ਸੈਫ ਅਲੀ ਖਾਨ ਅਤੇ ਉਸ ਦੀ ਪਤਨੀ ਕਰੀਨਾ ਕਪੂਰ ਇਕ ਵਾਰ ਫਿਰ ਵੱਡੇ ਪਰਦੇ 'ਤੇ ਇਕੱਠੇ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾਂ ਦੋਵਾਂ ਨੇ ਪੰਜ ਸਾਲ ਪਹਿਲਾਂ ਫਿਲਮ 'ਚ ਇਕੱਠਿਆਂ ਕੰਮ ਕੀਤਾ ਸੀ। ਹਾਲਾਂਕਿ ਸੈਫ ਦੀ ਫਿਲਮ 'ਚ ਕਰੀਨਾ ਇਕ ਸਪੈਸ਼ਲ ਅਪੀਰੀਐਂਸ 'ਚ ਨਜ਼ਰ ਆਏਗੀ। ਉਸ ਦੀ ਜੋੜੀ ਦਰਸ਼ਕਾਂ ਨੂੰ ਸੈਫ ਦੀ ਅਗਲੀ ਫਿਲਮ ‘ਜਵਾਨੀ ਜਾਨੇਮਨ' ਵਿੱਚ ਦਿੱਸੇਗੀ। ਇਸ 'ਚ ਸੈਫ ਦੀ ਬੇਟੀ ਦਾ ਕਿਰਦਾਰ ਪੂਜਾ ਬੇਦੀ ਦੀ ਬੇਟੀ ਆਲੀਆ ਐਫ ਨਿਭਾ ਰਹੀ ਹੈ ਜੋ ਇਸ ਦੀ ਡੈਬਿਊ ਫਿਲਮ ਹੈ।
ਇਸ ਸਾਲ ਰਿਲੀਜ਼ ਹੋਣ ਵਾਲੀ ਇਸ ਫਿਲਮ 'ਚ ਤੱਬੂ ਵੀ ਅਹਿਮ ਰੋਲ 'ਚ ਹੈ। ਸੂਤਰਾਂ ਅਨੁਸਾਰ ਕਰੀਨਾ ਜਲਦੀ ਹੀ ਲੰਡਨ 'ਚ ਇਸ ਫਿਲਮ ਦੀ ਸ਼ੂਟਿੰਗ ਲਈ ਸੈਫ ਅਤੇ ਹੋਰ ਕਾਸਟ ਨੂੰ ਜੁਆਇਨ ਕਰੇਗੀ। ਫਿਲਮ ਦੀ ਸ਼ੂਟਿੰਗ ਲੰਡਨ 'ਚ ਹੋ ਰਹੀ ਹੈ ਤੇ ਕਰੀਨਾ ਵੀ ਬੇਟੇ ਤੈਮੂਰ ਨਾਲ ਲੰਡਨ 'ਚ ਹੀ ਮੌਜੂਦ ਹੈ। ਹੋ ਸਕਦਾ ਹੈ ਕਿ ਕਰੀਨਾ ਫਿਲਮ 'ਚ ਸੈਫ ਦੀ ਐਕਸ ਵਾਈਫ ਜਾਂ ਐਕਸ ਗਰਲਫ੍ਰੈਂਡ ਦਾ ਰੋਲ ਕਰੇ। ਜ਼ਿਕਰ ਯੋਗ ਹੈ ਕਿ ਸੈਫ ਤੇ ਕਰੀਨਾ ਅੱਜ ਤੱਕ ਕਈ ਫਿਲਮਾਂ 'ਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਇਸ 'ਚ ‘ਟਸ਼ਨ', ‘ਓਮਕਾਰਾ', ‘ਏਜੰਟ ਵਿਨੋਦ', ‘ਕੁਰਬਾਨ' ਆਦਿ ਸ਼ਾਮਲ ਹਨ। ਦੋਵੇਂ ਪਿਛਲੀ ਵਾਰ 2014 'ਚ ਆਈ ਫਿਲਮ ‘ਹੈਪੀ ਐਂਡਿੰਗ' ਵਿੱਚ ਇਕੱਠੇ ਦਿੱਸੇ ਸਨ।