ਅਦਾਕਾਰ ਸ਼ਾਹਿਦ ਕਪੂਰ ਨੇ ਕਿਹਾ ਹੈ ਕਿ ਉਹ ਆਪਣੀਆਂ ਕੁਝ ਫਿਲਮਾਂ ਦੇਖ ਕੇ ਸਮਾਂ ਬਰਬਾਦ ਨਹੀਂ ਕਰਨਾ ਚਾਹੁੰਦਾ। ਆਈ ਐਮ ਡੀ ਬੀ ਸੀਰੀਜ਼ ‘ਦਿ ਇਨਸਾਈਡਰਜ਼ ਵਾਚਲਿਸਟ’ ਦੀ ਗੱਲਬਾਤ ਦੌਰਾਨ ਉਸ ਨੇ ਉਨ੍ਹਾਂ ਫਿਲਮਾਂ ਬਾਰੇ ਦੱਸਿਆ, ਜਿਨ੍ਹਾਂ ਤੋਂ ਉਸ ਨੂੰ ਅਦਾਕਾਰ ਬਣਨ ਦੀ ਪ੍ਰੇਰਨਾ ਮਿਲੀ। ਸ਼ਾਹਿਦ ਨੇ ਕਿਹਾ, ‘‘ਮੈਂ ਜਦੋਂ ਗੁਰੁੂ ਦੱਤ ਦੀਆਂ ‘ਪਿਆਸਾ’ ਅਤੇ ‘ਸਾਹਿਬ ਬੀਬੀ ਔਰ ਗੁਲਾਮ’ ਫਿਲਮਾਂ ਦੇਖੀਆਂ ਤਾਂ ਮੈਨੂੰ ਹਿੰਦੀ ਸਿਨੇਮਾ ਨਾਲ ਪਿਆਰ ਹੋ ਗਿਆ। ਇਹ ਫਿਲਮਾਂ ਹਮੇਸ਼ਾ ਮੈਨੂੰ ਪ੍ਰੇਰਨਾ ਦਿੰਦੀਆਂ ਰਹੀਆਂ ਹਨ।”
ਉਸ ਨੇ ਕਿਹਾ, ਉਹ ਦੂਰਦਰਸ਼ਨ ਉੱਤੇ ‘ਹੀ-ਮੈਨ’ ਵਰਗੇ ਸ਼ੋਅ ਦੇਖਣਾ ਬਹੁਤ ਪਸੰਦ ਕਰਦਾ ਸੀ, ਪਰ ਅੱਜ ਉਹ ਚੋਣਵੇਂ ਸ਼ੋਅ ਤੇ ਫਿਲਮਾਂ ਦੇਖਦਾ ਹੈ। ਸ਼ਾਹਿਦ ਨੇ ਕਿਹਾ ਕਿ ਉਸ ਦੀਆਂ ਕੁਝ ਫਿਲਮਾਂ ਅਜਿਹੀਆਂ ਹਨ ਜਿਨ੍ਹਾਂ ਨੂੰ ਥੀਏਟਰ ਜਾ ਕੇ ਉਹ ਦੇਖਣਾ ਪਸੰਦ ਨਹੀਂ ਕਰਦਾ। ਉਸ ਨੇ ਦੱਸਿਆ ਕਿ ਉਸ ਨੂੰ ‘ਜਾਨੇ ਭੀ ਦੋ ਯਾਰੋ' ਫਿਲਮ ਬਹੁਤ ਪਸੰਦ ਹੈ।