ਫਿਲਮ ‘ਲੰਚ ਬਾਕਸ’ ਵਿੱਚ ਆਪਣੇ ਦਮਦਾਰ ਅਭਿਨੈ ਨਾਲ ਦਰਸ਼ਖਾਂ ਅਤੇ ਸਮੀਖਿਅਕਾਂ ਦਾ ਦਿਲ ਜਿੱਤਣ ਵਾਲੀ ਨਿਮਰਤ ਕੌਰ ਨੇ ਸਿੱਧ ਕਰ ਦਿੱਤਾ ਹੈ ਕਿ ਗਲੈਮਰ ਰਹਿਤ ਪਰਸਨੈਲਿਟੀ ਦੇ ਹੁੰਦਿਆਂ ਵੀ ਸਿਰਫ ਆਪਣੇ ਟੇਲੈਂਟ ਦੇ ਦਮ 'ਤੇ ਉੱਚਾ ਮੁਕਾਮ ਹਾਸਲ ਕੀਤਾ ਜਾ ਸਕਦਾ ਹੈ। ਇਹ ਗੱਲ ਉਸ ਨੇ ਅਕਸ਼ੈ ਕੁਮਾਰ ਦੇ ਆਪੋਜ਼ਿਟ ਕਮਰਸ਼ੀਅਲ ਫਿਲਮ ‘ਏਅਰਲਿਫਟ’ ਅਤੇ ਵੈੱਬ ਸੀਰੀਜ਼ ‘ਦਿ ਟੈਸਟ ਕੇਸ’ ਰਾਹੀਂ ਸਿੱਧ ਕੀਤੀ। ਪੇਸ਼ ਹਨ ਉਸ ਨਾਲ ਗੱਲਬਾਤ ਦੇ ਅੰਸ਼ :
* ਕੋਈ ਫਿਲਮ ਸਾਈਨ ਕਰਦੇ ਸਮੇਂ ਸਭ ਤੋਂ ਮਹੱਤਵ ਪੂਰਨ ਚੀਜ਼ ਕੀ ਹੁੰਦੀ ਹੈ?
- ਮੇਰੇ ਲਈ ਸਕ੍ਰਿਪਟ ਸਭ ਤੋਂ ਵੱਧ ਜ਼ਰੂਰੀ ਹੁੰਦੀ ਹੈ ਅਤੇ ਮੈਂ ਇਸ 'ਤੇ ਕਦੇ ਸਮਝੌਤਾ ਨਹੀਂ ਕਰਦੀ। ਮੇਰੇ ਲਈ ਫਿਲਮ ਦੀ ਕਹਾਣੀ ਦਿਲ ਨੂੰ ਛੂਹ ਲੈਣ ਵਾਲੀ ਹੋਣੀ ਚਾਹੀਦੀ ਹੈ। ਇਸ ਗੱਲ ਦਾ ਕੋਈ ਮਹੱਤਵ ਨਹੀਂ ਕਿ ਮੇਰਾ ਰੋਲ ਫਿਲਮ ਵਿੱਚ ਕਿੰਨਾ ਹੈ। ਮੈਂ ਕਿਸੇ ਵੀ ਫਿਲਮ ਦੀ ਕਹਾਣੀ ਨੂੰ ਇੱਕ ਦਰਸ਼ਕ ਵਜੋਂ ਸੁਣਦੀ ਹਾਂ ਅਤੇ ਉਦੋਂ ਇਸ ਨੂੰ ਚੁਣਦੀ ਹਾਂ, ਜਦੋਂ ਇਹ ਮੈਨੂੰ ਆਕਰਸ਼ਿਤ ਕਰੇ।
* ਕੀ ਤੁਹਾਨੂੰ ਨਹੀਂ ਲੱਗਦਾ ਕਿ ਤੁਹਾਨੂੰ ਜੋ ਰੋਲ ਆਫਰ ਕੀਤੇ ਗਏ, ਉਨ੍ਹਾਂ ਵਿੱਚ ਤੁਸੀਂ ਸਟੀਰੀਓ ਟਾਈਪ ਹੋ ਰਹੇ ਹਨ?
-ਨਹੀਂ, ਮੈਂ ਅਜਿਹਾ ਨਹੀਂ ਮੰਨਦੀ। ਇਹ ਸਾਡੇ ਪ੍ਰੋਫੈਸ਼ਨ ਦਾ ਹਿੱਸਾ ਹੈ ਅਤੇ ਅਜਿਹਾ ਹੁੰਦਾ ਹੀ ਹੈ। ਮੈਨੂੰ ਇਹ ਵੀ ਲੱਗਦਾ ਹੈ ਕਿ ਇਹ ਇੱਕ ਐਕਟਰ ਵਜੋਂ ਖੁਦ ਨੂੰ ਸਥਾਪਤ ਕਰਨ ਦਾ ਤਰੀਕਾ ਵੀ ਹੈ ਸਟੀਰੀਓ ਟਾਈਪ ਹੋਣ 'ਚ ਕੁਝ ਗਲਤ ਵੀ ਨਹੀਂ ਹੈ। ਜਦੋਂ ਇੱਕ ਖਾਸ ਤਰੀਕੇ ਨਾਲ ਤੁਸੀਂ ਖੁਦ ਨੂੰ ਸਥਾਪਤ ਕਰ ਲੈਂਦੇ ਹੋ ਤੇ ਲੋਕ ਤੁਹਾਨੂੰ ਦੇਖਣ ਦੇ ਆਦੀ ਹੋ ਜਾਂਦੇ ਹਨ, ਉਦੋਂ ਤੁਸੀਂ ਕੁਝ ਨਵਾਂ ਕਰਨ ਲਈ ਆਪਣੀ ਉਸ ਇਮੇਜ ਨੂੰ ਤੋੜ ਸਕਦੇ ਹੋ।
* ‘ਦਿ ਟੈਸਟ ਕੇਸ’ ਤੋਂ ਬਾਅਦ ਕੀ ਤੁਸੀਂ ਡਿਜੀਟਲ ਮੀਡੀਆ 'ਚ ਕੁਝ ਹੋਰ ਕਰਨ ਜਾ ਰਹੇ ਹੋ?
- ਡਿਜੀਟਲ ਮੀਡੀਆ 'ਚ ਮੈਂ ਕੁਝ ਹੋਰ ਕੰਮ ਕਰਨਾ ਚਾਹਾਂਗੀ। ਮੈਨੂੰ ਆਸ ਹੈ ਕਿ ਛੇਤੀ ਹੀ ਮੈਨੂੰ ਕੁਝ ਐਕਸਾਈਟਿੰਗ ਕੰਮ ਕਰਨ ਨੂੰ ਮਿਲੇਗਾ।
* ਜੇ ਤੁਹਾਨੂੰ ਆਫਰ ਮਿਲੇ ਤਾਂ ਕੀ ਤੁਸੀਂ ਕੋਈ ਹਾਰਡਕੋਰ ਕਮਰਸ਼ੀਅਲ ਫਿਲਮ ਕਰਨਾ ਚਾਹੋਗੇ?
- ਯਕੀਨਨ ਮੈਂ ਅਜਿਹੀ ਫਿਲਮ ਕਰਨਾ ਚਾਹਾਂਗੀ ਕਿਉਂਕਿ ਮੈਂ ਉਸੇ ਤਰ੍ਹਾਂ ਦੇ ਸਿਨੇਮਾ ਨੂੰ ਦੇਖਦੇ ਹੋਈ ਵੱਡੀ ਹੋਈ ਹਾਂ।
* ਕੀ ਤੁਸੀਂ ਖੁਦ ਨੂੰ ਇੱਕ ਐਕਸੀਡੈਂਟਲ ਅਦਾਕਾਰਾ ਮੰਨਦੇ ਹੋ ਜਾਂ ਅਭਿਨੈ 'ਚ ਆਉਣਾ ਸੋਚਿਆ-ਸਮਝਿਆ ਫੈਸਲਾ ਸੀ?
-ਮੇਰਾ ਪਾਲਣ ਪੋਸਣ ਇੱਕ ਫੌਜੀ ਪਰਵਾਰ ਵਿੱਚ ਹੋਇਆ ਸੀ, ਇਸ ਲਈ ਸਾਡੇ ਪਰਵਾਰ 'ਚ ਐਕਟਿੰਗ ਬਾਰੇ ਕਿਸੇ ਨੇ ਕਦੇ ਸੋਚਿਆ ਵੀ ਨਹੀਂ ਸੀ। ਇਸ ਲਈ ਮੈਂ ਸਭ ਤੋਂ ਪਹਿਲਾਂ ਆਪਣੇ ਸਾਹਮਣੇ ਮੰਨਣਾ ਸੀ ਕਿ ਮੈਂ ਐਕਟਰ ਬਣਨਾ ਹੈ ਤੇ ਉਸ ਤੋਂ ਬਾਅਦ ਸਾਰਿਆਂ ਨੂੰ ਕਹਿਣ ਦੀ ਹਿੰਮਤ ਦਿਖਾਉਣੀ ਸੀ। ਉਦੋਂ ਤੋਂ ਮੈਂ ਜ਼ਿੰਦਗੀ ਮੇਰੇ ਪ੍ਰਤੀ ਇੰਨੀ ਦਿਆਲੂ ਰਹੀ ਕਿ ਮੇਰੇ ਵਿੱਚ ਇਹ ਗੱਲ ਕਹਿਣ ਦੀ ਹਿੰਮਤ ਆ ਗਈ ਕਿ ਮੈਂ ਐਕਟਰ ਬਣ ਕੇ ਆਪਣੀ ਰੋਜ਼ੀ-ਰੋਟੀ ਕਮਾਵਾਂਗੀ। ਇਸੇ ਗੱਲ ਨੇ ਮੈਨੂੰ ਮੁੰਬਈ ਆਉਣ ਲਈ ਮਜਬੂਰ ਕੀਤਾ।