ਵਾਸ਼ਿੰਗਟਨ, 20 ਜੂਨ, (ਪੋਸਟ ਬਿਊਰੋ)- ਅਮਰੀਕਾ ਨੇ ਆਪਣਾ ਸ਼ਕਤੀਸ਼ਾਲੀ ਡਰੋਨ ਸੁੱਟੇ ਜਾਣ ਪਿੱਛੋਂ ਈਰਾਨ ਨੂੰ ਖੁੱਲ੍ਹੀ ਚਿਤਾਵਨੀ ਦੇ ਦਿੱਤੀ ਹੈ। ਇਸ ਬਾਰੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਟਵੀਟ ਕਰਕੇ ਆਖਿਆ ਹੈ ਕਿ ਈਰਾਨ ਨੇ ਬਹੁਤ ਵੱਡੀ ਗਲਤੀ ਕਰ ਲਈ ਹੈ। ਇਸ ਚੇਤਾਵਨੀ ਨਾਲ ਸੰਸਾਰ ਵਿੱਚ ਤੇਲ ਦੇ ਭਾਅ ਇੱਕ ਦਮ ਚੜ੍ਹ ਗਏ ਹਨ।
ਅਸਲ ਵਿੱਚ ਅੱਜ ਈਰਾਨ ਨੇ ਅਮਰੀਕਾ ਦਾ ਇਕ ਸ਼ਕਤੀਸ਼ਾਲੀ ਡਰੋਣ ਜਾਸੂਸੀ ਸੁੱਟ ਲਿਆ ਸੀ, ਜਿਸ ਨਾਲ ਦੋਵਾਂਦੇਸ਼ਾਂ ਵਿਚਾਲੇ ਪਹਿਲਾਂ ਤੋਂ ਚੱਲਦੇ ਤਣਾਅ ਦਾ ਮਾਹੌਲ ਹੋਰ ਵੀ ਭਖਣ ਲੱਗ ਪਿਆ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਇਸ ਚਿਤਾਵਨੀ ਤੋਂ ਪਹਿਲਾਂ ਈਰਾਨੀ ਫੌਜ ਦੇ ਮੁਖੀ ਨੇ ਐਲਾਨ ਕੀਤਾ ਕਿ ਉਨ੍ਹਾਂ ਦੀ ਫੌਜ ਜੰਗ ਨੂੰ ਤਿਆਰ ਹੈ।ਟਰੰਪ ਦੇ ਤਾਜ਼ਾ ਟਵੀਟ ਤੋਂ ਮੀਡੀਆ ਜਗਤ ਵਿਚ ਕਈ ਤਰ੍ਹਾਂ ਦੀਆਂ ਖਬਰਾਂ ਚੱਲੀਆਂ ਹਨ। ਕੁਝ ਮੀਡੀਆ ਚੈਨਲਾਂ ਨੇ ਇਸ ਨੂੰ ਅਮਰੀਕੀ ਰਾਸ਼ਟਰਪਤੀ ਦੀ ਸਿਰਫ ਇੱਕ ਚਿਤਾਵਨੀ ਕਿਹਾ ਅਤੇ ਕੁਝ ਦਾ ਕਹਿਣਾ ਹੈ ਕਿ ਡੋਨਾਲਡ ਟਰੰਪ ਦੀ ਚਿਤਾਵਨੀ ਤੇ ਸਖ਼ਤ ਲਹਿਜੇ ਤੋਂਸੋਚਿਆ ਜਾ ਸਕਦਾ ਹੈ ਕਿ ਈਰਾਨ ਦੇ ਖਿਲਾਫ ਅਮਰੀਕਾ ਛੇਤੀ ਕੋਈ ਵੱਡਾ ਐਕਸ਼ਨ ਕਰ ਸਕਦਾ ਹੈ। ਵਰਨਣ ਯੋਗ ਹੈ ਕਿ ਆਰਥਿਕ ਪਾਬੰਦੀਆਂਤੇ ਬੀਤੇ ਦਿਨੀਂ ਤੇਲ ਟੈਂਕਰਾਂ ਉੱਤੇਹੋਏ ਹਮਲੇ ਤੋਂ ਬਾਅਦ ਗਲਫ ਖੇਤਰ ਵਿਚ ਪਹਿਲਾਂ ਹੀ ਤਣਾਅ ਹੈ ਅਤੇ ਇਰਾਨ ਦੀ ਤਾਜ਼ਾ ਕਾਰਵਾਈ ਤੋਂ ਅਮਰੀਕਾ ਕਾਫੀ ਨਾਰਾਜ਼ ਹੈ।
ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਅੱਜ ਦੇ ਟਵੀਟ ਤੋਂ ਬਾਅਦ ਤੇਲ ਦੇ ਰੇਟ ਵਿੱਚ 6 ਫੀਸਦੀ ਵਾਧਾ ਹੋ ਗਿਆ ਹੈ। ਅਮਰੀਕੀ ਵੈਸਟ ਟੈਕਸਸ ਇੰਟਰਮੀਡੀਏਟ ਕਰੂਡ ਨੇ ਤੇਲ ਦਾ ਰੇਟ2.92 ਡਾਲਰ ਵਧਾ ਦਿੱਤਾ ਹੈ, ਜਿਸ ਦੇ ਨਾਲ ਕਰੂਡ ਆਇਲ ਬੈਰਲ ਦਾ ਰੇਟ 56.68 ਡਾਲਰ ਹੋ ਗਿਆ ਹੈ।
ਇਸ ਤੋਂ ਪਹਿਲਾਂ ਅਮਰੀਕਾ ਨੇ ਅੱਜ ਸਵੇਰੇ ਮੰਨ ਲਿਆ ਕਿ ਉਸ ਦਾਤਾਕਤਵਰ ਜਾਸੂਸੀ ਡਰੋਣ ਈਰਾਨ ਨੇ ਡੇਗ ਲਿਆਹੈ। ਦੋਵਾਂ ਦੇਸ਼ਾਂ ਨੇ ਇਸ ਬਾਰੇ ਆਪੋ-ਆਪਣੇ ਦਾਅਵੇ ਕੀਤੇ, ਪਰ ਅਮਰੀਕਾ ਨੇ ਮੰਨ ਲਿਆ ਕਿ ਈਰਾਨ ਨੇ ਉਸ ਦੇ 18 ਕਰੋੜ ਡਾਲਰ ਦੇ ਜਾਸੂਸੀ ਡਰੋਣ ਨੂੰ ਡੇਗਿਆ ਹੈ। ਇਸ ਦੇ ਤੁਰੰਤ ਪਿੱਛੋਂ ਈਰਾਨ ਨੇ ਐਲਾਨ ਕੀਤਾ ਕਿ ਉਹ ਯੁੱਧ ਦਾ ਸਾਹਮਣਾ ਕਰਨ ਨੂੰ ਪੂਰੀ ਤਰ੍ਹਾਂ ਤਿਆਰ ਹੈ। ਵੀਰਵਾਰ ਸਵੇਰੇ ਪਹਿਲਾਂ ਅਮਰੀਕਾ ਨੇ ਈਰਾਨੀ ਫੌਜ ਦਾ ਇਹ ਦਾਅਵਾ ਰੱਦ ਕੀਤਾ ਸੀ ਕਿ ਡਰੋਣ ਉਨ੍ਹਾਂ ਦੇ ਹਵਾਈ ਖੇਤਰ ਵਿਚ ਗਿਆ ਸੀ। ਈਰਾਨੀ ਕਮਾਂਡਰ ਹੁਸੈਨ ਸਲਾਮੀ ਨੇ ਕਿਹਾ ਸੀ ਕਿ ਅਸੀਂ ਅਮਰੀਕਾ ਦਾ ਡਰੋਨ ਡੇਗ ਲਿਆ, ਕਿਉਂਕਿ ਸਾਡੀਆਂ ਸਰਹੱਦਾਂ ਸਾਡੀ ਰੈੱਡ ਲਾਈਨ ਹਨ। ਉਨ੍ਹਾਂ ਕਿਹਾ ਕਿ ਆਰ ਕਿਊ-4 ਗਲੋਬਲ ਹਾਕ ਡਰੋਣ ਨੂੰ ਆਪਣੇ ਦੱਖਣੀ ਸਮੁੰਦਰ ਨੇੜਲੇ ਸੂਬੇ ਹਾਰਮੂਜ਼ਗਨ ਦੇ ਆਕਾਸ਼ ਵਿੱਚ ਨਿਸ਼ਾਨਾ ਬਣਾਇਆਗਿਆ ਹੈ। ਇਕ ਅਮਰੀਕੀ ਬੁਲਾਰੇ ਦੇ ਮੁਤਾਬਕ ਇਹ ਸਮੁੰਦਰੀ ਫੌਜ ਦਾ ਐੱਮ ਕਿਊ-4 ਸੀ ਟ੍ਰਾਈਟਨ ਡਰੋਣ ਅੰਤਰਰਾਸ਼ਟਰੀ ਹਵਾਈ ਖੇਤਰ ਵਿਚ ਸੀ। ਟ੍ਰਾਈਟਨ ਡਰੋਣ ਗਲੋਬਲ ਹਾਕ ਦੀ ਹੀ ਕਿਸਮ ਹੈ ਤੇ ਦੋਵਾਂ ਪੱਖਾਂ ਦੇ ਦਾਅਵੇ ਲੱਗਭਗ ਮਿਲਦੇ ਸਨ। ਬਾਅਦ ਵਿੱਚ ਅਮਰੀਕਾ ਨੇ ਮੰਨ ਲਿਆ ਕਿ ਉਸ ਦੇ ਤਾਕਤਵਰ ਜਾਸੂਸੀ ਡਰੋਣ ਨੂੰ ਈਰਾਨ ਨੇ ਡੇਗ ਲਿਆ ਹੈ।