੋਜ ਸੰਸਥਾ (ਈਸਰੋ)ਦੇ ਪਬਲਿਕ ਰਿਲੇਸ਼ਨ ਆਫਿਸਰ ਗੁਰੂਪ੍ਰਸਾਦ ਨੇ ਦੱਸਿਆ, ‘ਲਾਂਚ ਵ੍ਹੀਕਲ ਸਿਸਟਮ ਦੇ ਵਿੱਚ ਲਾਂਚਿੰਗ ਤੋਂ ਕਰੀਬ ਇਕ ਘੰਟਾ ਪਹਿਲਾਂ ਤਕਨੀਕੀ ਖ਼ਰਾਬੀ ਆ ਜਾਣ ਕਾਰਨ ਸਾਵਧਾਨੀ ਵਜੋਂ ਅੱਜ ਚੰਦਰਯਾਨ 2 ਦੀ ਲਾਂਚਿੰਗ ਟਾਲ ਦਿੱਤੀ ਗਈ ਹੈ। ਇਸ ਦੀ ਨਵੀਂ ਤਰੀਕ ਦਾ ਐਲਾਨ ਬਾਅਦ ਵਿੱਚ ਕੀਤਾ ਜਾਵੇਗਾ।`
ਇਸ ਬਾਰੇ ਪੁਲਾੜ ਵਿਗਿਆਨੀ ਗੌਹਰ ਰਜ਼ਾ ਨੇ ਕਿਹਾ ਕਿ ਇਹ ਵਿਗਿਆਨਕ ਫ਼ੈਸਲਾ ਹੈ, ਇਸ ਵਿੱਚ ਨਿਰਾਸ਼ ਹੋਣ ਦੀ ਕੋਈ ਲੋੜਨਹੀਂ, ਇਹ 70 ਸਾਲ ਦੇ ਤਜਰਬੇ ਦਾ ਨਤੀਜਾ ਹੈ ਕਿ ਤੈਅ ਸਮੇਂ ਵਿੱਚ ਖ਼ਰਾਬੀ ਫੜੀ ਗਈ। ਗੜਬੜ ਸਮਾਂ ਰਹਿੰਦੇ ਫੜ ਲੈਣਾ ਵੀ ਵੱਡੀ ਗੱਲ ਹੈ। ਵਿਗਿਆਨੀ ਛੇਤੀ ਹੀ ਇਸ ਮਿਸ਼ਨ ਰੋਕਣ ਦੀ ਵਿਸਥਾਰ ਨਾਲ ਜਾਣਕਾਰੀ ਦੇਣਗੇ। ਦੁਬਾਰਾ ਲਾਂਚ ਕਰਨ ਵਿੱਚਕਰੀਬ ਇਕ ਮਹੀਨਾ ਲੱਗ ਸਕਦਾ ਹੈ।