ਅਦਾਕਾਰਾ ਮ੍ਰਿਣਾਲ ਠਾਕੁਰ ਦਾ ਕਹਿਣਾ ਹੈ ਕਿ ਅਦਾਕਾਰਾਂ ਲਈ ਤਜਰਬੇ ਲਈ ਇਹ ਸਮਾਂ ਬਹੁਤ ਸਾਜ਼ਗਾਰ ਹੈ। ਚਮਕ ਦਮਕ ਵਾਲੇ ਰੋਲ ਛੱਡ ਕੇ ਅਦਾਕਾਰ ਅਜੋਕੇ ਸਮੇਂ ਨਿੱਗਰ ਵਿਸ਼ਿਆਂ ਦੀ ਚੋਣ ਕਰ ਸਕਦੇ ਹਨ ਕਿਉਂਕਿ ਲੋਕ ਹੁਣ ਚੰਗੀਆਂ ਭੂਮਿਕਾਵਾਂ ਨਿਭਾਉਣ ਵਾਲਿਆਂ ਦੀ ਦਾਦ ਦਿੰਦੇ ਹਨ।
‘ਲਵ ਸੋਨੀਆ’ ਨਾਲ ਆਪਣੇ ਫਿਲਮੀ ਕਰੀਅਰ ਸ਼ੁਰੂ ਕਰਨ ਵਾਲੀ ਮ੍ਰਿਣਾਲ ਨੇ ਕਿਹਾ ਕਿ ਲੋਕ ਉਸ ਨੂੰ ਡਰਾਮਾ ਜਾਂ ਗੰਭੀਰ ਫਿਲਮ ਦੀ ਥਾਂ ਜ਼ਿਆਦਾ ਲੋਕਾਂ ਤੱਕ ਪਹੁੰਚ ਰੱਖਣ ਵਾਲੀਆਂ ਫਿਲਮਾਂ ਕਰਨ ਦੀ ਸਲਾਹ ਦਿੰਦੇ ਹਨ। ਮ੍ਰਿਣਾਲ ਨੇ ਕਿਹਾ ਕਿ ਇੱਕ ਅਦਾਕਾਰ ਵਜੋਂ ਉਹ ਆਪਣੇ ਆਪ ਨੂੰ ਸਾਬਤ ਕਰਨਾ ਚਾਹੁੰਦੀ ਹੈ ਅਤੇ ਬਹੁਤ ਸਾਰੇ ਲੋਕਾਂ ਨੇ ‘ਲਵ ਸੋਨੀਆ’ ਚੁਣਨ ਲਈ ਉਸ ਨੂੰ ਗਲਤ ਵੀ ਠਹਿਰਾਇਆ। ਉਸ ਨੂੰ ਕੁਝ ਹਲਕੀਆਂ ਫੁਲਕੀਆਂ ਤੇ ਰੋਮਾਂਸ ਭਰਪੂਰ ਫਿਲਮਾਂ ਕਰਨ ਦੀ ਸਲਾਹ ਦਿੱਤੀ ਗਈ। ਅਦਾਕਾਰਾ ਨੇ ਕਿਹਾ ਕਿ ਦਰਸ਼ਕ ਬਹੁਤ ਸਿਆਣੇ ਹਨ ਤੇ ਚੰਗੀਆਂ ਭੂਮਿਕਾਵਾਂ ਵਾਲਿਆਂ ਦੀ ਹੀ ਸਿਫਤ ਹੁੰਦੀ ਹੈ। ਉਹ ਹੁਣੇ ਜਲਦੀ ਦੀ ਰਿਤਿਕ ਰੋਸ਼ਨ ਨਾਲ ‘ਸੁਪਰ 30’ ਵਿੱਚ ਨਜ਼ਰ ਆਏਗੀ।