ਬਰੈਂਪਟਨ ਪੋਸਟ ਬਿਉਰੋ: ਕੈਨੇਡਾ ਦੀ ਫੈਡਰਲ ਸਰਕਾਰ ਵੱਲੋਂ ਪੀਲ ਮਲਟੀਕਲਰਚਲ ਕਾਉਂਸਲ ਨੂੰ ਥੋੜਾ ਸਮਾਂ ਪਹਿਲਾਂ ਫੰਡ ਦਿੱਤੇ ਗਏ ਸਨ ਜਿਹਨਾਂ ਦੀ ਬਦੌਲਤ ਬਰੈਂਪਟਨ ਅਤੇ ਮਿਸੀਸਾਗਾ ਵਿੱਚ ਕੰਪਿਊਟਰ ਦੀ ਮੁਢੱਲੀ ਜਾਣਕਾਰੀ ਪ੍ਰਦਾਨ ਕਰਨ ਲਈ ਮੁਫ਼ਤ ਕਲਾਸਾਂ ਸਫ਼ਲਤਾ ਨਾਲ ਚਲਾਈਆਂ ਜਾ ਰਹੀਆਂ ਹਨ। ਨਵੇਂ ਆਏ ਇੰਮੀਗਰਾਂਟ, ਸੀਨੀਅਰ ਅਤੇ ਜੋ ਲੋਕ ਘੱਟ ਵਿੱਦਿਆ ਕਾਰਣ ਕੰਪਿਊਟਰ ਅਤੇ ਇੰਟਰਨੈੱਟ ਸੇਵਾਵਾਂ ਦੀ ਬੁਨਿਆਦੀ ਜਾਣਕਾਰੀ ਨਹੀਂ ਰੱਖਦੇ, ਉਹਨਾਂ ਨੂੰ ਇਹਨਾਂ ਕਲਾਸਾਂ ਵਿੱਚ ਪਹਿਲ ਦੇ ਆਧਾਰ ਉੱਤੇ ਦਾਖਲਾ ਦਿੱਤਾ ਜਾਂਦਾ ਹੈ।
ਕੰਪਿਊਟਰ ਸਿਖਲਾਈ ਦੀ ਇੱਕ ਕਲਾਸ ਪੰਜਾਬੀ ਕਮਿਉਨਿਟੀ ਹੈਲਥ ਸਰਵਿਸਜ਼ ਦੇ ਬਰੈਂਪਟਨ ਵਿੱਚ 50 ਸੱਨੀ ਮੈਡੋਜ਼ ਬੂਲੇਵਾਰਡ ਉੱਤੇ ਸਥਿਤ ਦਫ਼ਤਰ ਵਿੱਚ ਹਰ ਸ਼ਨਿਚਰਵਾਰ ਸਵੇਰੇ ਸਾਢੇ ਨੌ ਵਜੇ ਤੋਂ ਸਾਢੇ ਬਾਰਾਂ ਵਜੇ ਤੱਕ ਲਾਈ ਜਾਂਦੀ ਹੈ। ਇਸ ਕਲਾਸ ਦੇ ਇਨਸਟਰਕਰ ਮਨਦੀਪ ਸਿੰਘ ਮੁਤਾਬਕ ਕੰਪਿਊਟਰ, ਇੰਟਰਨੈੱਟ ਸੇਵਾਵਾਂ ਅਤੇ ਆਈ ਪੈਡ ਆਦਿ ਦੀ ਜਾਣਕਾਰੀ ਨਾਲ ਹਰ ਕਿਸੇ ਨੂੰ ਲਾਭ ਹਾਸਲ ਹੋ ਸਕਦਾ ਹੈ। ਮਨਦੀਪ ਸਿੰਘ ਮੁਤਾਬਕ ਉਸਦੀ ਕਲਾਸ ਵਿੱਚ ਦਾਖਲ ਹੋਣ ਵਾਲੇ ਪੰਜਾਬੀ ਮੂਲ ਦੇ ਸੀਨੀਅਰ ਬਹੁਤ ਖੁਸ਼ ਮਹਿਸੂਸ ਕਰਦੇ ਹਨ ਕਿਉਂਕਿ ਕਲਾਸ ਨੂੰ ਅੰਗਰੇਜ਼ੀ ਅਤੇ ਪੰਜਾਬੀ ਵਿੱਚ ਲਾਇਆ ਜਾਂਦਾ ਹੈ। ਇਸ ਪ੍ਰੋਜੈਕਟ ਨਾਲ ਵਾਲੰਟੀਅਰ ਵਜੋਂ ਕੰਮ ਕਰ ਰਹੀ ਦਲਜਿੰਦਰ ਕੌਰ ਮੁਤਾਬਕ ਇਹ ਕਲਾਸਾਂ ਸਿੱਖਿਆਰਥੀਆਂ ਦੇ ਗਿਆਨ ਦਾ ਦਾਇਰਾ ਮੋਕਲਾ ਕਰਨ ਵਿੱਚ ਸਹਾਈ ਹੋ ਰਹੀਆਂ ਹਨ।
ਮਿਸੀਸਾਗਾ ਵਿੱਚ ਪੀਲ ਮਲਟੀਕਲਚਰਲ ਕਾਉਂਸਲ ਦੇ 6630 ਟਰਨਰ ਵੈਲੀ ਰੋਡ ਉੱਤੇ ਸਥਿਤ ਦਫ਼ਤਰ ਵਿੱਚ ਇਹ ਕਲਾਸਾਂ ਮੰਗਲਵਾਰ ਤੋਂ ਵੀਰਵਾਰ ਤੱਕ ਸਵੇਰੇ 9 ਵਜੇ ਤੋਂ 12 ਵਜੇ ਤੱਕ ਅਤੇ ਬਾਅਦ ਦੁਪਿਹਰ ਸਾਢੇ ਬਾਰਾਂ ਵਜੇ ਤੋਂ ਸਾਢੇ ਤਿੰਨ ਵਜੇ ਤੱਕ ਚੱਲ ਰਹੀਆਂ ਹਨ। ਵਧੇਰੇ ਜਾਣਕਾਰੀ ਲਈ ਇਸ ਪ੍ਰੋਜੈਕਟ ਦੇ ਕੋਆਰਡੀਨੇਟਰ ਨੂਮਨ ਤਰੀਨ ਨਾਲ 905-819-1144 ਦੀ ਐਕਸਟੈਨਸ਼ਨ 250 ਉੱਤੇ ਕਾਲ ਕੀਤੀ ਜਾ ਸਕਦੀ ਹੈ।