ਪੈਰਿਸ, 14 ਜੁਲਾਈ, (ਪੋਸਟ ਬਿਊਰੋ)- ਫਰਾਂਸ ਦੇ ਰਾਸ਼ਟਰਪਤੀ ਐਮੈਨੁਏਲ ਮੈਕਰੋਨ ਨੇ ਅੱਜ ਐਤਵਾਰ ਨੂੰ ਸਾਲਾਨਾ ਬੈਸਟੀਲ ਦਿਵਸ ਪਰੇਡ ਵਿੱਚ ਯੂਰਪ ਦੇ ਨਾਲ ਫੌਜੀ ਸਹਿਯੋਗ ਦਾ ਪ੍ਰਦਰਸ਼ਨ ਕੀਤਾ, ਪਰ ਪਰੇਡ ਤੋਂ ਬਾਅਦ ਪੁਲਸ ਅਤੇ ਪ੍ਰਦਰਸ਼ਨ ਕਰਦੇ ਲੋਕਾਂ ਵਿਚਾਲੇ ਹਿੰਸਕ ਝੜਪ ਹੋ ਗਈ। ਅੱਜ ਦੀ ਇਹ ਪਰੇਡਫਰਾਂਸ ਦੇ ਰਾਸ਼ਟਰਪਤੀ ਮੈਕਰੋਨ ਦੇ ਨਾਲਜਰਮਨੀ ਦੀ ਚਾਂਸਲਰ ਏਂਜਲਾ ਮਰਕੇਲ, ਨੀਦਰਲੈਂਡ ਦੇ ਪ੍ਰਧਾਨ ਮੰਤਰੀ ਮਾਰਕ ਨੇ ਵੀ ਦੇਖੀ ਤੇ ਇਸ ਪਰੇਡ ਵਿੱਚਨੌਂ ਹੋਰ ਯੂਰਪੀ ਫੌਜਾਂ ਦੇ ਨੁਮਾਇੰਦੇ ਵੀ ਆਏ ਹੋਏ ਸਨ। ਉਂਜ ਫਰਾਂਸ ਦੇ ਰਾਸ਼ਟਰੀ ਦਿਵਸ ਦੇ ਜਸ਼ਨ ਦਾ ਰੰਗ ਪਰੇਡ ਤੋਂ ਬਾਅਦ ਪ੍ਰਦਰਸ਼ਨ ਕਰਦੇ ਲੋਕਾਂ ਅਤੇ ਪੁਲਸ ਵਿਚਾਲੇ ਝੜਪਾਂ ਦੇ ਕਾਰਨ ਥੋੜ੍ਹਾ ਫਿੱਕਾ ਪੈ ਗਿਆ।
ਮਿਲੀਆਂ ਖਬਰਾਂ ਅਨੁਸਾਰ ਅੱਜ ਦੀ ਝੜਪ ਨਾਲ ਇਸ ਸਾਲ ਦੇ ਸ਼ੁਰੂ ਵਿੱਚ ‘ਯੈਲੋ ਵੈਸਟ` ਪ੍ਰਦਰਸ਼ਨ ਵੇਲੇ ਹੋਈ ਹਿੰਸਾ ਦੀਆਂ ਯਾਦਾਂ ਤਾਜ਼ਾ ਹੋ ਗਈਆਂ। ਪੁਲਸ ਨੇ ਪਰੇਡ ਵਾਲੇ ਸਥਾਨ ਤੋਂ ਪ੍ਰਦਰਸ਼ਨ ਕਰਦੇ ਲੋਕਾਂ ਨੂੰ ਕੱਢਣ ਲਈ ਅੱਥਰੂ ਗੈਸ ਦੇ ਗੋਲੇ ਛੱਡੇ। ਅੱਗੋਂ ਲੋਕਾ ਨੇ ਵੀ ਸੁਰੱਖਿਆ ਬੈਰੀਅਰ ਤੋੜ ਦਿੱਤੇ ਅਤੇ ਡਸਟ ਬਿਨ ਅਤੇ ਟਾਇਲੇਟਸ ਨੂੰ ਅੱਗ ਲਾ ਦਿੱਤੀ, ਜਿਸ ਕਾਰਨ ਹਾਲਾਤ ਕਾਬੂ ਤੋਂ ਬਾਹਰ ਹੋਣ ਲੱਗ ਪਏ।
ਇਸ ਤੋਂ ਪਹਿਲਾਂ ਨੈਸ਼ਨਲ ਡੇਅ ਪਰੇਡ ਬਿਨਾਂ ਕਿਸੇ ਰੁਕਾਵਟ ਦੇ ਖਤਮ ਹੋਈ ਸੀ, ਜਿਸ ਵਿੱਚ ਸੁਰੱਖਿਆ ਫੋਰਸਾਂਦੇ 4300 ਤੋਂਵੱਧ ਮੈਂਬਰਾਂ ਵੱਲੋਂਸ਼ਾਨਦਾਰ ਮਾਰਚ ਕੀਤਾ ਗਿਆ ਸੀ। ਰਾਸ਼ਟਰਪਤੀ ਮੈਕਰੋਨ ਨੇ ਫਰਾਂਸ ਦੇ ਚੀਫ ਆਫ ਸਟਾਫ ਜਨਰਲ ਫ੍ਰਾਂਕੋਈ ਲਿਕੋਂਤ੍ਰੇ ਨਾਲ ਇਕ ਖੁਲ੍ਹੀ ਕਾਰ ਵਿੱਚ ਬੈਠ ਕੇ ਪਰੇਡ ਦਾ ਨਿਰੀਖਣ ਕੀਤਾ ਸੀ।
ਪਤਾ ਲੱਗਾ ਹੈ ਕਿ ਇਸ ਪਰੇਡ ਮੌਕੇ ਹੋਈ ਹਿੰਸਾ ਤੋਂ ਬਾਅਦ ਇਸ ਅੰਦੋਲਨ ਦੇ ਦੋ ਵੱਡੇ ਮੈਂਬਰਾਂ ਜੇਰੋਮ ਰੋਡ੍ਰਿਗਸ ਤੇ ਮੈਕੀਸਮ ਨਿਕੋਲੀ ਨੂੰ ਪੁਲਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਪੈਰਿਸ ਦੇ ਅਧਿਕਾਰੀਆਂ ਦੇਮੁਤਾਬਕ ਇਹ ਝੜਪ ਹੋਣਤੋਂ ਪਹਿਲਾਂ 152 ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ।