* ਆਪਣੇ ਅੰਡਰ ਗਾਰਮੈਂਟਸ ਸਾੜ ਕੇ ਵਿਰੋਧ ਪ੍ਰਗਟ ਕੀਤਾ
ਜੈਨੇਵਾ, 24 ਜੂਨ, (ਪੋਸਟ ਬਿਊਰੋ)- ਸਵਿਟਜ਼ਰਲੈਂਡ ਵਿੱਚਇੱਕੋ ਵੇਲੇ 15 ਲੱਖ ਔਰਤਾਂ ਨੇ ਸੜਕਾਂ ਉੱਤੇ ਉੱਤਰਦੇ ਹੋਏ ਇੱਕ ਅਨੋਖਾ ਰੋਸ ਪ੍ਰਦਰਸ਼ਨ ਕੀਤਾ ਹੈ। ਇਨ੍ਹਾਂ ਔਰਤਾਂ ਨੇ ਆਪਣੇ ਅੰਡਰ ਗਾਰਮੈਂਟਸ ਸਾੜਕੇ ਆਪਣੇ ਖਿਲਾਫ ਭੇਦਭਾਵ ਅਤੇ ਅਤਿਆਚਾਰ ਕੀਤੇ ਜਾਣ ਦਾ ਵਿਰੋਧ ਪ੍ਰਗਟਾਇਆ ਹੈ।
ਵਰਨਣ ਯੋਗ ਹੈ ਕਿ ਇਹ ਔਰਤਾਂ ਲਿੰਗਕ ਨਾ-ਬਰਾਬਰੀ, ਆਪਣੇ ਦਫਤਰਾਂ ਵਿੱਚਹੁੰਦੇ ਵਿਤਕਰੇ ਅਤੇ ਦਫਤਰਾਂ ਵਿੱਚ ਬਰਾਬਰ ਤਨਖਾਹ ਦੇ ਨਾਲ ਬਰਾਬਰ ਮੌਕੇ ਦੀ ਮੰਗ ਲਈ ਪ੍ਰਦਰਸ਼ਨ ਕਰ ਰਹੀਆਂ ਸਨ। ਇਕ ਰਿਪੋਰਟ ਦੇ ਮੁਤਾਬਕ ਸਵਿਟਜ਼ਰਲੈਂਡ ਵਿੱਚ ਔਰਤਾਂ ਨੂੰ ਮਰਦਾਂ ਦੇ ਮੁਕਾਬਲੇ ਕਰੀਬ 20 ਫੀਸਦੀ ਘੱਟ ਤਨਖਾਹ ਮਿਲਦੀ ਹੈ। ਭਾਰਤ ਤੇ ਦੁਨੀਆਦੇ ਕਈ ਹੋਰ ਦੇਸ਼ਾਂ ਵਿੱਚ ਔਰਤਾਂ ਨੂੰ ਕਈ ਤਰ੍ਹਾਂ ਦੀਆਂ ਪ੍ਰੇਸ਼ਾਨੀਆਂਤੋਂ ਲੰਘਣਾ ਪੈਂਦਾ ਹੈ। ਇਨ੍ਹਾਂ ਵਿੱਚ ਸਵਿਟਜ਼ਰਲੈਂਡ ਵੀ ਸ਼ਾਮਲ ਹੈ। ਆਪਣੇ ਅਧਿਕਾਰਾਂ ਤੇ ਆਪਣੇ ਉੱਪਰ ਹੁੰਦੀ ਹਿੰਸਾ ਦੇ ਖਿਲਾਫ ਇਥੇ ਲੱਗਭਗ 15 ਲੱਖ ਔਰਤਾਂ ਸੜਕ ਉੱਤੇ ਉਤਰੀਆਂ ਹਨ। ਔਰਤਾਂ ਦੇ ਖਿਲਾਫ ਸੈਕਸ ਹਿੰਸਾ ਤੇ ਗੈਰ-ਬਰਾਬਰੀ ਦੇਪੱਖ ਤੋਂ ਸਵਿਟਜ਼ਰਲੈਂਡ ਦਾ ਦੁਨੀਆ ਵਿੱਚ 9ਵਾਂ ਸਥਾਨ ਹੈ। ਸਵਿਟਜ਼ਰਲੈਂਡ ਦੀਆਂ ਔਰਤਾਂ ਨੇ ਆਪਣੇ ਉੱਤੇ ਹੁੰਦੇ ਸੈਕਸ ਸ਼ੋਸ਼ਣ ਅਤੇ ਹਿੰਸਾ ਦੇ ਖਿਲਾਫ ਮਾਰਚ ਕੱਢਿਆ ਅਤੇ ਸੜਕਾਂ ਉੱਤੇ ਆਣ ਕੇ ਅੰਡਰ ਗਾਰਮੈਂਟਸ ਸਾੜੇ ਹਨ।