Welcome to Canadian Punjabi Post
Follow us on

18

October 2019
ਭਾਰਤ

ਦੂਜਿਆਂ ਮੁਕਾਬਲੇ ਵੱਧ ਖੁਸ਼ ਤੇ ਸਫਲ ਹੁੰਦੇ ਹਨ ‘ਮਾਂ ਦੇ ਲਾਡਲੇ’

June 19, 2019 11:15 PM

ਨਵੀਂ ਦਿੱਲੀ, 19 ਜੂਨ (ਪੋਸਟ ਬਿਊਰੋ)- ਇਹ ਗੱਲ ਸਾਰੇ ਮੰਨਦੇ ਹਨ ਕਿ ਮਾਤਾ-ਪਿਤਾ ਹੋਣਾ ਸੌਖਾਲਾ ਨਹੀਂ, ਕੁਝ ਲੋਕ ਇਸ ਨੂੰ ਦੁਨੀਆ ਵਿੱਚ ਸਭ ਤੋਂ ਲਾਹੇਵੰਦ ਜੌਬ ਮੰਨਦੇ ਹਨ, ਭਾਵੇਂ ਇਸ ਦਾ ਕੋਈ ਮਿਹਨਤਾਨਾ ਨਹੀਂ ਮਿਲਦਾ। ਇਸ ਦੇ ਬਦਲੇ ਮਾਤਾ-ਪਿਤਾ ਸਿਰਫ ਬੱਚਿਆਂ ਦਾ ਪਿਆਰ ਚਾਹੁੰਦੇ ਹਨ, ਜਿਸ ਦਾ ਕੋਈ ਮੁਕਾਬਲਾ ਨਹੀਂ।
ਬਹੁਤ ਸਾਰੇ ਬੱਚੇ ਆਪਣੀ ਮਾਂ ਦੇ ਲਾਡਲੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਅੰਗਰੇਜ਼ੀ ਵਿੱਚ ‘ਮਮਾਸ ਬੁਆਏਜ਼’ ਕਿਹਾ ਜਾਂਦਾ ਹੈ, ਪਰ ਅਜਿਹੇ ਰੁਝਾਨ ਵਾਲੇ ਲੋਕਾਂ 'ਤੇ ਹੋਈ ਖੋਜ ਬਹੁਤ ਹੈਰਾਨ ਕਰਨ ਵਾਲੀ ਹੈ। ਮਾਹਰਾਂ ਮੁਤਾਬਕ ਦੂਜਿਆਂ ਦੀ ਤੁਲਨਾ ਵਿੱਚ ਮਾਂ ਦੇ ਲਾਡਲੇ ਵੱਧ ਖੁਸ਼ ਹੁੰਦੇ ਹਨ ਅਤੇ ਪ੍ਰਾਪਤੀਆਂ ਦੇ ਪੱਖ ਤੋਂ ਵੀ ਵੱਧ ਸਫਲ ਹਨ। ਆਪਣੇ ਬੱਚੇ ਲਈ ਹਮੇਸ਼ਾ ਚਿੰਤਾ ਕਰਨਾ ਅਤੇ ਉਸ ਦੇ ਕੰਮ ਵਿੱਚ ਕਦੀ ਨਾ ਥੱਕਣਾ, ਇੱਕ ਮਨੁੱਖ ਦੀ ਪਾਲਣਾ-ਪੋਸ਼ਣਾ ਕਰਨਾ ਬਹੁਤ ਵੱਡੀ ਗੱਲ ਹੈ ਤੇ ਸਾਰੇ ਮਾਤਾ-ਪਿਤਾ ਇਸ ਲਈ ਸਲੂਟ ਦੇ ਹੱਕਦਾਰ ਹਨ। ਪੇਰੈਂਟਿੰਗ ਦੌਰਾਨ ਬਹੁਤ ਸਾਰੀਆਂ ਅਜਿਹੀਆਂ ਚੁਣੌਤੀਆਂ ਹਨ, ਜਿਸ ਵਿੱਚ ਹਰ ਕਿਸੇ ਦਾ ਬੱਚਿਆਂ ਦੀ ਪਾਲਣ ਪੋਸ਼ਣ ਦਾ ਆਪਣਾ ਵੱਖਰਾ ਸਟਾਈਲ ਹੁੰਦਾ ਹੈ, ਪਰ ਕੁਝ ਲੋਕਾਂ ਨੂੰ ਲੱਗਦਾ ਹੈ ਕਿ ਉਨ੍ਹਾਂ ਦੀ ਤਰੀਕਾ ਸਭ ਤੋਂ ਚੰਗਾ ਹੈ। ਬਹੁਤ ਸਾਰੇ ਮਾਤਾ-ਪਿਤਾ ਦੂਜਿਆਂ ਨੂੰ ਦੇਖ ਕੇ ਸਿੱਖਦੇ ਹਨ ਕਿ ਉਹ ਆਪਣੇ ਬੱਚਿਆਂ ਦਾ ਪਾਲਣ ਪੋਸ਼ਣ ਕਿਵੇਂ ਕਰਦੇ ਹਨ। ਜੇ ਕੋਈ ਬੇਟਾ ਮਾਂ ਦਾ ਲਾਡਲਾ ਹੈ ਤਾਂ ਤੁਹਾਨੂੰ ਪ੍ਰੇਸ਼ਾਨ ਹੋਣ ਦੀ ਲੋੜ ਨਹੀਂ ਹੈ। ਜੇ ਉਹ ਪਿਤਾ ਕੋਲ ਜ਼ਿਆਦਾ ਨਹੀਂ ਠਹਿਰਦਾ ਅਤੇ ਕਿਸੇ ਦੀ ਤੁਲਨਾ ਵਿੱਚ ਮਾਂ ਨੂੰ ਜ਼ਿਆਦਾ ਸਮਾਂ ਦਿੰਦਾ ਹੈ ਤਾਂ ਚਿੰਤਾ ਦੀ ਲੋੜ ਨਹੀਂ। ਅਜਿਹਾ ਇਸ ਲਈ ਹੈ ਕਿ ਮਾਹਰ ਕਹਿੰਦੇ ਹਨ ਕਿ ਮਾਂ ਦੇ ਲਾਡਲੇ ਹੋਰਨਾਂ ਦੇ ਮੁਕਾਬਲੇ ਨਿਸ਼ਚਿਤ ਰੂਪ ਨਾਲ ਵੱਧ ਖੁਸ਼ ਅਤੇ ਵੱਧ ਸਫਲ ਰਹਿੰਦੇ ਹਨ। ਇਸ ਖੋਜ ਵਿੱਚ ਪਤਾ ਲੱਗਾ ਕਿ ਜੇ ਬੇਟਾ ਆਪਣੀ ਮਾਂ ਨਾਲ ਜ਼ਿਆਦਾ ਸਮਾਂ ਰਹਿੰਦਾ ਹੈ ਤਾਂ ਉਸ ਦੀ ਮਾਂ ਕਦੀ ਕੁਝ ਗਲਤ ਨਹੀਂ ਕਰ ਸਕਦੀ, ਹਮੇਸ਼ਾ ਉਹ ਚੰਗੀਆਂ ਗੱਲਾਂ ਬੱਚੇ ਨੂੰ ਸਿਖਾਵੇਗੀ ਅਤੇ ਖੁਦ ਵੀ ਬੱਚਾ ਜੋ ਕੁਝ ਆਬਜ਼ਰਵ ਕਰੇਗਾ, ਉਹ ਬਿਹਤਰ ਇਨਸਾਨ ਬਣ ਜਾਵੇਗਾ ਕਿਉਂਕਿ ਮਾਂ ਆਪਣੇ ਹਰ ਬੱਚੇ ਨਾਲ ਚੰਗਾ ਰਿਸ਼ਤਾ ਨਿਭਾਉਂਦੀ ਹੈ, ਪਰ ਜੋ ਬੱਚਾ ਮਾਂ ਦੇ ਰਿਸ਼ਤੇ ਨੂੰ ਮਜ਼ਬੂਤੀ ਨਾਲ ਨਿਭਾਉਂਦਾ ਹੈ, ਉਹ ਨਿਸ਼ਚਿਤ ਰੂਪ ਵਿੱਚ ਸ਼ਾਨਦਾਰ ਪਾਲਣ-ਪੋਸ਼ਣ ਪਾਉਂਦਾ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਫਲੈਗ ਮੀਟਿੰਗ ਮੌਕੇ ਬੰਗਲਾਦੇਸ਼ੀ ਬਾਰਡਰ ਗਾਰਡ ਨੇ ਗੋਲੀ ਚਲਾ ਦਿੱਤੀ
ਅਯੋਧਿਆ ਕੇਸ: ਸੁੰਨੀ ਵਕਫ਼ ਬੋਰਡ ਨੇ ਵਿਚੋਲਗੀ ਪੈਨਲ ਨੂੰ ਸਮਝੌਤੇ ਲਈ ਤਜਵੀਜ਼ ਦਿੱਤੀ ਮੰਨੀ
ਜਦੋਂ ਪਾਕਿਸਤਾਨ ਦੇ ਜੰਗੀ ਜਹਾਜ਼ਾਂ ਨੇ ਭਾਰਤ ਦਾ ਮੁਸਾਫਰ ਯਾਤਰੀ ਜਹਾਜ਼ ਘੇਰ ਲਿਆ
ਕਸ਼ਮੀਰੀ ਅੱਤਵਾਦੀਆਂ ਵੱਲੋਂ ਅਬੋਹਰ ਦੇ ਵਪਾਰੀ ਦੀ ਹੱਤਿਆ
ਜਸਟਿਸ ਮਿਸ਼ਰਾ ਨੂੰ ਭੂਮੀ ਅਕੁਆਇਰ ਕੇਸ ਤੋਂ ਵੱਖ ਕਰਨ ਬਾਰੇ ਸੁਣਵਾਈ 23 ਨੂੰ
ਬੱਚਿਆਂ ਨੂੰ ਰੱਜਵੀਂ ਰੋਟੀ ਦੇਣ ਪੱਖੋਂ ਪਾਕਿਸਤਾਨ ਤੋਂ ਵੀ ਪਛੜਿਆ ਭਾਰਤ
ਮਨਮੋਹਨ ਸਿੰਘ ਦਾ ਹਮਲਾ: ਮੋਦੀ ਸਰਕਾਰ ਦਾ ਵਿਕਾਸ ਦਾ ਡਬਲ ਇੰਜਣ ਮਾਡਲ ਫੇਲ੍ਹ ਹੋਇਐ
ਕੇਜਰੀਵਾਲ ਦਾ ਨਵਾਂ ਕਦਮ: ਕਰਤਾਰਪੁਰ ਜਾਣ ਵਾਲੇ ਸਿੱਖ ਸ਼ਰਧਾਲੂਆਂ ਦਾ ਪੂਰਾ ਖਰਚਾ ਦਿੱਲੀ ਸਰਕਾਰ ਚੁੱਕੇਗੀ
ਅਯੋਧਿਆ ਕੇਸ ਦੀ ਸੁਣਵਾਈ ਦੌਰਾਨ ਮੁਸਲਿਮ ਧਿਰ ਦੇ ਵਕੀਲ ਨੇ ਨਕਸ਼ਾ ਪਾੜ ਸੁੱਟਿਆ
ਸੁਣਵਾਈ ਤੋਂ ਜੱਜ ਦੇ ਹਟਣ ਬਾਰੇ ਸੋਸ਼ਲ ਮੀਡੀਆ ਉੱਤੇ ਮੁਹਿੰਮ ਤੋਂ ਸੁਪਰੀਮ ਕੋਰਟ ਨਾਰਾਜ਼