ਸਾਲ 2015 ਵਿੱਚ ਸ਼ੁਜੀਤ ਸਰਕਾਰ ਦੀ ਫਿਲਮ ਆਈ ‘ਪੀਕੂ’। ਇਸ ਵਿੱਚ ਅਮਿਤਾਭ ਬੱਚਨ, ਇਰਫਾਨ ਖਾਨ ਦੇ ਇਲਾਵਾ ਦੀਪਿਕਾ ਪਾਦੁਕੋਣ ਵੀ ਸੀ। ਇਸ ਦੇ ਬਾਰੇ ਦਿਲਚਸਪ ਖਬਰ ਇਹ ਹੈ ਕਿ ਇਹ ਫਿਲਮ ਪਹਿਲਾਂ ਪਰਿਣੀਤੀ ਚੋਪੜਾ ਨੂੰ ਆਫਰ ਕੀਤੀ ਗਈ ਸੀ, ਜਿਸ ਨੂੰ ਕਰਨ ਤੋਂ ਉਸ ਨੇ ਇਨਕਾਰ ਕਰ ਦਿੱਤਾ ਸੀ, ਪਰ ਅੱਜ ਉਹ ਇਸ ਗੱਲ ਦੇ ਲਈ ਪਛਤਾ ਰਹੀ ਹੈ। ਇਸ ਤੋਂ ਸਪੱਸ਼ਟ ਹੈ ਕਿ ਦੀਪਿਕਾ ਪਾਦੁਕੋਣ ਇਸ ਫਿਲਮ ਲਈ ਪਹਿਲੀ ਚੁਆਇਸ ਨਹੀਂ ਸੀ।
ਇਸ ਗੱਲ ਦੀ ਜਾਣਕਾਰੀ ਮਿਲੀ ਹੈ ਨੇਹਾ ਧੂਪੀਆ ਦੇ ਚੈਟ ਸ਼ੋਅ ਤੋਂ, ਜਿਸ ਵਿੱਚ ਪਿੱਛੇ ਜਿਹੇ ਪਰਿਣੀਤੀ ਮਹਿਮਾਨ ਬਣੀ ਸੀ, ਉਸ ਦੇ ਨਾਲ ਉਸ ਦੀ ਬੈਸਟ ਫਰੈਂਡ ਅਤੇ ਟੈਨਿਸ ਖਿਡਾਰਨ ਸਾਨੀਆ ਮਿਰਜ਼ਾ ਵੀ ਇਸ ਸ਼ੋਅ ਦਾ ਹਿੱਸਾ ਸੀ। ਸ਼ੋਅ ਦੇ ਦੌਰਾਨ ਇਹ ਪੁੱਛੇ ਜਾਣ 'ਤੇ ਕਿ ਕਿਵੇਂ ਪਰਿਣੀਤੀ ਦਾ ਨੁਕਸਾਨ ਦੀਪਿਕਾ ਦੇ ਲਈ ਲਾਹੇਵੰਦ ਰਿਹਾ, ਪਰਿਣੀਤੀ ਨੇ ਜਵਾਬ ਦਿੱਤਾ, ‘ਮੇਰੇ ਕੋਲ ਇਸ ਫਿਲਮ ਦਾ ਆਫਰ ਆਇਆ ਸੀ, ਓਦੋਂ ਮੈਂ ਦੂਸਰੀ ਫਿਲਮ ਵਿੱਚ ਬਿਜ਼ੀ ਸੀ। ਦੁਚਿੱਤੀ ਵਿੱਚ ਮੈਂ ‘ਪੀਕੂ’ ਤੋਂ ਮਨ੍ਹਾ ਕਰ ਦਿੱਤਾ, ਪਰ ਜੋ ਫਿਲਮ ਕਰ ਰਹੀ ਸੀ, ਉਹ ਬਣੀ ਨਹੀਂ ਤੇ ਮੇਰਾ ਨੁਕਸਾਨ ਹੋ ਗਿਆ।”