Welcome to Canadian Punjabi Post
Follow us on

05

June 2020
ਕੈਨੇਡਾ

ਜਿਨਸੀ ਹਮਲਿਆਂ ਸਬੰਧੀ ਰਿਪੋਰਟਾਂ ਦੀ ਗਿਣਤੀ ਵਿੱਚ ਹੋਇਆ ਇਜਾਫਾ ਸਕਾਰਾਤਮਕ ਤਬਦੀਲੀ: ਪੈਟਰਸਨ

October 09, 2018 08:17 AM

ਓਟਵਾ, 8 ਅਕਤੂਬਰ (ਪੋਸਟ ਬਿਊਰੋ) : ਕੈਨੇਡੀਅਨ ਫੋਰਸਿਜ਼ ਦਾ ਕਹਿਣਾ ਹੈ ਕਿ ਜਿਨਸੀ ਹਮਲੇ ਸਬੰਧੀ ਸਾਹਮਣੇ ਆ ਰਹੀਆਂ ਰਿਪੋਰਟਾਂ ਦੀ ਗਿਣਤੀ ਵਿੱਚ ਹੋਇਆ ਇਜਾਫਾ ਚੰਗੀ ਗੱਲ ਹੈ। ਇਸ ਤੋਂ ਸਿੱਧ ਹੁੰਦਾ ਹੈ ਕਿ ਫੌਜ ਵਿੱਚ ਇਸ ਤਰ੍ਹਾਂ ਦੇ ਵਿਵਹਾਰ ਨੂੰ ਰੋਕਣ ਲਈ ਕੀਤੀਆਂ ਜਾ ਰਹੀਆਂ ਕੋਸਿ਼ਸ਼ਾਂ ਨੂੰ ਬੂਰ ਪੈਣ ਲੱਗਿਆ ਹੈ। ਇਸ ਦਾ ਨਾ ਸਿਰਫ ਸਕਾਰਾਤਮਕ ਪ੍ਰਭਾਵ ਨਜ਼ਰ ਆ ਰਿਹਾ ਹੈ ਸਗੋਂ ਅਸਲ ਜੁਰਮ ਵੀ ਸਾਹਮਣੇ ਆਉਣ ਲੱਗਿਆ ਹੈ।
ਪਹਿਲੀ ਅਪਰੈਲ 2017 ਤੋਂ 31 ਮਾਰਚ 2018 ਦਰਮਿਆਨ ਫੌਜੀ ਅਧਿਕਾਰੀਆਂ ਨੂੰ ਜਿਨਸੀ ਹਮਲੇ ਸਬੰਧੀ 111 ਰਿਪੋਰਟਾਂ ਹਾਸਲ ਹੋਈਆਂ। ਜੋ ਕਿ ਪਿਛਲੇ ਸਾਲ ਹਾਸਲ ਹੋਈਆਂ ਸਿਰਫ 47 ਰਿਪੋਰਟਾਂ ਨਾਲੋਂ ਦੁੱਗਣੀਆਂ ਹਨ। ਭਾਵੇਂ ਇਹ ਗਿਣਤੀ ਦਿਲ ਦਹਿਲਾ ਦੇਣ ਵਾਲੀ ਹੈ ਪਰ ਫੌਜ ਦੀ ਸੈਕਸੂਅਲ ਮਿਸਕੰਡਕਟ ਰਿਸਪਾਂਸ ਟੀਮ ਦੀ ਮੁਖੀ ਦਾ ਕਹਿਣਾ ਹੈ ਕਿ ਇਹ ਫੌਜ ਵੱਲੋਂ ਇਸ ਤਰ੍ਹਾਂ ਦੇ ਜੁਰਮ ਨੂੰ ਖਤਮ ਕਰਨ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਸਦਕਾ ਹੈ।
ਵੀਰਵਾਰ ਨੂੰ ਇੱਕ ਇੰਟਰਵਿਊ ਵਿੱਚ ਕੌਮੋਡੋਰ ਰੈਬੇਕਾ ਪੈਟਰਸਨ, ਜਿਨ੍ਹਾਂ ਨੇ ਜੁਲਾਈ ਵਿੱਚ ਇਸ ਰਿਸਪਾਂਸ ਟੀਮ ਦੀ ਵਾਗਡੋਰ ਸਾਂਭੀ ਸੀ, ਨੇ ਆਖਿਆ ਕਿ ਇਹ ਸਕਾਰਾਤਮਕ ਸੰਕੇਤ ਹੈ ਕਿ ਲੋਕ ਆਪਣੇ ਆਪ ਸਾਹਮਣੇ ਆਉਣ ਲੱਗੇ ਹਨ। ਪਿਛਲੇ ਕੁੱਝ ਸਾਲਾਂ ਵਿੱਚ ਜਿਹੜੀਆਂ ਗੱਲਾਂ ਨੂੰ ਅਣਗੌਲਿਆ ਗਿਆ ਉਨ੍ਹਾਂ ਬਾਰੇ ਹੁਣ ਖੁੱਲ੍ਹ ਕੇ ਬੋਲਿਆ ਜਾ ਰਿਹਾ ਹੈ, ਰਿਪੋਰਟ ਕੀਤਾ ਜਾ ਰਿਹਾ ਹੈ। ਅਜਿਹਾ ਇਸ ਲਈ ਕਿਉਂਕਿ ਹੁਣ ਜਾ ਕੇ ਲੋਕਾਂ ਨੂੰ ਲੱਗਣ ਲੱਗਿਆ ਹੈ ਕਿ ਜੇ ਉਹ ਕੁੱਝ ਗਲਤ ਮਹਿਸੂਸ ਕਰਦੇ ਜਾਂ ਵੇਖਦੇ ਹਨ ਤਾਂ ਉਨ੍ਹਾਂ ਨੂੰ ਉਸ ਬਾਰੇ ਰਿਪੋਰਟ ਕਰਨਾ ਚਾਹੀਦਾ ਹੈ।
ਉਨ੍ਹਾਂ ਆਖਿਆ ਕਿ ਚੀਫ ਆਫ ਡਿਫੈਂਸ ਸਟਾਫ ਜਨਰਲ ਜੌਨਾਥਨ ਵਾਂਸ ਇਹ ਚੇਤਾਵਨੀ ਦੇ ਚੁੱਕੇ ਹਨ ਕਿ ਫੌਜ ਵਿੱਚ ਜਿਨਸੀ ਦੁਰਵਿਵਹਾਰ ਵਾਲੀ ਪਹੁੰਚ ਸਵੀਕਾਰੀ ਨਹੀਂ ਜਾਵੇਗੀ ਤੇ ਜਿਹੜੇ ਇਸ ਵੱਲ ਕੰਨ ਨਹੀਂ ਕਰ ਰਹੇ ਉਨ੍ਹਾਂ ਨੂੰ ਸਖਤ ਸਜ਼ਾ ਦਿੱਤੀ ਜਾਵੇਗੀ। ਕਥਿਤ ਜਿਨਸੀ ਹਮਲਿਆਂ ਤੋਂ ਇਲਾਵਾ ਫੌਜੀ ਅਧਿਕਾਰੀਆਂ ਨੂੰ 231 ਰਿਪੋਰਟਾਂ ਗੈਰ ਮੁਜਰਮਾਨਾ ਗਲਤ ਜਿਨਸੀ ਵਿਵਹਾਰ ਵਾਰੀਆਂ ਰਿਪੋਰਟਾਂ ਮਿਲੀਆਂ ਜਿਨ੍ਹਾਂ ਵਿੱਚ ਗਲਤ ਜਿਨਸੀ ਭਾਸ਼ਾ ਜਾਂ ਮਜ਼ਾਕ, ਗਲਤ ਤਰ੍ਹਾਂ ਦੀ ਸਮੱਗਰੀ ਵਿਖਾਉਣਾ ਤੇ ਜਿਨਸੀ ਸਬੰਧਾਂ ਲਈ ਦਬਾਅ ਪਾਉਣਾ ਆਦਿ ਸ਼ਾਮਲ ਹੈ।
ਇਸ ਤੋਂ ਇਲਾਵਾ 76 ਰਿਪੋਰਟਾਂ ਹੋਰ ਤਰ੍ਹਾਂ ਦੇ ਜਿਨਸੀ ਜੁਰਮਾਂ ਨਾਲ ਸਬੰਧਤ ਹਨ, ਜਿਨ੍ਹਾਂ ਵਿੱਚ ਜਿਨਸੀ ਤੌਰ ਉੱਤੇ ਤੰਗ ਪਰੇਸ਼ਾਨ ਕੀਤਾ ਜਾਣਾ, ਗਲਤ ਤਰ੍ਹਾਂ ਦਾ ਸਰੀਰਕ ਪੋਸਚਰ, ਚਾਈਲਡ ਪੋਰਨੋਗ੍ਰਾਫੀ, ਆਪਣੇ ਰੁਤਬੇ ਦੀ ਦੁਰਵਰਤੋਂ ਰਾਹੀਂ ਕਿਸੇ ਦਾ ਜਿਨਸੀ ਸ਼ੋਸ਼ਣ ਕਰਨਾ ਆਦਿ ਸ਼ਾਮਲ ਹਨ। ਪੈਟਰਸਨ ਨੇ ਆਖਿਆ ਕਿ ਫੌਜ ਵਿੱਚੋਂ ਜਿਨਸੀ ਸ਼ੋਸ਼ਣ ਨੂੰ ਖਤਮ ਕੀਤਾ ਜਾਣਾ ਸਾਡੀ ਮੁੱਖ ਤਰਜੀਹ ਹੈ। ਇਸ ਤਰ੍ਹਾਂ ਦੀ ਤਬਦੀਲੀ ਲੈ ਕੇ ਆਉਣ ਵਿੱਚ ਅਜੇ ਲੰਮਾਂ ਸਮਾਂ ਲੱਗੇਗਾ ਕਿਉਂਕਿ ਇਹ ਲੰਮੀ ਪ੍ਰਕਿਰਿਆ ਹੈ। ਪੈਟਰਸਨ ਨੇ ਆਖਿਆ ਕਿ ਅਜੇ ਅੰਦਰੂਨੀ ਸਰਵੇਖਣ ਦੀ ਰਿਪੋਰਟ ਦੇ ਨਤੀਜੇ ਵੀ ਸਾਹਮਣੇ ਆਉਣੇ ਬਾਕੀ ਹਨ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਫੋਰਡ ਸਰਕਾਰ ਵੱਲੋਂ ਐਂਟੀ ਰੇਸਿਜ਼ਮ ਕਾਉਂਸਲ ਕਾਇਮ ਕਰਨ ਦਾ ਐਲਾਨ
ਬੰਬਾਰਡੀਅਰ 196 ਕਾਮਿਆਂ ਦੀ ਕਰੇਗੀ ਛਾਂਗੀ
ਕੋਵਿਡ-19 ਵੈਕਸੀਨ ਦੁਨੀਆ ਭਰ ਵਿੱਚ ਸ਼ੇਅਰ ਕੀਤੀ ਜਾਣੀ ਚਾਹੀਦੀ ਹੈ : ਟਰੂਡੋ
ਜੁਲਾਈ ਦੇ ਪਹਿਲੇ ਹਫਤੇ ਸੀਨੀਅਰਜ਼ ਨੂੰ ਮਿਲੇਗੀ ਕੋਵਿਡ-19 ਸਬੰਧੀ ਆਰਥਿਕ ਮਦਦ
ਟੋਰਾਂਟੋ ਵਿੱਚ ਫੂਡ ਵੈਂਡਰਜ਼ ਤੇ ਆਈਸ ਕ੍ਰੀਮ ਟਰੱਕਸ ਨੂੰ ਆਪਰੇਟ ਕਰਨ ਦੀ ਮਿਲੀ ਇਜਾਜ਼ਤ
ਇਕਨੌਮਿਕ ਰੀਓਪਨਿੰਗ ਦੇ ਦੂਜੇ ਪੜਾਅ ਬਾਰੇ ਫੈਸਲਾ ਅਗਲੇ ਹਫਤੇ: ਫੋਰਡ
ਹਾਂਗ ਕਾਂਗ ਰਹਿ ਰਹੇ ਕੈਨੇਡੀਅਨਜ਼ ਕਦੇ ਵੀ ਆਪਣੇ ਘਰ ਆ ਸਕਦੇ ਹਨ : ਫਰੀਲੈਂਡ
ਲੋਕਲ ਕੰਪਨੀਆਂ ਨੂੰ ਪੀਪੀਈ ਕਿੱਟਾਂ ਤਿਆਰ ਕਰਨ ਲਈ 2.8 ਮਿਲੀਅਨ ਡਾਲਰ ਦੇਵੇਗੀ ਫੋਰਡ ਸਰਕਾਰ
ਕੋਵਿਡ-19 ਦਾ ਪਤਾ ਲਾਉਣ ਲਈ ਸਲਾਇਵਾ ਦੇ ਆਧਾਰ ਉੱਤੇ ਟੈਸਟ ਤਿਆਰ ਕਰ ਰਹੀ ਹੈ ਕੈਨੇਡੀਅਨ ਕੰਪਨੀ
ਓਨਟਾਰੀਓ ਵਿਧਾਨਸਭਾ ਨੇ ਸਟੇਟ ਆਫ ਐਮਰਜੰਸੀ 30 ਜੂਨ ਤੱਕ ਵਧਾਈ