ਮਿਸੀਸਾਗਾ, 11 ਜੁਲਾਈ (ਪੋਸਟ ਬਿਊਰੋ)- ਕੈਨਸਿਖ ਕਲਚਰਲ ਸਂੈਟਰ ਵੱਲੋਂ ਆਪਣਾ ਸਲਾਨਾ ਟੂਰਨਾਮੈਂਟ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਵਾਈਲਡਵੁਡ ਪਾਰਕ ਵਿਚ ਇਸ ਵੀਕੈਂਡ ਕਰਵਾਇਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਵਿਚ ਸਾਕਰ, ਵਾਲੀਬਾਲ, ਬਾਸਕਿਟਬਾਲ, ਰੱਸਾਕਸੀ, ਅਥਲੈਟਿਕਸ ਤੇ ਭਾਰ ਚੁੱਕਣ ਦੇ ਮੁਕਾਬਲੇ ਹੋਣਗੇ। ਦੋ ਰੋਜ਼ਾ ਟੂਰਨਾਮੈਂਟ ਐਤਵਾਰ ਸ਼ਾਮ ਨੂੰ ਮੇਲੇ ਦਾ ਰੂਪ ਧਾਰ ਲਵੇਗਾ। ਇਸ ਮੇਲੇ ਵਿਚ ਵੱਖ ਵੱਖ ਕਲਾਕਾਰ ਜਿਨ੍ਹਾਂ ਵਿਚ ਭੁਪਿੰਦਰ ਗਿੱਲ, ਬਲਜਿੰਦਰ ਰਿੰਪੀ, ਧੀਰਾ ਗਿੱਲ ਅਤੇ ਗਲਵ ਵੜੈਚ ਆਪਣੀ ਕਲਾ ਦਾ ਮੁਜਾਹਰਾ ਕਰਨਗੇ। ਸੀਨੀਅਰ ਕਲੱਬਾਂ ਵਲੋਂ ਦਿਲਚਸਪੀ ਨਾ ਦਿਖਾਏ ਜਾਣ ਕਾਰਨ ਬਾਬਿਆਂ ਲਈ ਰੱਖੀਆਂ ਗਈਆਂ ਕੁੱਝ ਆਈਟਮਾਂ ਨੂੰ ਤਬਦੀਲ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਸਵੀਪ ਦੇ ਮੁਕਾਬਲੇ ਕਰਵਾਏ ਜਾਣਗੇ। ਇਸ ਸੀਜਨ ਵਿਚ ਟੋਰਾਂਟੋ ਦੀ ਧਰਤੀ ਉਤੇ ਇਹ ਪਹਿਲਾ ਟੂਰਨਾਮੈਂਟ ਹੋਣ ਜਾ ਰਿਹਾ ਹੈ। ਜਿਸ ਵਿਚ ਕਬੱਡੀ ਦੇ ਵੀ ਸ਼ੋਅ ਮੈਚ ਕਰਵਾਏ ਜਾਣਗੇ। ਜਿਕਰਯੋਗ ਹੈ ਕਿ ਇਹ ਮੇਲਾ ਬਿਲਕੁਲ ਮੁਫਤ ਹੈ। ਇਸ ਵਿਚ ਗੁਰੂ ਗੋਬਿੰਦ ਸਿੰਘ ਚਿਲਡਰਨ ਫਾਊਂਡੇਸਨ ਵਲੋਂ ਰੈਕਸਡੇਲ ਦੀ ਸਿੱਖ ਸੰਗਤ, ਵਾਵਾ ਟਰਾਂਸਪੋਰਟ ਅਤੇ ਪਿਕਾਸੋ ਟਰਾਂਸਪੋਰਟ ਵਲੋਂ ਰੋਟੀ ਪਾਣੀ ਦਾ ਪੂਰਾ ਬੰਦੋਬਸਤ ਕੀਤਾ ਜਾਵੇਗਾ। ਇਸ ਟੂਰਨਾਮੈਟ ਦੀ ਹੋਰ ਜਾਣਕਾਰੀ ਲਈ ਸ਼ੇਰ ਦਲਜੀਤ ਸਿੰਘ ਢਿੱਲੋਂ ਨਾਲ 416-716-2568 ਉਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।