ਇਸਲਾਮਾਬਾਦ, 12 ਜੁਲਾਈ, (ਪੋਸਟ ਬਿਊਰੋ)- ਪਾਕਿਸਤਾਨ ਸਰਕਾਰ ਦੇਹਵਾਬਾਜ਼ੀ ਬਾਰੇ ਸੈਕਟਰੀ ਸ਼ਾਹਰੁਖ ਨੁਸਰਤ ਨੇ ਇਕ ਪਾਰਲੀਮੈਂਟਰੀ ਕਮੇਟੀ ਸਾਹਮਣੇ ਬੋਲਦੇ ਹੋਏਕਿਹਾ ਕਿ ਉਹ ਭਾਰਤ ਦੀਆਂ ਵਪਾਰਕ ਉਡਾਣਾਂ ਲਈ ਉਦੋਂ ਤੱਕ ਆਪਣਾ ਹਵਾਈ ਖੇਤਰ ਨਹੀਂ ਖੋਲ੍ਹਣਗੇ, ਜਦੋਂ ਤੱਕ ਭਾਰਤੀ ਏਅਰ ਫੋਰਸ ਦੇ ਐਡਵਾਂਸਡ ਏਅਰਬੇਸ ਉੱਤੇ ਲਿਆਂਦੇਹੋਏ ਲੜਾਕੂ ਜਹਾਜ਼ਾਂ ਨੂੰ ਭਾਰਤ ਸਰਕਾਰ ਪਿੱਛੇ ਨਹੀਂ ਹਟਾ ਲੈਂਦੀ।
ਵਰਨਣ ਯੋਗ ਹੈ ਕਿ ਪਿਛਲੇ ਫਰਵਰੀ ਵਿੱਚ ਜੰਮੂ-ਕਸ਼ਮੀਰ ਦੇ ਪੁਲਵਾਮਾ ਵਿੱਚ ਸੀ ਆਰ ਪੀ ਐੱਫ ਕਾਫਲੇ ਉੱਤੇ ਹੋਏ ਅੱਤਵਾਦੀ ਹਮਲੇ ਪਿੱਛੋਂਭਾਰਤੀ ਏਅਰਫੋਰਸਵੱਲੋਂ ਪਾਕਿਸਤਾਨੀ ਕੰਟਰੋਲ ਵਾਲੇ ਬਾਲਾਕੋਟ ਵਿਚ ਜੈਸ਼-ਏ-ਮੁਹੰਮਦ ਦੇ ਅੱਡਿਆਂ ਉੱਤੇ ਕੀਤੇ ਹਮਲੇ ਪਿੱਛੋਂ ਪਾਕਿਸਤਾਨ ਨੇ 26 ਫਰਵਰੀ ਨੂੰ ਆਪਣਾ ਹਵਾਈ ਖੇਤਰ ਬੰਦ ਕਰ ਦਿੱਤਾ ਸੀ।
ਡਾਨ ਨਿਊਜ਼ ਦੀ ਖਬਰ ਮੁਤਾਬਕ ਪਾਕਿਸਤਾਨ ਦੇ ਹਵਾਬਾਜ਼ੀ ਸੈਕਟਰੀ ਸ਼ਾਹਰੁਖ ਨੁਸਰਤ ਨੇ ਹਵਾਬਾਜ਼ੀਦੇ ਸੰਬੰਧਸੈਨੇਟ ਦੀ ਸਟੈਂਡਿੰਗ ਕਮੇਟੀ ਨੂੰ ਦੱਸਿਆ ਕਿ ਉਨ੍ਹਾਂ ਦੇ ਵਿਭਾਗ ਨੇ ਭਾਰਤੀਅਧਿਕਾਰੀਆਂ ਨੂੰ ਸੂਚਨਾ ਦਿੱਤੀ ਹੈ ਕਿ ਸਾਡਾ ਹਵਾਈ ਖੇਤਰ ਸਿਵਲ ਭਾਰਤੀ ਜਹਾਜ਼ਾਂਲਈ ਉਦੋਂ ਤੱਕ ਨਹੀਂਖੁੱਲ੍ਹੇਗਾ, ਜਦੋਂ ਤੱਕ ਕਿ ਭਾਰਤ ਦੇ ਐਡਵਾਂਸ ਏਅਰਬੇਸਾਂਤੋਂਲੜਾਕੂ ਜਹਾਜ਼ਨਹੀਂ ਹਟਾਏ ਜਾਂਦੇ। ਸ਼ਾਹਰੁਖ ਨੁਸਰਤ ਨੇ ਕਮੇਟੀ ਨੂੰ ਦੱਸਿਆ ਕਿ ਭਾਰਤ ਸਰਕਾਰ ਨੇ ਸੰਪਰਕ ਕਰਕੇ ਹਵਾਈ ਖੇਤਰ ਖੋਲ੍ਹਣ ਦੀ ਅਪੀਲ ਕੀਤੀ ਸੀ, ਅਸੀਂ ਉਨ੍ਹਾਂ ਨੂੰ ਆਪਣੀ ਇਸ ਚਿੰਤਾ ਬਾਰੇ ਦੱਸ ਦਿੱਤਾ ਹੈ ਕਿ ਪਹਿਲਾਂ ਉਨ੍ਹਾਂ ਨੂੰਆਪਣੇ ਐਡਵਾਂਸ ਏਅਰਬੇਸਾਂ ਉੱਤੋਂ ਆਪਣੇ ਲੜਾਕੂ ਜਹਾਜ਼ਾਂ ਨੂੰ ਪਿੱਛੇ ਹਟਾਉਣਾ ਚਾਹੀਦਾ ਹੈ।