ਕਰੀਨਾ ਕਪੂਰ ਖਾਨ ਨੇ ਪਿੱਛੇ ਜਿਹੇ ਟੀ ਵੀ ਡੈਬਿਊ ਕੀਤਾ ਹੈ। ਉਹ ਇੱਕ ਡਾਂਸ ਰਿਐਲਿਟੀ ਸ਼ੋਅ ਨੂੰ ਜੱਜ ਕਰਦੀ ਹੋਈ ਨਜ਼ਰ ਆਉਣ ਵਾਲੀ ਹੈ। ਇਸ ਦੇ ਨਾਲ ਉਨ੍ਹਾਂ ਕਿਹਾ ਹੈ ਕਿ ਉਹ ਵੈਬ ਸੀਰੀਜ਼ ਬਾਰੇ ਓਪਨ ਹੈ। ਉਸ ਦੇ ਕਰੀਬੀਆਂ ਦੀ ਮੰਨੀਏ ਤਾਂ ਉਨ੍ਹਾਂ ਨੇ ਇਨ੍ਹਾਂ ਪਲੇਟਫਾਰਮਸ ਦਾ ਰੁਖ਼ ਇਸ ਲਈ ਕੀਤਾ ਹੈ ਕਿ ਉਹ ਮੇਕਰਸ ਨੂੰ ਇੰਡੀਕੇਟ ਕਰ ਸਕਣ ਕਿ ਫਿਲਮਾਂ ਵਿੱਚ ਉਨ੍ਹਾਂ ਨੂੰ ਬਿਹਤਰ ਸਕ੍ਰਿਪਟਸ ਪਿਚ ਕੀਤੀ ਜਾਏ।
ਮੰਨਿਆ ਜਾ ਰਿਹਾ ਹੈ ਕਿ ਕਰੀਨਾ ਨੇ ਅਜਿਹਾ ਚੰਗੇ ਰੋਲ ਆਫਰ ਨਾ ਕੀਤੇ ਜਾਣ ਤੋਂ ਨਾਰਾਜ਼ ਹੋ ਕੇ ਕੀਤਾ ਹੈ। ਖੁਦ ਕਰੀਨਾ ਨੇ ਕੁਝ ਦਿਨ ਪਹਿਲਾਂ ਕਿਹਾ ਸੀ, ‘‘ਫਿਲਮਾਂ ਵਿੱਚ ਆਮ ਤੌਰ ਉੱਤੇ ਸਕ੍ਰਿਪਟ ਐਡੀਟਿੰਗ ਦੇ ਸਮੇਂ ਮਹਿਲਾਵਾਂ ਦੇ ਕਿਰਦਾਰ ਹੀ ਸ਼ਿਕਾਰ ਹੁੰਦੇ ਹਨ। ਫਿਲਮਾਂ ਦੇ ਰਨ ਟਾਈਮ ਦਾ ਹਵਾਲਾ ਦੇ ਕੇ ਉਨ੍ਹਾਂ ਦਾ ਕਿਰਦਾਰ ਕੱਟ ਕੇ ਘੱਟ ਕਰ ਦਿੱਤਾ ਜਾਂਦਾ ਹੈ ਜਦ ਕਿ ਵੈਬ ਸ਼ੋਜ਼ ਨਾਲ ਅਜਿਹਾ ਨਹੀਂ ਹੈ। ਉਥੇ ਇੱਕ ਸੀਜ਼ਨ ਕਈ ਐਪੀਸੋਡਜ਼ ਦਾ ਹੁੰਦਾ ਹੈ। ਹਰ ਕਰੈਕਟਰ ਨੂੰ ਸਾਹ ਲੈਣ ਦਾ ਕਾਫੀ ਸਕੋਪ ਹੁੰਦਾ ਹੈ।”