ਮਿਹਨਤੀ ਟਾਈਗਰ ਟਾਈਗਰ ਸ਼ਰਾਫ ਨੇ ਆਪਣਾ ਕਰੀਅਰ ਚਮਕਾਉਣ 'ਤੇ ਖੂਬ ਮਿਹਨਤ ਕੀਤੀ ਹੈ, ਚਾਹੇ ਇਹ ਉਸ ਦੀ ਫਿਟਨੈਸ ਹੋਵੇ ਜਾਂ ਐਕਟਿੰਗ, ਉਸ ਨੇ ਇਸ ਨੂੰ ਨਿਖਾਰਨ 'ਤੇ ਮਿਹਨਤ ਕੀਤੀ ਹੈ ਤੇ ਅੱਜ ਉਸ ਦੀ ਮਿਹਨਤ ਰੰਗ ਲਿਆ ਰਹੀ ਹੈ। ਪਿੱਛੇ ਜਿਹੇ ਟਾਈਗਰ ਨੇ ਕਿਹਾ ਕਿ ਉਸ ਨੂੰ ਜੈਕੀ ਸ਼ਰਾਫ ਦਾ ਬੇਟਾ ਹੋਣ 'ਤੇ ਮਾਣ ਮਹਿਸੂਸ ਹੁੰਦਾ ਹੈ, ਪਰ ਉਹ ਇੰਨੀ ਮਿਹਨਤ ਕਰਨਾ ਚਾਹੁੰਦਾ ਹੈ ਕਿ ਲੋਕ ਉਸ ਦੇ ਪਿਤਾ ਨੂੰ ਟਾਈਗਰ ਸ਼ਰਾਫ ਦੇ ਪਿਤਾ ਦੇ ਰੂਪ 'ਚ ਜਾਣਨ। ਇਹ ਇਕ ਕੰਮ ਮੈਂ ਕਰਨਾ ਹੈ। ਉਸ ਨੇ ਕਿਹਾ ਕਿ ਫਿਲਮ ਜਗਤ ਵਿੱਚ ਕਦਮ ਰੱਖਣ ਤੋਂ ਬਾਅਦ ਇਕ ਸਟਾਰਕਿਡ ਤੋਂ ਹਟ ਕੇ ਆਪਣੀ ਵੱਖਰੀ ਪਛਾਣ ਬਣਾਉਣਾ ਉਸ ਲਈ ਇਕ ਵੱਡੀ ਚੁਣੌਤੀ ਸੀ।
ਉਸ ਦਾ ਮੰਨਣਾ ਹੈ ਕਿ ਸਮੇਂ ਦੇ ਨਾਲ ਉਹ ਖੁਦ ਨੂੰ ਸਾਬਤ ਕਰਨ 'ਚ ਸਫਲ ਹੋਇਆ ਹੈ। ਉਸ ਨੇ ਕਿਹਾ, ‘ਮੈਂ ਹਮੇਸ਼ਾ ਆਪਣੇ ਪਿਤਾ, ਉਸ ਦੀ ਹਾਜ਼ਰੀ ਅਤੇ ਫਿਲਮ ਜਗਤ 'ਚ ਉਨ੍ਹਾਂ ਦੇ ਪ੍ਰਭਾਵ ਤੋਂ ਜਾਣੂ ਸੀ। ਅਜਿਹੇ 'ਚ ਉਨ੍ਹਾਂ ਤੋਂ ਖੁਦ ਨੂੰ ਵੱਖ ਕਰਨਾ ਮੇਰੇ ਲਈ ਇਕ ਚੁਣੌਤੀ ਸੀ ਅਤੇ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਮੈਂ ਆਪਣੇ ਪਿਤਾ ਦਾ ਨਾਂ ਦੀ ਵਰਤੋਂ ਕੀਤੇ ਬਿਨਾਂ ਆਪਣੇ ਤਰੀਕੇ ਨਾਲ ਆਪਣੀ ਪਛਾਣ ਸਾਬਤ ਕਰਨ 'ਚ ਸਫਲ ਹਾਂ।'