Welcome to Canadian Punjabi Post
Follow us on

19

February 2019
ਬ੍ਰੈਕਿੰਗ ਖ਼ਬਰਾਂ :
ਪੰਜਾਬ ਮੰਤਰੀ ਮੰਡਲ ਮੀਟਿੰਗ: ਸਰਕਾਰੀ ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਨੂੰ ਛੇ ਫੀਸਦੀ ਮਹਿੰਗਾਈ ਭੱਤਾ ਦੇਣ ਦਾ ਐਲਾਨਬਹਿਬਲਕਲਾਂ ਗੋਲੀਕਾਂਡ ਮਾਮਲੇ ਵਿਚ ਪੁਲਸ ਵਲੋ ਵੱਡੀ ਕਾਰਵਾਈ, ਸਾਬਕਾ ਐਸ ਐਸ ਪੀ ਚਰਨਜੀਤ ਸ਼ਰਮਾ ਗ੍ਰਿਫਤਾਰਕੋਲੰਬੀਆ ਪੁਲਸ ਅਕੈਡਮੀ ਉੱਤੇ ਕਾਰ ਬੰਬ ਹਮਲੇ ਵਿੱਚ 10 ਮੌਤਾਂਪੱਤਰਕਾਰ ਛੱਤਰਪਤੀ ਕਤਲ ਕੇਸ: ਡੇਰਾ ਮੁਖੀ ਰਾਮ ਰਹੀਮ ਨੂੰ ਸਾਰੀ ਉਮਰ ਦੀ ਕੈਦ ਦੀ ਸਜ਼ਾਸੁਖਪਾਲ ਖਹਿਰਾ ਵਲੋਂ ਆਪ ਦੀ ਮੁਢਲੀ ਮੈਂਬਰੀ ਤੋਂ ਅਸਤੀਫਾਯੂਨੀਫੌਰ ਤੇ ਓਪੀਐਸਈਯੂ ਨੇ ਫੋਰਡ ਦੇ ਤਬਾਹਕੁੰਨ ਏਜੰਡੇ ਖਿਲਾਫ ਹੱਥ ਮਿਲਾਏਨਿਰੰਕਾਰੀ ਭਵਨ ਉੱਤੇ ਗ੍ਰਨੇਡ ਹਮਲੇ ਦਾ ਇੱਕ ਦੋਸ਼ੀ ਗ੍ਰਿਫਤਾਰ, ਦੂਜੇ ਦੀ ਪਛਾਣਅੰਮ੍ਰਿਤਸਰ ਗ੍ਰਨੇਡ ਅਟੈਕ: ਕੈਪਟਨ ਅਮਰਿੰਦਰ ਨੇ ਅਮਨ ਤੇ ਕਾਨੂੰਨ ਦੀ ਸਥਿਤੀ ਦਾ ਜਾਇਜ਼ਾ ਲਿਆ, ਪੁਲੀਸ ਦੇ ਚੋਟੀ ਦੇ ਅਫਸਰਾਂ ਨੂੰ ਤੁਰੰਤ ਪਿੰਡ ਅਦਲੀਵਾਲ ਪਹੁੰਚਣ ਦੇ ਹੁਕਮ
ਪੰਜਾਬ

ਮਨਜੀਤ ਸਿੰਘ ਜੀ ਕੇ ਦਾ ਦਿੱਲੀ ਗੁਰਦੁਆਰਾ ਕਮੇਟੀ ਦੀ ਪ੍ਰਧਾਨਗੀ ਤੋਂ ਅਸਤੀਫ਼ਾ

October 10, 2018 08:30 AM

* ਜੀ ਕੇ ਕਹਿੰਦਾ: ਅਸਤੀਫਾ ਨਹੀਂ ਦਿੱਤਾ, ਚਾਰਜ ਹੀ ਸੌਂਪਿਐ


ਨਵੀਂ ਦਿੱਲੀ, 9 ਅਕਤੂਬਰ, (ਪੋਸਟ ਬਿਊਰੋ)- ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਤੇ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੇ ਦਿੱਲੀ ਇਕਾਈ ਦੇ ਮੁਖੀ ਮਨਜੀਤ ਸਿੰਘ ਜੀ ਕੇ ਨੇ ਬੀਤੀ ਰਾਤ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਤੇ ਅਚਾਨਕ ਉਨ੍ਹਾਂ ਦੇ ਫੋਨ ਬੰਦ ਆਉਣ ਲੱਗ ਪਏ। ਇਸ ਨਾਲ ਮੰਗਲਵਾਰ ਸਵੇਰ ਤੱਕ ਸਸਪੈਂਸ ਬਣਿਆ ਰਿਹਾ ਸੀ, ਪਰ ਇਸ ਦੇ ਬਾਅਦ ਉਨ੍ਹਾ ਨੇ ਅਚਾਨਕ ਕੁਝ ਮੀਡੀਆ ਚੈਨਲਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਉਨ੍ਹਾਂ ਨੇ ਅਸਤੀਫਾ ਨਹੀਂ ਦਿੱਤਾ, ਸਿਰਫ ਜਿ਼ਮੇਵਾਰੀਆਂ ਹੀ ਆਪਣੇ ਸੀਨੀਅਰ ਮੀਤ ਪ੍ਰਧਾਨ ਨੂੰ ਸੌਂਪੀਆਂ ਹਨ।
ਰਾਜਸੀ ਦ੍ਰਿਸ਼ ਤੋਂ ਅਚਾਨਕ ਲਾਂਭੇ ਹੋਣ ਅਤੇ ਫੋਨ ਵੀ ਬੰਦ ਕਰ ਲੈਣ ਨਾਲ ਜਦੋਂ ਮਨਜੀਤ ਸਿੰਘ ਜੀ ਕੇ ਬਾਰੇ ਇਹ ਚਰਚਾ ਹਰ ਪਾਸੇ ਚੱਲ ਪਈ ਕਿ ਉਸ ਨੇ ਪਾਰਟੀ ਨਾਲ ਮੱਤਭੇਦਾਂ ਕਾਰਨ ਅਸਤੀਫਾ ਦੇ ਦਿੱਤਾ ਹੈ ਤਾਂ ਉਨ੍ਹਾਂ ਨੇ ਸਾਹਮਣੇ ਆ ਕੇ ਇਹ ਕਹਿ ਦਿੱਤਾ ਕਿ ਉਨ੍ਹਾਂ ਨੇ ਅਸਤੀਫਾ ਨਹੀਂ ਦਿੱਤਾ। ਮਨਜੀਤ ਸਿੰਘ ਜੀ ਕੇ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੇ ਕੁਝ ਨਿੱਜੀ ਰੁਝੇਵਿਆਂ ਕਾਰਨ ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਪ੍ਰਧਾਨ ਵਜੋਂ ਆਪਣੀਆਂ ਤਾਕਤਾਂ ਅਗਲੇ 10-12 ਦਿਨਾਂ ਦੇ ਲਈ ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਹਰਮੀਤ ਸਿੰਘ ਕਾਲਕਾ ਨੂੰ ਦਿੱਤੀਆਂ ਹਨ। ਉਨ੍ਹਾਂ ਕਿਹਾ ਕਿ ਇਹ ਕਦਮ ਉਨ੍ਹਾਂ ਪੰਜਾਬ, ਹਿਮਾਚਲ, ਪਟਨਾ ਤੇ ਅਗਲੇ ਦਿਨਾਂ ਵਿੱਚ ਵਿਦੇਸ਼ ਦੌਰੇ ਲਈ ਪੁੱਟਿਆ ਹੈ। ਇਸੇ ਦੇ ਨਾਲ ਉਨ੍ਹਾਂ ਇਹ ਕਹਿ ਕੇ ਅੰਦਰੂਨੀ ਸਥਿਤੀ ਦੀ ਝਲਕ ਵੀ ਦੇ ਦਿੱਤੀ ਕਿ ਅੱਜ ਕੱਲ੍ਹ ਸ਼੍ਰੋਮਣੀ ਅਕਾਲੀ ਦਲ ਦੇ ਟਕਸਾਲੀ ਆਗੂਆਂ ਤੇ ਨਵੀਂ ਪੀੜ੍ਹੀ ਦੇ ਆਗੂਆਂ ਵਿਚਾਲੇ ਸੋਚ ਦਾ ਇੱਕ ਪਾੜਾ ਪੈ ਚੁੱਕਾ ਹੈ, ਜਿਸ ਨੂੰ ਦੂਰ ਕਰਨਾ ਚਾਹੀਦਾ ਹੈ।
ਵਰਨਣ ਯੋਗ ਹੈ ਕਿ ਮਨਜੀਤ ਸਿੰਘ ਜੀ ਕੇ ਇਸ ਤੋਂ ਪਹਿਲਾਂ ਵੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਵਾਲੀਆਂ ਘਟਨਾਵਾਂ ਅਤੇ ਡੇਰਾ ਸੱਚਾ ਸੌਦਾ ਸਿਰਸਾ ਬਾਰੇ ਅਕਾਲੀ ਦਲ ਦੇ ਫ਼ੈਸਲਿਆਂ ਬਾਰੇ ਪਾਰਟੀ ਦੀ ਅਜੋਕੀ ਲੀਡਰਸਿ਼ਪ ਨਾਲੋਂ ਆਪਣੀ ਵੱਖਰੀ ਅਤੇ ਕਾਫੀ ਨਾਰਾਜ਼ਗੀ ਵਾਲੀ ਸੁਰ ਵਾਲੀ ਕਈ ਵਾਰ ਪੇਸ਼ ਕਰ ਜਾਂਦੇ ਰਹੇ ਸਨ। ਉਨ੍ਹਾਂ ਨੇ ਕਿਹਾ ਕਿ ਇਨ੍ਹਾਂ ਅਜੋਕੇ ਰਾਜਸੀ ਮੁੱਦਿਆਂ ਬਾਰੇ ਇੱਕ ਜ਼ਿੰਮੇਵਾਰ ਆਗੂ ਹੋਣ ਕਰਕੇ ਉਹ ਆਪਣੀ ਗੱਲ ਪਾਰਟੀ ਅੰਦਰ ਹੀ ਰੱਖਣਗੇ। ਇਹ ਗੱਲ ਯਾਦ ਕਰਨ ਵਾਲੀ ਹੈ ਕਿ ਪਿਛਲੇ ਸਾਲ ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਇੱਕਦਮ ਪਿੱਛੋਂ ਦਿੱਲੀ ਗੁਰਦੁਆਰਾ ਕਮੇਟੀ ਦੀਆਂ ਚੋਣਾਂ ਵੀ ਮਨਜੀਤ ਸਿੰਘ ਜੀ ਕੇ ਨੇ ਆਪਣੇ ਬਲ-ਬੂਤੇ ਅਗਵਾਈ ਕਰ ਕੇ ਲੜੀਆਂ ਤੇ ਜਿੱਤੀਆਂ ਸਨ ਅਤੇ ਬਾਦਲ ਪਰਿਵਾਰ ਨੂੰ ਉਨ੍ਹਾਂ ਚੋਣਾਂ ਦੇ ਸਮੁੱਚੇ ਪ੍ਰਚਾਰ ਤੋਂ ਦੂਰ ਰੱਖਿਆ ਸੀ, ਕਿਉਂਕਿ ਬੇਅਦਬੀ ਕਾਂਡ ਅਤੇ ਪੰਜਾਬ ਵਿੱਚ ਡਰੱਗ ਦੇ ਕੇਸਾਂ ਕਾਰਨ ਓਦੋਂ ਸਿੱਖ ਸੰਗਤ ਵਿੱਚ ਬਾਦਲ ਪਰਵਾਰ ਦਾ ਵਿਰੋਧ ਹਰ ਪਾਸੇ ਭਾਰੂ ਸੀ, ਜਿਸ ਕਰਕੇ ਪਿਤਾ-ਪੁੱਤਰ ਦੀਆਂ ਤਸਵੀਰਾਂ ਵੀ ਬਾਦਲ ਧੜੇ ਦੇ ਮਨਜਿੰਦਰ ਸਿੰਘ ਸਿਰਸਾ ਅਤੇ ਦੋ-ਚਾਰ ਹੋਰ ਉਮੀਦਵਾਰਾਂ ਤੋਂ ਬਿਨਾਂ ਦਿੱਲੀ ਕਮੇਟੀ ਲਈ ਬਹੁਤੇ ਅਕਾਲੀ ਉਮੀਦਵਾਰਾਂ ਨੇ ਪੋਸਟਰਾਂ ਅਤੇ ਬੈਨਰਾਂ ਉੱਤੇ ਨਹੀਂ ਲਾਈਆਂ ਸਨ।
ਇਸ ਦੌਰਾਨ ਬਾਦਲ ਅਕਾਲੀ ਦਲ ਵਿੱਚੋਂ ਬਾਗ਼ੀ ਹੋਏ ਫਿਰਦੇ ਦਿੱਲੀ ਗੁਰਦੁਆਰਾ ਕਮੇਟੀ ਮੈਂਬਰ ਗੁਰਮੀਤ ਸਿੰਘ ਸ਼ੰਟੀ (ਸਾਬਕਾ ਜਨਰਲ ਸਕੱਤਰ) ਨੇ ਕਿਹਾ ਹੈ ਕਿ ਮਨਜੀਤ ਸਿੰਘ ਜੀ ਕੇ ਨੂੰ ਪੰਥ ਨਾਲ ਹਮਦਰਦੀ ਸੀ ਤਾਂ ਉਸ ਨੂੰ ਉਸ ਵੇਲੇ ਅਸਤੀਫਾ ਦੇਣਾ ਚਾਹੀਦਾ ਸੀ, ਜਦੋਂ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਨੇ ਸੱਚਾ ਸੌਦਾ ਡੇਰੇ ਦੇ ਮੁਖੀ ਰਾਮ ਰਹੀਮ ਨੂੰ ਮੁਆਫੀਨਾਮਾ ਦਿੱਤਾ ਸੀ। ਦੂਸਰੇ ਪਾਸੇ ਪੰਥਕ ਸੇਵਾ ਦੇ ਬੁਲਾਰੇ ਹਰਮਿੰਦਰ ਸਿੰਘ ਆਹਲੂਵਾਲੀਆ ਨੇ ਕਿਹਾ ਕਿ ਸਾਰਾ ਨਾਟਕ ਮਨਜੀਤ ਸਿੰਘ ਜੀ ਕੇ ਵੱਲੋਂ ਹਾਈ ਕਮਾਂਡ ਅਤੇ ਭਾਜਪਾ ਤੋਂ ਆਪਣੇ ਲਈ ਲੋਕ ਸਭਾ ਟਿਕਟ ਲੈਣ ਵਾਸਤੇ ਕੀਤਾ ਗਿਆ ਹੈ। ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਸਕੱਤਰ ਜਨਰਲ ਹਰਵਿੰਦਰ ਸਿੰਘ ਸਰਨਾ ਨੇ ਕਿਹਾ ਕਿ ਦਿੱਲੀ ਕਮੇਟੀ ਨੂੰ ਜੀ ਕੇ ਨੇ ਲੁੱਟਿਆ ਵੀ ਹੈ ਅਤੇ ਪਿਛਲੇ ਛੇ ਸਾਲਾਂ ਵਿੱਚ ਗੁਰੂ ਕੀ ਗੋਲਕ ਨੂੰ ਬਾਦਲਾਂ ਨੂੰ ਲੁਟਾਇਆ ਵੀ ਹੈ।

Have something to say? Post your comment
 
ਹੋਰ ਪੰਜਾਬ ਖ਼ਬਰਾਂ
ਅਸਲੀ ਸੋਨਾ ਦਿਖਾ ਕੇ ਫਸਾਇਆ ਤੇ ਅੱਧਾ ਕਿਲੋ ਨਕਲੀ ਵੇਚਿਆ
ਕੋਲਿਆਂਵਾਲੀ ਖਿਲਾਫ ਚਲਾਣ ਪੇਸ਼ ਨਾ ਹੋਣ ਦਾ ਮੰਤਰੀ ਮੰਡਲ ਦੀ ਮੀਟਿੰਗ ਵਿੱਚ ਵਿਰੋਧ
ਕਿਸਾਨ ਅੰਦੋਲਨ ਵਿਰੁੱਧ ਰਾਤ ਨੂੰ ਵੀ ਅਦਾਲਤ ਲੱਗੀ
ਲੁਧਿਆਣਾ ਰੇਪ ਕਾਂਡ: ਥਾਣਾ ਮੁਖੀ ਲਾਈਨ ਹਾਜ਼ਰ, ਡਿਊਟੀ ਅਫਸਰ ਨੌਕਰੀਉਂ ਕੱਢਿਆ, ਥਾਣੇਦਾਰ ਸਸਪੈਂਡ
ਪੁਲਵਾਮਾ ਹਮਲਾ : ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ: ਉਨ੍ਹਾਂ ਨੇ 41 ਮਾਰੇ, ਸਾਨੂੰ 82 ਮਾਰਨੇ ਚਾਹੀਦੇ ਨੇ
ਬਹਿਬਲ ਕਲਾਂ ਕਾਂਡ: ਪੰਜਾਬ ਪੁਲਸ ਦਾ ਆਈ ਜੀ ਉਮਰਾਨੰਗਲ ਵਿਸ਼ੇਸ਼ ਜਾਂਚ ਟੀਮ ਵੱਲੋਂ ਗ੍ਰਿਫਤਾਰ
ਮਨਪ੍ਰੀਤ ਸਿੰਘ ਬਾਦਲ ਵੱਲੋਂ ਪੰਜਾਬ ਸਰਕਾਰ ਦਾ ਬੱਜਟ ਪੇਸ਼
ਪੰਜਾਬ ਵਿਧਾਨਸਭਾ ਬਜਟ ਭਾਸ਼ਣ ਦੌਰਾਨ ਮਜੀਠੀਆ ਤੇ ਸਿੱਧੂ ਵਿਚਕਾਰ ਤੂੰ-ਤੂੰ, ਮੈਂ-ਮੈਂ, ਅਕਾਲੀ-ਭਾਜਪਾ ਮੈਂਬਰ ਅਸੈਂਬਲੀ 'ਚੋ ਕੱਢੇ ਬਾਹਰ
ਮਹਿਲਾ ਡਾਕਟਰ ਨੇ ਜਿੰਮ ਦੀ ਚੌਥੀ ਮੰਜ਼ਿਲ ਉੱਤੋਂ ਛਾਲ ਮਾਰ ਕੇ ਜਾਨ ਦਿੱਤੀ
ਹਾਈ ਕੋਰਟ ਬਾਰ ਐਸੋਸੀਏਸ਼ਨ ਨੇ ਜੱਜਾਂ ਉੱਤੇ ਰਾਜਸੀ ਦਬਾਅ ਹੇਠ ਕੰਮ ਕਰਨ ਦਾ ਦੋਸ਼ ਲਾਇਆ