ਬਰੈਂਪਟਨ, 18 ਜੂਨ (ਪੋਸਟ ਬਿਊਰੋ) : ਇਨ੍ਹਾਂ ਗਰਮੀਆਂ ਵਿੱਚ ਬਰੈਂਪਟਨ ਵਾਸੀਆਂ ਤੇ ਵਿਜ਼ੀਟਰਜ਼ ਨੂੰ ਐਲਜੀਬੀਟੀਕਿਊ ਕਮਿਊਨਿਟੀ ਨਾਲ ਤਿੰਨ ਤਰ੍ਹਾਂ ਦੇ ਈਵੈਂਟਸ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲੇਗਾ। ਇਨ੍ਹਾਂ ਵਿੱਚੋਂ ਦੋ ਈਵੈਂਟ ਤਾਂ ਪਹਿਲੀ ਵਾਰੀ ਕਰਵਾਏ ਜਾ ਰਹੇ ਹਨ।
22 ਜੂਨ ਨੂੰ ਮੇਅਰ ਬ੍ਰਾਊਨ ਤੇ ਕਾਉਂਸਲ ਵੱਲੋਂ ਪ੍ਰਾਈਡ ਪਰੇਡ ਦੀਆਂ ਤਿਆਰੀਆਂ ਲਈ ਦੁਪਹਿਰ ਦੇ 2:00 ਵਜੇ ਤੋਂ 4:00 ਵਜੇ ਤੱਕ ਪਾਰਟੀ ਰੱਖੀ ਗਈ ਹੈ। ਇਸ ਈਵੈਂਟ ਵਿੱਚ ਡੀਜੇ, ਰਿਫਰੈਸ਼ਮੈਂਟਸ ਤੇ ਬਲੂਨ ਆਰਟਿਸਟ ਹੋਵੇਗਾ। ਅਗਲੇ ਦਿਨ ਭਾਵ 23 ਜੂਨ ਦਿਨ ਐਤਵਾਰ ਨੂੰ ਟੋਰਾਂਟੋ ਵਿਖੇ ਹੋਣ ਵਾਲੀ ਪ੍ਰਾਈਡ ਪਰੇਡ ਲਈ ਹਰ ਕਿਸੇ ਨੂੰ ਇਸ ਪਾਰਟੀ ਵਿੱਚ ਗੁਬਾਰਿਆਂ ਰਾਹੀਂ ਕੁੱਝ ਸਿਰਜਣਾਤਮਕ ਕਰਨ ਦਾ ਸੱਦਾ ਦਿੱਤਾ ਜਾਂਦਾ ਹੈ। ਇਸ ਪਾਰਟੀ ਨੂੰ ਮੈਰੀਡੀਅਨ ਕ੍ਰੈਡਿਟ ਯੂਨੀਅਨ ਵੱਲੋਂ ਸਪਾਂਸਰ ਕੀਤਾ ਜਾ ਰਿਹਾ ਹੈ।
23 ਜੂਨ ਨੂੰ ਟੋਰਾਂਟੋ ਦੀ ਪ੍ਰਾਈਡ ਪਰੇਡ ਵਿੱਚ ਮੇਅਰ ਪੈਟ੍ਰਿਕ ਬ੍ਰਾਊਨ ਤੇ ਕਾਉਂਸਲ ਮੈਂਬਰਾਂ ਸਮੇਤ ਸਾਰਿਆਂ ਨੂੰ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਜਾਂਦਾ ਹੈ। ਆਜ਼ਾਦੀ, ਐਕਸਪ੍ਰੈਸ਼ਨ, ਪਿਆਰ ਤੇ ਆਪਸੀ ਸਮਝ ਦੇ ਪ੍ਰਗਟਾਵੇ ਲਈ ਇਹ ਉੱਤਰੀ ਅਮਰੀਕਾ ਦਾ ਸੱਭ ਤੋਂ ਵੱਡਾ ਈਵੈਂਟ ਮੰਨਿਆ ਜਾਂਦਾ ਹੈ। ਜੇ ਤੁਸੀਂ ਵੀ ਮੇਅਰ ਤੇ ਕਾਉਂਸਲਰਜ਼ ਨਾਲ ਪ੍ਰਾਇਮਰੀ ਮਾਰਚ ਵਿੱਚ ਸ਼ਾਮਲ ਹੋਣਾ ਚਾਹੁੰਦੇ ਹੋਂ ਤਾਂ ਪਿੰਕ ਰੰਗ ਦੀ ਸ਼ਰਟ ਪਾਓ ਤੇ 1:15 ਉੱਤੇ ਟੈੱਡ ਰੌਜਰਜ਼ ਤੇ ਬਲੂਰ ਸਟਰੀਟ ਉੱਤੇ ਮੇਅਰ ਤੇ ਕਾਉਂਸਲ ਨੂੰ ਮਿਲੋ।
ਲਗਾਤਾਰ ਦੂਜੇ ਸਾਲ ਸਿਟੀ ਵੱਲੋਂ ਸਕੁਏਅਰ ਵਿੱਚ ਪ੍ਰਾਈਡ ਪਰੇਡ ਦੀ ਮੇਜ਼ਬਾਨੀ ਕੀਤੀ ਜਾ ਰਹੀ ਹੈ। ਇਸ ਲਈ ਕਲਾ, ਕਾਰਗੁਜ਼ਾਰੀ ਤੇ ਪਰਿਵਾਰਕ ਮਾਹੌਲ ਵਿੱਚ ਪ੍ਰਾਈਡ ਦਾ ਆਨੰਦ ਮਾਨਣ ਲਈ 7 ਜੁਲਾਈ ਨੂੰ 2 ਤੋਂ 9 ਵਜੇ ਤੱਕ ਗਾਰਡਨ ਸਕੁਏਅਰ ਪਹੁੰਚੋ। ਇਸ ਮੌਕੇ ਫੇਅ ਐਂਡ ਫਲੱਫੀ, ਫਲਾਇ ਲੇਡੀ ਡੀ ਤੇ ਕੁਆਰਟਰਬੈਕ ਵਰਗੇ ਕਲਾਕਾਰ ਤੁਹਾਡਾ ਮਨੋਰੰਜਨ ਕਰਨਗੇ।