ਜਲਦ ਫਿਲਮ ‘5 ਵੈਂਡਿੰਗਜ਼’ ਵਿੱਚ ਰਾਜ ਕੁਮਾਰ ਰਾਓ ਦੇ ਆਪੋਜ਼ਿਟ ਨਜ਼ਰ ਆਉਣ ਜਾ ਰਹੀ ਨਰਗਿਸ ਫਾਖਰੀ ਕਹਿੰਦੀ ਹੈ ਕਿ ਉਸ ਨੂੰ ਕਾਮੇਡ ਰੋਲ ਕਾਫੀ ਪਸੰਦ ਹਨ।
ਉਹ ਕਹਿੰਦੀ ਹੈ, ‘‘ਅਸਲ ਜ਼ਿੰਦਗੀ 'ਚ ਕਈ ਲੋਕ ਮੈਨੂੰ ਕਹਿੰਦੇ ਹਨ ਕਿ ਮੈਂ ਫਨੀ (ਮਜ਼ਾਕੀਆ) ਹਾਂ। ਭਾਵੇਂ ਕਿ ਰੋਜ਼ਾਨਾ ਦੀ ਜ਼ਿੰਦਗੀ ਵਿੱਚ ਮਜ਼ਾਕੀਆ ਹੋਣਾ ਆਸਾਨ ਹੈ, ਪਰ ਮੈਨੂੰ ਲੱਗਦਾ ਹੈ ਕਿ ਸਕਰੀਨ 'ਤੇ ਕਾਮੇਡੀ ਕਰਨਾ ਥੋੜ੍ਹਾ ਮੁਸ਼ਕਲ ਹੈ। ਫਿਰ ਵੀ ਕਾਮੇਡੀ ਫਿਲਮ ਦਾ ਹਿੱਸਾ ਬਣਨਾ ਬਹੁਤ ਮਜ਼ੇਦਾਰ ਹੰੁਦਾ ਹੈ। ਮੇਰੀ ਫਿਲਮ ‘5 ਵੈਂਡਿੰਗਜ਼’ ਪੂਰੀ ਤਰ੍ਹਾਂ ਨਾਲ ਕਾਮੇਡੀ ਫਿਲਮ ਨਹੀਂ ਹੈ, ਪਰ ਇਸ ਦੇ ਕੁਝ ਹਿੱਸੇ ਕਾਮੇਡੀ ਨਾਲ ਭਰਪੁੂਰ ਹਨ, ਜਿਨ੍ਹਾਂ ਨੂੰ ਫਿਲਮਾਉਣ ਵਿੱਚ ਬਹੁਤ ਮਜ਼ਾ ਆਇਆ।”
ਉਸ ਨੇ ਕਿਹਾ, ‘‘ਮੈਂ ਐਕਸ਼ਨ ਰੋਲ ਵੀ ਪਸੰਦ ਕਰੀਦ ਹਾਂ ਤੇ ਹਾਲੀਵੁੱਡ ਫਿਲਮ ‘ਸੁਪਾਈ’ ਵਿੱਚ ਮੈਨੂੰ ਇਸ ਦਾ ਮੌਕਾ ਮਿਲ ਚੁੱਕਿਆ ਹੈ। ਹੁਣ ਮੈਂ ਹਾਲੀਵੁੱਡ ਦੀ ਕਿਸੇ ਕਾਮੇਡੀ ਫਿਲਮ ਦਾ ਹਿੱਸਾ ਵੀ ਬਣਨਾ ਚਾਹੁੰਦੀ ਹਾਂ।”
ਆਪਣੇ ਫਿਲਮੀ ਕਰੀਅਰ ਨੂੰ ਬਹੁਤ ਉਤਰਾਅ-ਚੜ੍ਹਾਅ ਵਾਲਾ ਮੰਨਣ ਵਾਲੀ ਨਰਗਿਸ ਇਨ੍ਹੀਂ ਦਿਨੀਂ ਮੁੰਬਈ ਛੱਡ ਕੇ ਅਮਰੀਕਾ ਦੇ ਲਾਸ ਏਂਜਲਸ 'ਚ ਰਹਿ ਰਹੀ ਹੈ। ਉਸ ਦੀ ਅਗਲੀ ਫਿਲਮ ਹਿੰਦੀ ਸੰਜੇ ਦੱਤ ਨਾਲ ‘ਤੋਰਬਾਜ਼' ਹੈ, ਜਿਸ ਦੀ ਕੁਝ ਸ਼ੂਟਿੰਗ ਅਜੇ ਬਾਕੀ ਹੈ।
ਉਸ ਅਨੁਸਾਰ ਲਾਸ ਏਂਜਲਸ ਵਿੱਚ ਹੁਣ ਉਹ ਫਿਲਮਾਂ ਤੋਂ ਇਲਾਵਾ ਸੰਗੀਤ ਸਣੇ ਕੁਝ ਹੋਰ ਖੇਤਰਾਂ 'ਤੇ ਵੀ ਆਪਣਾ ਧਿਆਨ ਕੇਂਦਰਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਇਨ੍ਹੀਂ ਦਿਨੀਂ ਵਿਹਲੇ ਸਮੇਂ ਵਿੱਚ ਕੁਕਿੰਗ ਅਤੇ ਕਿਤਾਬਾਂ ਪੜ੍ਹਨ ਦਾ ਆਨੰਦ ਲੈ ਰਹੀ ਹੈ।