ਕੋਲਕਾਤਾ, 18 ਜੂਨ, (ਪੋਸਟ ਬਿਊਰੋ)-ਲੋਕ ਸਭਾ ਦੀਆਂ ਚੋਣਾਂ ਪਿੱਛੋਂ ਭਾਜਪਾ ਦਾ ਪੱਲਾ ਫੜਨ ਵਾਲੇ ਤ੍ਰਿਣਮੂਲ ਕਾਂਗਰਸ ਦੇ ਆਗੂਆਂ ਉੱਤੇ ਵਰ੍ਹਦੇ ਹੋਏ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਉਨ੍ਹਾਂ ਆਗੂਆਂ ਨੂੰ ਲਾਲਚੀ ਤੇ ਭ੍ਰਿਸ਼ਟ ਆਖ ਕੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਤ੍ਰਿਣਮੂਲ ਕਾਂਗਰਸ ਦੇ ‘ਕੂੜੇ` ਨੂੰ ਇਕੱਠਾ ਕਰ ਰਹੀ ਹੈ। ਪੂਰੇ ਪੱਛਮੀ ਬੰਗਾਲ ਦੇ ਕੌਂਸਲਰਾਂ ਦੀ ਅੱਜ ਕੀਤੀ ਬੈਠਕ ਵਿੱਚਮਮਤਾ ਬੈਨਰਜੀ ਨੇ ਕਿਹਾ ਕਿ ਧੋਖੇਬਾਜ਼ ਆਗੂਆਂ ਦੀ ਬਜਾਏਮੈਂ ਸਮਰਪਿਤ ਮੈਂਬਰਾਂ ਨੂੰ ਆਪਣੀ ਪਾਰਟੀ ਵਿੱਚ ਸ਼ਾਮਲ ਕਰਾਂਗੀ, ਸਾਨੂੰ ਚੋਰ ਨਹੀਂ ਚਾਹੀਦੇ।
ਇਸ ਮੌਕੇ ਮਮਤਾ ਬੈਨਰਜੀ ਨੇ ਕਿਹਾ ਕਿ ਤ੍ਰਿਣਮੂਲ ਕਾਂਗਰਸ ਦੇ ਜਿਹੜੇ ਆਗੂ ਭਾਜਪਾ ਵਿੱਚਜਾਣਾ ਚਾਹੁੰਦੇ ਹਨ, ਉਹ ਤੁਰੰਤ ਪਾਰਟੀ ਛੱਡ ਦੇਣ। ਉਨ੍ਹਾਂ ਕਿਹਾ ਕਿ ਸਾਨੂੰ ਭ੍ਰਿਸ਼ਟ ਅਤੇ ਲਾਲਚੀ ਆਗੂਆਂ ਦੀ ਲੋੜ ਨਹੀਂ, ਸਾਡੀ ਪਾਰਟੀ ਦੇ ਤਿੰਨ ਵਿਧਾਇਕ ਤੇ ਕੁਝ ਕੌਂਸਲਰ ਇਸ ਲਈ ਭਾਜਪਾ ਵਿੱਚ ਸ਼ਾਮਲ ਹੋਏ ਹਨ ਕਿ ਉਨ੍ਹਾਂ ਨੂੰ ਆਪਣੀ ਕਰਨੀ ਦਾ ਡਰ ਸਤਾ ਰਿਹਾ ਸੀ, ਪਰ ਭਾਜਪਾ ਵਿੱਚ ਜਾ ਕੇਉਹ ਭ੍ਰਿਸ਼ਟਾਚਾਰ ਦੀ ਜਾਂਚ ਤੋਂ ਬਚ ਨਹੀਂ ਸਕਣਗੇ। ਮਮਤਾ ਬੈਨਰਜੀ ਨੇ ਕਿਹਾ ਕਿ 2021 ਵਿੱਚ ਹੋਣ ਵਾਲੀਆਂ ਅਸੈਂਬਲੀ ਚੋਣਾਂ ਤੋਂ ਪਹਿਲਾਂ ਉਹ ਪਾਰਟੀ ਦਾ ਪੁਨਰ ਗਠਨ ਕਰੇਗੀ। ਤ੍ਰਿਣਮੂਲ ਕੋਈ ਕਮਜ਼ੋਰ ਪਾਰਟੀ ਨਹੀਂ ਹੈ, ਜੇ 15-20 ਕੌਂਸਲਰ ਜਾਂ ਵਿਧਾਇਕ ਪੈਸੇ ਲੈ ਕੇ ਪਾਰਟੀ ਛੱਡ ਗਏ ਤਾਂ ਪ੍ਰਵਾਹ ਨਹੀਂ। ਇਕ ਵਿਅਕਤੀ ਜਾਏਗਾ ਤਾਂ 500 ਹੋਰ ਤਿਆਰ ਕਰ ਲਵਾਂਗੇ।
ਲੋਕ ਸਭਾ ਚੋਣਾਂ ਵਿੱਚਦੇ ਚੋਣ ਨਤੀਜਿਆਂ ਤੋਂ ਬਾਅਦ ਮਮਤਾ ਬੈਨਰਜੀ ਨੇ ਨੇ ਜਨਤਕ ਤੌਰ ਉੱਤੇ ਇਹ ਸਵੀਕਾਰ ਕੀਤਾ ਹੈ ਕਿ ਅੱਜ ਤਕ ਮੈਂ ਤ੍ਰਿਣਮੂਲ ਕਾਂਗਰਸ ਦੀ ਟ੍ਰੇਡ ਯੂਨੀਅਨ ਨੂੰ ਉਚਿਤ ਰੂਪ ਨਾਲ ਕੰਮ ਕਰਨ ਦੀ ਆਗਿਆ ਨਹੀਂਸੀ ਦਿੱਤੀ ਤਾਂ ਕਿ ਉਦਯੋਗ ਕੰਮ ਕਰ ਸਕਣ, ਅੱਗੇ ਤੋਂ ਮੈਂ ਟਰੇਡ ਯੂਨੀਅਨਾਂ ਨੂੰ ਮਜ਼ਬੂਤ ਕਰਾਂਗੀ। ਉਨ੍ਹਾਂ ਨੇ ਇਹ ਮੰਨਿਆ ਕਿ 1998 ਵਿੱਚਬਣਾਈ ਆਪਣੀ ਪਾਰਟੀ ਦੇ ਕੰਮਾਂ ਲਈ ਉਨ੍ਹਾਂ ਨੇ ਪੂਰਾ ਸਮਾਂ ਨਹੀਂ ਦਿੱਤਾ।