ਜੂਨ 15, 16 ਨੂੰ ਕੈਸੀ ਕੈਂਪਬਲ ਗਰੌਂਦ ਵਿਖੇ ਕਰਵਾਏ ਗਏ ਏ.ਸੀ ਟੂਰਨਾਮੈਂਟ ਵਿੱਚ ਲਾਇਨਜ਼ ਫ਼ੀਲਡ ਹਾਕੀ ਕਲੱਬ ਸਮੇਤ ਕੁਬੈਕ ਦੀ ਪ੍ਰੋਵਿੰਸ਼ੀਅਲ ਟੀਮ, ਕੈਨੇਡੀਅਨ ਫ਼ੀਲਡ ਹਾਕੀ ਅਤੇ ਬਰੈਮਟਨ ਦੀਆ ਸੀਨੀਅਰ ਟੀਮਾਂ ਨੇ ਵੀ ਭਾਗ ਲਿਆ। ਫਾਈਨਲ ਮੈਚ ਵਿੱਚ ਕੈਨੇਡੀਅਨ ਫ਼ੀਲਡ ਹਾਕੀ ਐਂਡ ਕਲਚਰਲ ਕਲੱਬ ਨੂੰ 2-0 ਦੇ ਫਰਕ ਨਾਲ ਹਰਾਕੇ ਲਿਇਨਜ਼ ਫ਼ੀਲਡ ਹਾਕੀ ਕਲੱਬ ਨੇ ਗੋਲਡ ਮੈਡਲ ਹਾਸਿਲ ਕੀਤਾ। ਜੂਨ 8, 9 ਨੂੰ ਮਿਸੀਸਾਗਾ ਦੀ ਅਇਸਲੈਂਡ ਗਰੌਂਦ ਵਿਖੇ ਕਰਵਾਏ ਗਏ ਸਲਾਨਾ ਕੈਨੇਡੀਅਨ ਫ਼ੀਲਡ ਹਾਕੀ ਐਂਡ ਕਲਚਰਲ ਕਲੱਬ ਟੂਰਨਾਮੈਂਟ ਵਿਚ ਲਾਇਨਜ਼ ਫ਼ੀਲਡ ਹਾਕੀ ਕਲੱਬ ਦੀ ਅੰਡਰ 12 ਸਾਲ ਦੀ ਟੀਮ ਨੇ ਬਹੁਤ ਸੋਹਣੀ ਖੇਡ ਪ੍ਰਦਰਸ਼ਨ ਕੀਤੀ ਅਤੇ ਇਕ ਹੋਰ ਗੋਲਡ ਮੈਡਲ ਜਿਤਿਆ। ਇਹ ਦਸਣਯੋਗ ਹੈ ਕਿ ਲਾਇਨਜ਼ ਦੇ ਜ਼ਿਆਦਾਤਰ ਖਿਡਾਰੀਆਂ ਨੂੰ ਸਿਰਫ ਇਕ ਸਾਲ ਹਾਕੀ ਖੇਡਦਿਆਂ ਨੂੰ ਹੋਇਆ ਹੈ . ਇਹ ਕਾਮਯਾਬੀ ਕਲੱਬ ਦੇ ਚੰਗੇ ਕੋਚਾਂ ਕਰਕੇ ਮਿਲੀ ਹੈ ਜਿਨ੍ਹਾਂ ਨੇ ਬੱਚਿਆਂ ਨੂੰ ਪ੍ਰੋਫੈਸ਼ਨਲ ਕੋਚਿੰਗ ਦਿਤੀ ਹੈ ਅਤੇ ਫਿੱਟਨੈਸ ਦਾ ਮੁੱਖ ਖਿਆਲ ਰੱਖਿਆ ਹੈ। ਅਗਰ ਤੁਸੀਂ ਵੀ ਆਪਣੇ ਬੱਚਿਆਂ ਨੂੰ ਫ਼ੀਲਡ ਹਾਕੀ ਵਿਚ ਪਾਉਣਾ ਚੁਹੰਦੇ ਹੋ ਤਾਂ ਜੀਵਨ ਜੋਤ ਬਾਠ ਨਾਲ lionsfhc@gmail.com `ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।