ਬਾਲੀਵੁੱਡ ਦੀ ਬਾਰਬੀ ਗਰਲ ਕੈਟਰੀਨਾ ਕੈਫ ਫਿਲਮ ‘ਦਬੰਗ’ ਵਿੱਚ ਸਲਮਾਨ ਖਾਨ ਵੱਲੋਂ ਨਿਭਾਇਆ ਚੁਲਬੁਲ ਪਾਂਡੇ ਵਰਗਾ ਕਿਰਦਾਰ ਨਿਭਾਉਣਾ ਚਾਹੁੰਦੀ ਹੈ। ਉਸ ਨੇ ਆਪਣੀ ਇੱਛਾ ਪ੍ਰਗਟਾਉਂਦੇ ਹੋਏ ਕਿਹਾ ਹੈ ਕਿ ਉਹ ‘ਦਬੰਗ’ ਦੇ ਚੁਲਬੁਲ ਪਾਂਡੇ ਵਰਗਾ ਕਿਰਦਾਰ ਨਿਭਾਉਣਾ ਚਾਹੁੰਦੀ ਹੈ।
ਕੈਟਰੀਨਾ ਨੇ ਕਿਹਾ ਕਿ ਸਲਮਾਨ ਖਾਨ ‘ਦਬੰਗ’ ਦੇ ਚੁਲਬੁਲ ਪਾਂਡੇ ਵਾਂਗ ਇੱਕ ਫਿਲਮ ਫੀਮੇਲ ਕੌਪ ਉੱਤੇ ਵੀ ਬਣਾਉਣ, ਜੋ ਚੁਲਬੁਲ ਪਾਂਡੇ ਵਾਂਗ ਕੰਮ ਕਰਦੀ ਹੋਵੇ। ਕੈਟਰੀਨਾ ਨੇ ਪ੍ਰੋਗਰਾਮ 'ਚ ਮੌਜੂਦ ਸਲਮਾਨ ਵੱਲ ਇਸ਼ਾਰਾ ਕਰਦੇ ਹੋਏ ਕਿਹਾ ਕਿ ਫੀਮੇਲ ਕੌਪ ਦੇ ਲੀਡ ਰੋਲ ਵਾਲੀ ਫਿਲਮ ਬਣਨੀ ਚਾਹੀਦੀ ਹੈ, ਜ਼ਰੂਰ ਬਣਨੀ ਚਾਹੀਦੀ ਹੈ। ਉਥੇ ਇਸ 'ਤੇ ਸਲਮਾਨ ਨੇ ਕਿਹਾ ਕਿ ਸਾਡੇ ਦੇਸ਼ ਵਿੱਚ ਹਮੇਸ਼ਾ ਹੀਰੋ ਦੀਆਂ ਕਹਾਣੀਆਂ ਕੰਮ ਕਰਦੀਆਂ ਹਨ।