ਸੋਨਾਕਸ਼ੀ ਫਿਲਮ ‘ਦਬੰਗ 3' ਵਿੱਚ ਸਲਮਾਨ ਖਾਨ ਨਾਲ ਵੀ ਨਜ਼ਰ ਆਏਗੀ। ਇਸ ਦੀ ਸ਼ੂਟਿੰਗ ਤੇਜ਼ੀ ਨਾਲ ਚੱਲ ਰਹੀ ਹੈ ਅਤੇ ਕਾਫੀ ਸਮੇਂ ਤੋਂ ਚੱਲਦੀ ਆ ਰਹੀ। ਇਕ ਅਫਵਾਹ ਨੂੰ ਸੋਨਾਕਸ਼ੀ ਨੇ ਹੁਣੇ ਜਿਹੇ ਹੀ ਖਤਮ ਕੀਤਾ। ਚਰਚਾ ਸੀ ਕਿ ਫਿਲਮ 'ਚ ਸੋਨਾਕਸ਼ੀ ਤੋਂ ਇਲਾਵਾ ਵੀ ਕੋਈ ਹੋਰ ਹੀਰੋਇਨ ਨਜ਼ਰ ਆਉਣ ਵਾਲੀ ਹੈ ਤੇ ਇਸ ਵਾਰ ਫਿਲਮ 'ਚ ਪ੍ਰੇਮ ਤ੍ਰਿਕੋਣ ਦਿਖਾਇਆ ਜਾਏਗਾ। ਬਸ ਇਸੇ ਗੱਲ 'ਤੇ ਸੋਨਾਕਸ਼ੀ ਨੂੰ ਸਵਾਲ ਪੁੱਛਿਆ ਗਿਆ ਤਾਂ ਉਸ ਨੇ ਇਸ ਨੂੰ ਰੱਦ ਕਰਦੇ ਹੋਏ ਸਿਰਫ ਇਕ ਅਫਵਾਹ ਦੱਸਿਆ।
ਸੋਨਾਕਸ਼ੀ ਦੇ ਦੱਸਣ ਅਨੁਸਾਰ ਫਿਲਮ ਵਿੱਚ ਅਜਿਹਾ ਕੋਈ ਬਦਲਾਅ ਨਹੀਂ ਹੋਣ ਜਾ ਰਿਹਾ ਅਤੇ ਫਿਲਮ ਕਾਫੀ ਜ਼ਿਆਦਾ ਧਮਾਕੇਦਾਰ ਬਣ ਰਹੀ ਹੈ। ਉਸ ਨੇ ਕਿਹਾ ਕਿ ਇਸ ਵਿੱਚ ਕੋਈ ਦੋ ਰਾਏ ਨਹੀਂ ਹੈ ਕਿ ਫਿਲਮ 'ਚ ਇਕ ਵੱਖਰੀ ਕਹਾਣੀ ਨਜ਼ਰ ਆਏਗੀ, ਪਰ ਇਹ ਗੱਲ ਨਹੀਂ ਹੈ ਕਿ ਕੋਈ ਹੋਰ ਹੀਰੋਇਨ ਇਸ ਫਿਲਮ ਦਾ ਹਿੱਸਾ ਬਣ ਰਹੀ ਹੈ। ਜ਼ਿਕਰ ਯੋਗ ਹੈ ਕਿ ਸੋਨਾਕਸ਼ੀ ਨੇ ਇਸ ਸੀਰੀਜ਼ ਦੀ ਪਹਿਲੀ ਫਿਲਮ 'ਚ ਰੱਜੋ ਦਾ ਕਿਰਦਾਰ ਜ਼ਬਰਦਸਤ ਤਰੀਕੇ ਨਾਲ ਨਿਭਾਇਆ ਸੀ, ਜੋ ਲੋਕਾਂ ਦੇ ਦਿਲ ਨੂੰ ਛੂਹ ਗਿਆ ਸੀ। ਉਸ ਨੂੰ ਅੱਜ ਵੀ ਇਸ ਲਈ ਯਾਦ ਕੀਤਾ ਜਾਂਦਾ ਹੈ।